Kryeministri i Kosovës, Albin Kurti, kishte njoftuar se për një periudhë do të njihen dokumentet e serbëve që janë të lëshuara nga strukturat ilegale

Ambasadori britanik e ka përshëndetur këtë marrëveshje, duke e përgëzuar Albin Kurtin për këtë angazhim.

“Mbretëria e Bashkuar mirëpret marrëveshjen e arritur midis Kosovës dhe BE-së mbi zbatimin e Ligjit për të Huajt. Marrëveshja respekton kornizën ligjore të Kosovës, duke ofruar zgjidhje praktike për të gjitha komunitetet që të jetojnë, punojnë dhe studiojnë ligjërisht në Kosovë pa ndërprerje të shërbimeve”.

“Ne mirëpresim angazhimin e Kryeministrit Kurti për të zbatuar ligjin dhe planet e tjera të ardhshme që ndikojnë në komunitetin serb të Kosovës në koordinim të ngushtë me BE-në dhe komunitetin”, ka shkruar ai në Facebook.

The post Hargreaves përgëzon Kurtin për marrëveshjen me BE-në për Ligjin për të Huajt appeared first on TËVË 1 - Lexoje të vërtetën!.

MPB-ja gjithashtu bëri të ditur se për një periudhë tre mujore do të mundësohet regjistrimi në Regjistrin Civil të Kosovës i lindjeve, martesave dhe vdekjeve që janë regjistruar deri më 15 mars 2026 në institucionet paralele serbe.

Po ashtu, do të lejohet njohja e përkohshme e kartave të identitetit të lëshuara nga këto struktura, vetëm për qëllime identifikimi.

Ministria njoftoi se shtetasit e huaj janë të obliguar të deklarojnë adresën brenda tre ditëve nga hyrja në Kosovë, përmes aplikacionit të Policisë së Kosovës, ueb-faqes ose në stacionin më të afërt policor.

The post MPB-ja për zbatimin e Ligjit për të Huajt: Nga e hëna nisin aplikimet për lejeqëndrim appeared first on TËVË 1 - Lexoje të vërtetën!.

Në njofitmin e MPB-së, ky aplikacion do të mund të shkarkohet në të dy sistemet për telefona mobil, Android dhe iOS (iPhone).

Po ashtu, mundësia e deklarimit të adresës do të bëhet edhe përmes ueb-it në kuadër të Policisë së Kosovës.

Në aplikacion janë të parapara rubrikat e domosdoshme që qytetarët e huaj duhet t’i plotësojnë për kohën sa qëndrojnë në Kosovë.

“Deklarimi i adresës i qytetarëve të huaj brenda tre (3) ditëve nga hyrja në Republikën e Kosovës është obligim ligjor”.

Në vijim keni linkun/barcodin: iOS: https://apps.apple.com/app/id6759111987, Android:

https://play.google.com/store/apps/details?id=com.foreignerregistration dhe Web:

https://foreignerregistration.kosovopolice.com:8

The post Lansohet aplikacioni për deklarimin e adresës për qytetarët e huaj që vizitojnë Kosovën appeared first on TËVË 1 - Lexoje të vërtetën!.

Rama ka deklaruar se shpërbërja e strukturave paralele në Kosovë është një punë e vështirë, por theksoi se BE-ja duhet të tregojë guxim dhe të heqë masat ndëshkuese ndaj Kosovës.

Rama ka bërë apel për një avancim të mëtejshëm të Kosovës në procesin e anëtarësimit në BE, duke shtuar se një Ballkan Perëndimor plotësisht i integruar në Bashkimin Evropian nuk është “bamirësi”, por është fitorja strategjike për vetë Evropën.

“Ne mirëpresim koordinimin midis Kosovës dhe BE-së për Ligjin për të Huajt. Shpërbërja e strukturave paralele është punë e vështirë. BE-ja duhet të tregojë të njëjtën guxim dhe të heqë masat ndëshkuese, të ecë përpara me aplikimin e Kosovës për anëtarësim. Një Ballkan Perëndimor plotësisht brenda BE-së nuk është bamirësi. Është fitorja strategjike e vetë Evropës”, ka shkruar Rama në X.

The post Rama mirëpret Ligjin për të Huajt, bën apel për avancimin e Kosovës në procesin e anëtarësimit në BE appeared first on TËVË 1 - Lexoje të vërtetën!.

Sipas Haradinajt, me këtë dakordim Kosova do të mundësojë që qytetarët serbë të regjistrohen në Regjistrin Civil duke përdorur si dokument identifikimi letërnjoftimet e lëshuara nga Serbia.

“Pas njohjes së pasaportave ilegale të strukturave paralele, sot me plot gojë Kryeministri jonë tha se po u hapim edhe një dritare dokumenteve të tjera jolegale për serbët”, ka shkruar Haradinaj.

Ai ka akuzuar kryeministrin se po bashkëpunon me strukturat paralele serbe, ndërsa sipas tij qytetarët shqiptarë përballen me probleme dhe bllokada.

