Madje, ai ka vlerësuar se për një gjë të tillë Kosova është shumë larg se para tri viteve.

Arifi në emisionin “InfoNata” në Tëvë 1, ka thënë se ideja e njohjes reciproke është shtyrë për momentin dhe tani po flitet vetëm për normalizim të raporteve.

“Jemi shumë më larg se para tri viteve. Kosova është shumë larg arritjes së një marrëveshje gjithëpërfshirëse me Serbinë. Ka qenë ideja njohja reciproke, kjo është shty për momentin dhe tash po flasim për normalizim që edhe ky është largu e nga ata po lypet “Zajednica”. Degradim pas degradimi kemi ardhë në një situatë ku nga ne po pritet veprimi”, ka thënë Arifi.

I pyetur për kritikat që Qeveria i ka dhënë BE-së dhe emisarit Lajçak për njëanshmëri në dialog, ka thënë se këto kanë dal pas marrëveshjes së Ohrit, kur e panë dokumentin.

Madje ai ka thënë se në fillim të mandatit “ Kurti hante dreka e darka me Lajçakun” dhe sipas tij, nuk janë marrë parasysh vërejtjet e opozitës se me ndërmjetësuesin sllovak duhet të kihet kujdes.

The post Arifi: Jemi më larg se tri vite më parë për marrëveshje gjithëpërfshirëse me Serbinë appeared first on TËVË 1 - Lexoje të vërtetën!.

Këto thirrje pritet të jenë në konkluzionet që do t’i miratojnë liderët në këtë samit, ndërsa draftin e saj e ka siguruar Radio Evropa e Lirë.

“Këshilli Evropian është thellësisht i shqetësuar për situatën e sigurisë në veri të Kosovës. Fuqishëm dënon sulmet e dhunshme ndaj policisë së Kosovës [që ndodhën] më 24 shtator të vitit 2023. Bashkimi Evropian pret që kryesit të kapen dhe të vihen shpejt para drejtësisë dhe që Serbia të bashkëpunojë plotësisht dhe të ndërmarrë të gjithë hapat e domosdoshëm”, thuhet në tekstin e draftit të konkluzioneve.

Autoritetet në Kosovë kanë fajësuar Serbinë për sulmin ndaj policisë së Kosovës më 24 shtator në Banjskë të Zveçanit. Në sulmin nga një grup i armatosur serbësh mbeti i vrarë rreshteri Afrim Bunjaku.

Gjatë përleshjeve që pasuan mes grupit të armatosur dhe policisë u vranë edhe tre sulmues.

Përgjegjësinë për organizimin dhe udhëheqjen e sulmit e ka marrë Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit zyrtar.

Në dy pikat tjera në konkluzione, flitet për hapat për t’i ulur tensionet, si dhe për zbatimin e obligimeve që dalin nga dialogu.

“Kosova dhe Serbia duhet të bëjnë përpjekje të qëndrueshme për shtensionim, në veçanti zhvillimin e zgjedhjeve në veri të Kosovës sa më parë që të jetë e mundshme, me pjesëmarrjen aktive të serbëve të Kosovës. Dështimi në shtensionim [të situatës] do të ketë pasoja“, thuhet në këtë tekst.

“Këshilli Evropian shpreh keqardhje për mungesën e zbatimit nga të dyja palët të Marrëveshjes për rrugën drejt normalizimit dhe aneksit të zbatimit të saj, si dhe të marrëveshjeve të tjera të arritura në dialogun e lehtësuar nga BE-ja, nën udhëheqjen e përfaqësuesit të lartë e me ndihmën e të dërguarit të posaçëm”, thuhet më tej të tekst.

“Ftojmë Kosovën dhe Serbinë t’i zbatojnë ato, pa vonesa dhe pa parakushte. Kjo përfshin edhe themelimin e Asociacionit/Bashkësisë së komunave me shumicë serbe“, thuhet në draftin e konkluzave të Këshillit Evropian.

“Normalizimi i raporteve është një kusht thelbësor për rrugëtimin evropian të të dyja palëve dhe që të dyja rrezikojnë ta humbin rastin e rëndësishëm në mungesë të progresit”, thuhet në fund të pjesës së konkluzioneve kushtuar raporteve ndërmjet Kosovës dhe Serbisë.

