Tërmokolli i quan llafe të kota kritikat e opozitarëve pasi thotë se nuk kanë asnjë kundërshtim serioz ndaj kryeministrit Kurti.

“Partitë opozitare nuk janë duke e kundërshtuar me asgjë, këto janë llafe të kota, muhabete të cilat nuk thonë asgjë. Nuk ka asnjë kundërshtim serioz a po një qasje më serioze edhe vlerësim, por edhe një drejtim, sepse nëse opozita e kundërshton diçka duhet me dhënë një drejtim politik. Ne nuk kemi pa asgjë nga opozita lidhur me këtë gjë. Janë muhabete”, tha ajo në emisionin “Info Nata” në Tëvë1.

Ish-deputetja thotë që Kurtit nuk mund t’i ngarkohen të gjitha marrëveshjet që janë bërë në të kaluarën.

“Një korrektësi minimale duhet të ekzistojë, në kuptimin që nuk mund t’ia ngarkosh Albin Kurtit se e ka bë marrëveshjen për Asociacionin, nuk mund t’ia ngarkosh Albinit që i ka bë të gjitha ato marrëveshjet tjera me fusnota, ç’fusnota njëra-tjetra. Dihet hapur kush i ka bë, dhe nuk mund ta akuzosh sot se u bë marrëveshje për Asociacionin”, tha ajo.

Sipas saj, problemi i kryeministrit është se ka garantuar që do t’i anulojë marrëveshjet dhe se nuk do të ketë Zajednicë.

“Problemi është që kryeministri Kurti tash, Albini Kurti opozitar ka garantuar që do t’i anulojë. Këtu është problemi, këtu është esenca. Ky i ka marrë obligime vetës vetë dhe duke qenë se këto janë të dëmshme edhe janë të dëmshme se s’mundet me qenë diçka si opozitar i dëmshëm, e si pushtetar e dobishme njësoj si kur të tjerët kur kanë dalë nga pushteti kanë thënë ajo është e dëmshme”, deklaroi Tërmkolli.

The post Tërmkolli: Partitë opozitare nuk janë duke e kundërshtuar me asgjë Kurtin appeared first on TËVË 1 - Lexoje të vërtetën!.

Sipas saj, ky vendim e lë Kosovën edhe pa targa edhe pa miq, raporton teve1.info

“Politika “kreative” e Kryeministrit Kurti “as me sheher as me Barilevë” e lë Kosovën edhe pa targa edhe pa miq!”, ka shkruar ajo.

Ndryshe, për tri javë, nga 1 nëntori deri më 21 nëntor do të jetë masa e qortimit për serbët që nuk konvertojnë targat në RKS, pastaj për dy muaj deri më 21 janar do të jetë masa e gjobitjes dhe nga 21 janari do të ketë targa provuese për dy muaj të tjerë, pas së cilës datë më 21 prill, nuk do të lejohen targa të tjera në Republikën e Kosovës./teve1.info

The post Tërmkolli: Kurti as me shehër as me Barlievë, e la Kosovën pa targa e pa miq appeared first on TËVË 1 - Lexoje të vërtetën!.

“Ka qenë për turp ajo deklaratë… Unë kam reaguar jo prej këndit të imamit, por më shumë e kam kundërshtuar si një ish-nxënës i medresesë, ku kanë kaluar me mijëra nxënës në dyert e saj dhe të gjithë e dimë fort mirë angazhimin dhe e dimë se në çfarë forme Medreseja i ka edukuar nxënësit dhe do të thosha kushtimisht në çfarë  “gazepe”, çfarë vështirësish ka kaluar medreseja për me i edukuar nxënësit. Për këtë arsye Deklarata e zonjës Tërmkolli ka qenë për turp dhe ka qenë e pamatur”, është shprehur Limani në emisionin InfoNata me Ardi Visokën në Tëvë1.

Për më tepër, sipas Limanit kjo deklaratë e ish-deputetes Tërmkolli ka qenë shpifje, pasi ai thotë se Medreseja nuk ka qenë institucioni i vetëm arsimor që nuk është mbyllur në vitet e 90-ta.

“Nuk ka qenë në nivel të fliten ato fjalë për medresenë dhe ende më keq të shpifet, sepse nuk ka qenë vetëm Medreseja ajo e cila për kohën për të cilën flet zonja Tërmkolli ka qenë e hapur pasi në të njëjtën kohë ka qenë i hapur edhe Gjimnazi “Xhevdet Doda”, i cili deri në momentin kur është rrënuar ka punua, e po ashtu edhe Shkolla Normale ka qenë e hapur, edhe shkollat fillore të hapura e të tjerë”, theksoi Limani.

Ai gjithashtu, ka kujtuar faktin që objektin e Medresesë është themeluar edhe LDK-ja dhe se aty i ka mbajtur aktivitet kjo pari.

Limani tha se kjo deklaratë e Tërmkolli i ka bërë të ndjehen keq duke e ditur edhe faktin që “mbi 50 dëshmorë i ka dhënë Medreseja”.

The post Ish-medresanti: Deklarata e Tërmkollit është shpifje, Medreseja i ka dhënë mbi 50 dëshmorë appeared first on TËVË 1 - Lexoje të vërtetën!.

Librin që e mbante gjithmonë me vete djali i saj, e ruan me nostalgji. Hatixhe Selimi, thotë se birit të saj, Selim Selimit s’i kalonte asnjë ditë pa lexuar pjesë nga ky Kuran.

E ky i fundit, la bankat e medresesë së mesme “Alauddin” në Prishtinë, për t’iu bashkuar Ushtrisë Çlirimtare të Kosovës.

Me të njëjtin pasion, thotë se Selim Selimi fliste edhe për t’iu bashkuar UÇK-së.

Më 14 dhjetor të vitit 1998, Selim Selimi bashkë me komandant Mujë Krasniqin dhe 40 dëshmor të tjerë, u vra në një pritë të organizuar nga forcat serbe në Gorozhup të Pashtrikut.

Ky ishte vetëm njëri nga medresistët që ranë dëshmorë në luftën e fundit në Kosovë.

Për këtë familja Selimi thonë se nuk u ndien mirë nga deklarata e ish-deputetes së LDK-Melihate Termkolli, për shkollën në të cilën u edukua biri i tyre.

E këtë deklaratë nuk e pritën mirë as në Medresene e meseme “Alauddin” në Prishtinë

Drejtori i kësaj medreseje, Fadil Hasani, thotë se afër 30 nxënës e imam që mësuan në këtë shkollë, ranë dëshmorë për mbrojtjen e vendit.

Hasani ka shtuar se përveç kësaj, në vitet e 90 në ambientet e medresesë, u mbajtën më shume se 1 mijë e 200 aktivitete me karakter fetar e kombëtar.

Një prej tyre, është edhe Kuvendi i parë i Lidhjes Demokratike të Kosovës, që u mbajt në këtë amfiteatër.

Ndërsa ka kujtuar edhe ditën kur forcat serbe, u futën me forcë brenda objektit të medresese.

Ndërkohë në vitin 2021, Presidentja e vendit, Vjosa Osmani, Medresesë së Mesme Alauddin, i ndau medaljen presidenciale për merita me rastin e 70 vjetorit.

Raporti i gazetarit Fidan Zejnullahu.

The post Familjarët e medresistëve që kanë rënë dëshmorë nuk e priten mirë deklaratën e Melihate Tërmkollit appeared first on TËVË 1 - Lexoje të vërtetën!.