“Deri kur me këto lojëra ? Plot gojën me patriotizëm, por plot vendime antikushtetuese dhe antiligjore. Me serb dhe struktura paralele bashkëpunim të shkëlqyeshëm, e me shqiptarë të këtij vendi bllokada e rrëmujë”, ka shkruar Haradinaj./teve1.info/

The post Haradinaj-Kurtit: Me strukturat paralele po bashkëpunon, e me shqiptarët bllokada e rrëmujë appeared first on TËVË 1 - Lexoje të vërtetën!.

Në Kosovë, nga sonte në mesnatë, fillon zbatimi strikt i Ligjit për komunikacionin, sipas të cilit automjetet me targa të huaja nuk mund të qarkullojnë në vend më shumë se tre muaj ose mbi bazën e autorizimit, ka konfirmuar zëvendësdrejtori i Policisë së Kosovës për rajonin e veriut, Veton Elshani.

Njëkohësisht, nis edhe zbatimi strikt i Ligjit për të huajt sa u përket dokumenteve personale.

Sipas tij, të gjithë ata që nuk posedojnë dokumente të Kosovës, do të duhet të aplikojnë për leje qëndrimi brenda 72 orëve.

Këto masa do të prekin kryesisht pjesëtarët e komunitetit serb që jetojnë në Kosovë dhe që deri më tani kanë drejtuar automjete me targa të qyteteve në Serbi mbi bazën e autorizimit, ose nuk kanë pasur dokumente të Kosovës.

Nga Policia e Kosovës thanë për REL se drejtimi i automjeteve me targa të huaja mbi bazën e autorizimit është në kundërshtim me Ligjin për komunikacionin.

Megjithatë, deri më tani, kjo praktikë është toleruar për t’u dhënë qytetarëve kohë t’i ndërrojnë targat.

Veton Elshani theksoi se, nga 15 janari, policia do ta zbatojë ligjin në terren. Ai shtoi se drejtimi i automjeteve mbi bazën e autorizimit do të lejohet vetëm në raste emergjente, por me paralajmërim.

“Për shembull, nëse dikush shkon në spital, nuk do ta ndalojmë dhe nuk do ta konfiskojmë menjëherë automjetin. Por, nëse i njëjti person ndalohet përsëri në ditët në vazhdim, mund t’i shqiptohet gjobë deri në 200 euro”, shpjegoi ai.

Kosova ndaloi në fund të vitit 2022 qarkullimin e automjeteve me targa me akronimet e qyteteve të Serbisë.

Kjo masë shkaktoi daljen e disa serbëve nga institucionet e Kosovës dhe rriti tensionet në terren.

Disa nga pjesëtarët e komunitetit serb që jetojnë në Kosovë, i regjistruan më pas automjetet e tyre me targa të Serbisë dhe i përdornin ato mbi bazën e autorizimit.

Në këtë autorizim përfshihen të dhënat e kartës së identitetit të drejtuesit të automjetit, e cila lëshohet nga autoritetet serbe për qytetet në Kosovë, por që Prishtina zyrtare nuk e njeh.

Ligji për të huajt mund t’i prekë pjesëtarët e komunitetit serb që nuk kanë dokumente kosovare, por jetojnë, punojnë ose studiojnë në Kosovë.

Megjithatë, Elshani tha se ligji nuk do të zbatohet strikt për ata që jetojnë në Kosovë dhe që për ndonjë arsye nuk kanë dokumente kosovare.

“Ne nuk do t’i dëbojmë këta persona, nuk do t’i ndajmë nënat nga fëmijët apo baballarët nga fëmijët”, tha ai, duke shtuar se ligji do të zbatohet vetëm për ata që vijnë në Kosovë për turizëm, punë ose studime.

“Zbatimi do të bëhet gradualisht, nuk do të dëbohet askush menjëherë. Për shembull, nëse në orën 02:00 të mëngjesit policia takon dikë në rrugë dhe ai nuk ka dokumente kosovare, ai do të njoftohet që duhet të paraqitet në stacionin policor”, shpjegoi Elshani.

Në manualin “Udhëzuesi për hyrjen, lëvizjen, qëndrimin dhe punësimin e të huajve në Republikën e Kosovës”, i publikuar vitin e kaluar, shpjegohet procedura për marrjen e lejes për “qëndrim të përkohshëm, afatshkurtër ose të përhershëm”.

Vendimin për lëshimin e lejeve do ta marrë Departamenti për Shtetësi, Azil dhe Migrim i Ministrisë së Punëve të Brendshme të Kosovës.

Zbatimi pa përjashtime i këtyre dy ligjeve ishte paraparë të fillonte më 1 nëntor të vitit të kaluar, por Ministria e Punëve të Brendshme e Kosovës e shtyu këtë afat deri më 15 janar 2026, për të mundësuar zhvillimin e një fushate informuese.

The post Fillon zbatimi strikt i Ligjit për komunikacionin dhe i Ligjit për të huajt në Kosovë appeared first on TËVË 1 - Lexoje të vërtetën!.