Ky draft deri në samitin e BE-së mund të pësojë edhe ndryshime varësisht nga zhvillimet që priten në kuadër të dialogut.

Kjo javë shihet si afati kur Kosova dhe Serbia duhet ta bëjnë hapin kyç në procesin e dialogut për normalizimin e marrëdhënieve, duke pranuar disa kërkesa dhe propozime që ua kanë paraqitur të shtunën pesë emisarë të lartë perëndimorë.

Emisarët perëndimorë ikërkuanPrishtinës dhe Beogradit që të normalizojnë marrëdhëniet dhe të zbatojnë Marrëveshjen drejt normalizimit.

The post Samiti i BE-së: Pritet dënimi i sulmuesve në Banjskë dhe zbatimi i pakusht i marrëveshjeve appeared first on TËVË 1 - Lexoje të vërtetën!.

I pyetur gjatë konferencës për media se çka do të thotë deklarata se në marrëveshjen bazë nuk është njohja formale nga Serbia, dhe se ky ishte një lëshim i madh i Kosovës, ai tha se nuk është lëshim, por është përdorur qëllimisht nga disa media kosovare.

“Ky nuk është lëshim, fjala lëshim është përdorur qëllimisht nga mediat kosovare që kanë financim nga Serbia, për me i dhënë konotacion negativ. Ky është koncesion që ka bërë pala kosovare, jo ndaj Serbisë, por ndaj Bashkësisë Ndërkombëtare. Jo, që kemi hequr dorë nga marrëveshja finale. Kjo marrëveshje, plani franko-gjerman është fazë e ndërmjetme drejtë marrëveshjes finale”, tha ai, përcjellë teve1.info

Sipas tij, fjala lëshim është përdorur për t’i dhënë konotacion negativ. Bislimi thotë se nuk kanë hequr dorë nga marrëveshja finale.

“Pamundësia e faktorit ndërkombëtar të detyrojë Serbinë të jetë konstruktive në dialog ka detyruar propozimin apo sjelljen e propozimit franko-gjerman, do të thotë ka qenë kërkesë e propozuesve që të futet një fazë e ndërmjetme dhe prandaj quhet marrëveshje drejt normalizimit, e cila Kosovës ofron njohje de-facto për njohja de-jure mbetet më vonë”, tha Bislimi./teve1.info/

The post Bislimi: S’kemi hequr dorë nga marrëveshja përfundimtare me Serbinë appeared first on TËVË 1 - Lexoje të vërtetën!.

Kurti ka treguar për pozicionin e tij lidhur me zgjedhjet në veri.

Ai tha se së pari urgjentisht duhet të ndalet dhuna, dhe zbatimi i Marrëveshjes bazë të arritur mes Kosovës dhe Serbisë.

“Faleminderit për mbështetjen e Emirateve të Bashkuara Arabe gjatë gjithë viteve”, ka shkruar Kurti.

Ndërsa, Bashkimi Evropian ka kërkuar  mbajtjen e zgjedhjeve të reja në veri.

Had a call w/ MFA Sheikh Abdullah bin Zayed. Thanked for the support of 🇦🇪 throughout the years. I stressed that 1st step towards de-escalation is the immediate end of violence against security institutions & immediate implementation of the Basic Agreement until next elections.

— Albin Kurti (@albinkurti) June 3, 2023

The post Kurti për zgjedhjet në veri: Së pari të ndalet dhuna dhe të zbatohet marrëveshja bazike appeared first on TËVË 1 - Lexoje të vërtetën!.

Gjatë këtij takimi është biseduar për procesin e dialogut dhe arritjen e Marrëveshjes Bazë në Bruksel, si dhe për aneksin e zbatimit të saj në Ohër.

Kurti dhe ambasadori irlandez kanë biseduar gjithashtu për marrëdhëniet e mira bilaterale mes të dyja shteteve.

“Ata biseduan për marrëdhëniet e mira bilaterale ndërmjet dy shteteve, për bashkëpunimin në fushën e ekonomisë, fushën e ICT-së dhe për shkëmbimin e përvojave sa i përket së përfshirjes dhe bashkëpunimin me mërgatën”, thuhet në njoftim e Zyrës së Kryeministrit.

Tutje, thuhet se kryeministri e ka falënderuar ambasadorin për mbështetjen dhe trajtimin me seriozitet të aplikimit të Kosovës në Këshillin e Evropës gjatë presidencës së Irlandës.

