Në këtë takim u diskutua për procesin e verifikimit dhe plotësimit të të dhënave mbi viktimat e luftës, i cili, sipas institucioneve, ka zgjatur mbi dy vite.

Kurti tha se dokumentimi i krimeve të luftës është një detyrë shtetërore që lidhet me kujtesën, drejtësinë dhe dinjitetin e viktimave.

“Kjo detyrë e jona lidhet me kujtesën, me drejtësinë, me dinjitetin e viktimave dhe me mënyrën se si Republika e Kosovës e ndërton raportin e saj me të kaluarën dhe me të ardhmen”, u shpreh ai.

Ai shtoi se krimet e kryera gjatë luftës në Kosovë nuk mund të mbeten vetëm në kujtesën individuale, por duhet të dokumentohen në mënyrë institucionale dhe të verifikueshme.

“Nuk mjafton që ne ta dimë çfarë ka ndodhur. Duhet ta dokumentojmë, duhet ta verifikojmë dhe duhet ta ruajmë”, tha Kurti.

Duke folur për listën preliminare të viktimave, Kurti theksoi se çdo emër përfaqëson një histori dhe kërkon trajtim të kujdesshëm.

“Secili emër në këtë listë përfaqëson një jetë të humbur, një familje të goditur dhe një pjesë të historisë sonë”, deklaroi ai.

Kryeministri në detyrë shtoi se Instituti për Krimet e Kryera Gjatë Luftës në Kosovë është një strukturë shtetërore që, sipas tij, duhet të forcojë dhe institucionalizojë kujtesën historike.

“Instituti përveç se është një strukturë shtetërore, përfaqëson edhe ndërgjegjen tonë kolektive, duke kthyer dhimbjen në kujtesë dhe kujtesën në dëshmi”, tha Kurti.

Në fund, ai theksoi se Serbia duhet të përballet me të kaluarën dhe të hapë arkivat për krimet e kryera gjatë luftës në Kosovë, duke shtuar se paqja e qëndrueshme kërkon ballafaqim me të vërtetën.

The post Kurti: Krimet e luftës në Kosovë duhet të dokumentohen me saktësi dhe dinjitet institucional appeared first on TËVË 1 - Lexoje të vërtetën!.

Kurti bëri të ditur përmes një postimi në X se gjatë takimit e informoi ministrin Albusaidi për rritjen e fuqishme ekonomike të Kosovës dhe klimën pozitive të investimeve.

“Ne ramë dakord të ndërmarrim hapa konkretë drejt forcimit të marrëdhënieve midis dy vendeve tona, duke përfshirë shkëmbimin arsimor; promovimin e investimeve në bujqësi dhe industri të tjera; dhe marrëveshje të reja dypalëshe,” shkroi Kurti.

Përveç takimit me ministrin e Jashtëm të Omanit, Kurti u takua edhe me kryeministrin e Mbretërisë së Belgjikës, Bart De Wever, me të cilin diskutoi për marrëdhëniet bilaterale dhe fushat me interes të përbashkët, duke theksuar bashkëpunimin në fushën e mbrojtjes dhe rritjen e shkëmbimeve tregtare.

A warm and productive meeting with Sayyid Badr bin Hamad bin Hamood Albusaidi, Minister of Foreign Affairs of the Sultanate of Oman. I informed Minister Albusaidi of Kosova’s robust economic growth and positive investment climate. We agreed to take concrete steps towards… pic.twitter.com/qN43beSBPV

— Albin Kurti (@albinkurti) September 25, 2025

The post Kurti takohet me ministrin e Jashtëm të Omanit në OKB për forcimin e marrëdhënieve bilaterale appeared first on TËVË 1 - Lexoje të vërtetën!.

Lajmi është konfirmuar nga Zyra e Kryeministrit, përmes një komunikate për media.

“Kryeministri në detyrë i Republikës së Kosovës, Albin Kurti, ka udhëtuar për në New York, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara,” thuhet në njoftim.