The post Kurti takohet me ambasadorin irlandez, diskutojnë për marrëveshjen me Serbinë appeared first on TËVË 1 - Lexoje të vërtetën!.

Pas dështimit javën e kaluar që të arrihet marrëveshja për targat, një burim i bllokut evropian u ka thënë të hënën, 25 prill, gazetarëve se palëve u është përcjellë ftesa që të vazhdojnë diskutimet për këtë çështje dhe tema tjera.

Ky burim ka thënë se në takimet e fundit pala kosovare ishte e interesuar që të arrihet zgjidhje e përhershme për targat, ndërsa pala serbe ishte më shumë e interesuar për të ruajtur status quo-n.

Marrëveshja e përkohshme mes dy shteteve për targat parasheh mbulimin me letra ngjitëse të simboleve shtetërore në targat e makinave kur ato të kalojnë në territorin e njëra-tjetrës.

Sipas këtij burimi, palët janë “shumë afër” për të arritur dy marrëveshje tjera, atë për energji dhe për të pagjeturit.

“Sa i përket çështjes së të pagjeturve, praktikisht ka mbetur të zgjidhen vetëm dy fjalë, pra një gjysmë fjalie, që të kemi marrëveshjen”, ka thënë ky burim.

Në BE thonë se është e domosdoshme që të ketë shpejt marrëveshje, në mënyrë që të krijohen kushtet për takimin e nivel të lartë politik mes kryeministrit të Kosovës, Albin Kurtit dhe presidentit të Serbisë, Aleksandar Vuçiq.

“Të dy u kanë thënë përfaqësuesve të BE-së dhe Kuintit (Shtetet e Bashkuara, Franca, Gjermania, Italia dhe Britania) se janë të gatshëm të vijnë në takime, në kuadër të dialogut, kurdo që të ftohen nga BE-ja” ka thënë një zyrtar i BE-së.

Megjithatë, kryediplomati evropian, Josep Borrell ka thënë më parë se ai nuk do t’i ftojë palët në takim të tillë nëse nuk do të ketë sinjale të qarta se ato kanë gatishmëri për të arritur përparim në takime të tilla.

Arritja e marrëveshjeve për targat, për energji dhe të pagjeturit do të krijonte kushte edhe për takim në nivel të lartë mendojnë në BE.

Ky zyrtar i BE-së ka sqaruar se nuk ka pasur afat kohor për skadimin e marrëveshjes për regjimin e përkohshëm të përdorimit të letrave ngjitëse për targat, por mandati prej gjashtë muajsh ka qenë vetëm për grupet punuese për të paraqitur opsionet.

Këto grupe janë takuar tetë herë në gjashtë muaj. Por në asnjë rund nuk ka pasur pajtueshmëri mes tyre.

Burimet e BE-së kanë sqaruar po ashtu se për territorin e Kosovës vetëm autoritetet e Kosovës mund të lëshojnë targa të veturave dhe me këtë Serbia ishte pajtuar qëmoti.

Por megjithatë në BE kanë frikë se zbatimi me forcë i ndonjë vendimi nga ana e Kosovës mund të krijojë tensione të panevojshme prandaj kanë bërë thirrje që të mos ketë veprime të ngutshme dhe të njëanshme.

Marrëveshja e arritur më 30 shtator të vitit të kaluar në Bruksel, ka dalë pas disa ditësh trazira në veri të Kosovës, ku disa serbë lokalë kanë bllokuar rrugë, për të kundërshtuar vendimin e atëhershëm të Qeverisë së Kosovës për masa reciprociteti.

Me ato masa, makinat me targa të Serbisë, me të hyrë në territorin e Kosovës, është dashur të vendosin targa të përkohshme – ngjashëm siç kanë vepruar shoferët e makinave me targa të Kosovës kur kanë hyrë në Serbi. /REL/

The post BE kërkon marrëveshje mes Kosovës dhe Serbisë dhe kushte për takim të nivelit të lartë appeared first on TËVË 1 - Lexoje të vërtetën!.

Analisti politik, Gazmir Raci thotë se marrëveshja që nuk e ka brenda reciprocitetin nuk duhet të pranohet nga Kosova.

“Ajo marrëveshje që nuk e ka brenda reciprocitetin konsideroj se nuk do të duhej të pranohej nga pala e Kosovës. Stikersat kanë qenë zgjidhje e përkohshme deri në momentin kur Serbia e njeh Kosovën, pasi ne nuk e njohim njëra-tjetrën. Nëse arrihet të ketë reciprocitet konsideroj se marrëveshja do të jetë e suksesshme, nëse s’ka reciprocitet nuk parashoh qëndrueshmëri… Elementi kryesor i marrëveshjes së përkohshme është çështja e targave ilegale, ato duhet të hiqen nga qarkullimi dhe natyrisht ne kemi të vetmet targa RKS, duhet ose të pranohen si të tilla, por edhe si modalitet tranzitor mund të jetë vazhdimi i stikersave në dy anët reciproke”, thotë ai.

Më këmbëngulës për arritjen e një marrëveshjeje është njohësi i rrethanave politike, sociologu, Artan Muhaxhiri.

“Kosova duhet të bëjë çmos që të arrihet kjo marrëveshje sepse e para do të jetë e dobishme për qytetarët e Kosovës, do të krijojë lehtësira dhe do të ndihmojë Qeverinë e Kosovës që të dëshmohet si palë konstruktive në Bruksel. Aktualisht ekziston një imazh se Qeveria e Kosovës po e bllokon këtë marrëveshje, ndërsa nëse arrihet kjo marrëveshje do të ishte një hap tejet pozitiv në raport me Brukselin”, deklaron ai për KosovaPress.

Tema për targat, sipas Muhaxhirit tregon kompleksitetin e dialogut Kosovë-Serbi. Sipas tij, kjo temë teknike tregon sa e vështirë do të jetë edhe marrëveshja finale nëse s’ka vullnet dhe angazhim të palëve.

“Çështja e targave është një shembull tipik për gjithë kompleksitetin e dialogut mes Kosovës dhe Serbisë. Një temë realisht që duhej të ishte teknike është shndërruar në bllokadë të madhe që nevojiten kaq shumë muaj të diskutimeve dhe dialogimeve nga pala kosovare, serbe dhe ajo BE-së për të arritur një marrëveshje. Kjo nënkupton sa e vështirë do të jetë edhe marrëveshja finale nëse s’ka vullnet dhe angazhim të palëve”, shton ai.

Grupet punuese mes Kosovës dhe Serbisë do të takohen sot në Bruksel në raundin e ri të bisedimeve, ndërsa nesër do të mbahet takimi i zëvendëskryeministrit, njëherësh kryenegociatorit për dialogun, Besnik Bislimi me drejtorin e të ashtuquajturës Zyre për Kosovë në Qeverinë e Serbisë, Petar Petkoviq.

Marrëveshja e përkohshme e arritur në tetor të vitit 2021 ndërmjet Kosovës dhe Serbisë skadon më 21 prill.

The post ​Marrëveshja për targat me Serbinë, vendosja e ngjitësve konsiderohet sërish si mundësi appeared first on TËVË 1 - Lexoje të vërtetën!.

“Sepse pa na njoftë pesë shtetet anëtare të BE-së, ne nuk kemi asnjë shancë me bë asnjë veprim drejt NATO-s. Mund të bësh kërkesa çdo ditë, por unë besoj që rruga do të duhej të ishte krejt tjetër”, tha Molliqaj.

I ftuar në emisionin “Këndi i Debatit” në Tëvë1, Molliqaj ka folur për marrëdhëniet me Serbinë.

Sipas tij, Kosova nuk ka nevojë për një konflikt me shtetin serb, por që duhet arritur një marrëveshje paqësore.

‘’Kosova do të duhej të gëzohej që Serbia megjithatë ka bërë hapa drejt perëndimit, nuk na duhet luftë as konflikt na duhet marrëveshje e paqes me Serbinë. Ne na duhet marrëveshje paqe me Serbinë. Nuk mund ta detyrojmë Serbinë, por duhet që të punojmë me faktorin ndërkombëtar siç e tha edhe përfaqësuesi i Shteteve të Bashkuara të Amerikës që duhet të dyfishojmë përpjekjet për marrëveshje të paqes. Në vend se të ndjekim këtë rrugë, këtu kishte thua që lufta duhet të fillojë’’, shtoi ai./teve1.info/.

The post Molliqaj: Kosova s’ka shancë të anëtarësohet në NATO appeared first on TËVË 1 - Lexoje të vërtetën!.