Gjatë qëndrimit në SHBA, Kurti pritet të takohet edhe me pjesëtarë të komunitetit shqiptar, si dhe me përfaqësues të shoqatave të ndryshme të diasporës.

“Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj”, theksohet në njoftim.

Vizita e Kurtit në Nju Jork konsiderohet si pjesë e përpjekjeve të vazhdueshme të institucioneve të Kosovës për të forcuar pozicionin ndërkombëtar të vendit dhe për të tërhequr investime të reja.

The post Kurti udhëton për në New York, paralajmëron takime bilaterale appeared first on TËVË 1 - Lexoje të vërtetën!.

“Kemi ardhur këtu që të tregojmë përkushtimin tonë që ndërmjet veriut dhe jugut të ketë sa më shumë komunikim, qarkullim, bashkëpunim e shkëmbime,” tha Kurti.

Kurti pasi ka vendosur du gurthemelet e urave, ka thënë se është kryeministër i Kosovës dhe se të gjitha veprimet po i bëjnë në përputhje me planet dhe në bazë të ligjit.

“Unë jam kryeministër i Kosovës. Këta janë ministra të Kosovës. Janë kryetar të Komunave të Kosovës. Gjithçka që bëjmë është në përputhje me planet tona, sipas ligjit dhe për të mirën e të gjithë qytetarëve”, ka thënë Kurti.Ai tutje ka thënë se ata që kanë dilema, mund ta kontaktojnë Qeverinë e Kosovës për të marrë shpjegime.Ata që kanë dilema, lirisht mund të na kontaktojnë dhe ua shpjegojmë me përpikmëri dhe durim”, ka thënë Kurti.

Ai bëri të ditur se dy urat e reja do të ndërtohen në të dy anët e Urës Kryesore mbi lumin Ibër. Njëra prej tyre do të jetë për automjete dhe këmbësorë, ndërsa tjetra vetëm për këmbësorë.

Sipas Kurtit:

• Ura për automjete dhe këmbësorë do të ketë një gjatësi prej 51 metrash dhe gjerësi prej 10 metrash;

• Ura për këmbësorë do të jetë 22 metra e gjatë dhe 3.7 metra e gjerë.

Këto investime vijnë si pjesë e Memorandumit të Bashkëpunimit ndërmjet Ministrisë së Mjedisit, Planifikimit Hapësinor dhe Infrastrukturës dhe komunave të Mitrovicës së jugut dhe veriut. Synimi i këtij projekti është përmirësimi i infrastrukturës dhe rritja e lëvizjes së lirë për qytetarët në të dy anët e qytetit.

The post Kurti: Dy ura të reja për të rritur qarkullimin dhe bashkëpunimin mes veriut dhe jugut appeared first on TËVË 1 - Lexoje të vërtetën!.

Në këtë ngjarje mori pjesë kryeministri në detyrë i Kosovës, Albin Kurti, bashkë me Faton Pecin dhe Agim Bahtirin, si dhe kryesuesi i Bordit të Përbashkët të dy komunave, Elbert Krasniqi, zëvendësministri në detyrë i Infrastrukturës, Hysen Durmishi.

Dy urat e reja do të ndërtohen në afërsi të Urës së Ibrit, në kuadër të një Memorandumi Bashkëpunimi të nënshkruar ndërmjet Ministrisë së Mjedisit, Planifikimit Hapësinor dhe Infrastrukturës dhe komunave të Mitrovicës së jugut dhe veriut.

Ky projekt infrastrukturor synon të përmirësojë ndërlidhjen dhe lëvizjen e lirë ndërmjet dy pjesëve të qytetit të Mitrovicës, duke përfaqësuar një hap drejt normalizimit dhe integrimit urban.

The post Gurthemeli i urës së re në veri, Kurti merr pjesë në ceremoninë inauguruese appeared first on TËVË 1 - Lexoje të vërtetën!.