Në emisionin “Ditari” në Tevë1, Xhaferi ka shpjeguar se, sipas tij, LDK-së i përshtatet të bashkëpunojë vetëm me parti dhe individë me të cilët ka pasur bashkëpunim të qëndrueshëm në vitet e kaluara.

“Sa i përket koalicionit me Nismën, realisht është një çështje që do të aprovohet nga Këshilli i Përgjithshëm i LDK-së. Unë jam pjesë e këtij këshilli, por besoj se LDK-së i shkon për shtati një format bashkëpunimi me ato parti me të cilat kemi garuar dhe bashkëpunuar ndër vite në zgjedhje. Formati i LDK-së duhet të jetë me ata që kemi udhëtuar politikisht ndër vite. Mund të ketë aktorë të rinj që besojnë në këtë parti, por jo me persona ose parti që kanë qenë kundërshtarë politikë të LDK-së gjatë viteve”, ka deklaruar ai.

Xhaferi ka theksuar se ai personalisht preferon që LDK të garojë e vetme në zgjedhje, me logon dhe programin e saj.

“Personalisht nuk do të doja t’i shihja ndonjë sigmë tjetër përpos Lidhjes Demokratike të Kosovës dhe në këtë kuptim unë votoj edhe në Këshillin e Përgjithshëm, që sigma e LDK-së të jetë e vetme në këtë proces zgjedhor të cilin e kemi”, tha Xhaferi.

Megjithatë, ai e ka lënë të hapur mundësinë për bashkëpunime me Nismën apo parti të tjera pas zgjedhjeve.

“Pas zgjedhjeve mund të ketë bashkëpunime të tilla, por aktualisht nuk e shoh një format të tillë”, është shprehur Xhaferi.

Ndryshe, të mërkurën vetë kreu i NISMA’s, Fatmir Limaj konfirmoi se po zhvillojnë negociata me LDK’në, duke i hedhur poshtë disa raportime se po negocion edhe me PDK-në.

Po ashtu, edhe kreu i LDK’së, Lumir Abdixhiku, deklaroi të hënën se një pjesë e listës së kësaj partie për zgjedhjet e 28 dhjetorit mbetet e hapur, përfshirë edhe për NISMA’n e Fatmir Limajt.

“LDK do të kujdeset që një pjesë të listës së vetë, ta hapë për partitë e tjera, përfshirë edhe z. Limaj me deputetët e vetë. Për këtë çështje do të diskutojmë ditëve në vijim, por le të themi se kemi gatishmëri”, deklaroi ai.
“Jemi të hapur edhe për partitë, edhe për individë”, deklaroi Abdixhiku./teve1.info/

The post Xhaferi tregon nëse do të ketë koalicion parazgjedhor mes LDK-së dhe Nismës appeared first on TËVË 1 - Lexoje të vërtetën!.

Duke folur në emisionin “Mesditë” në Tëvë1, Xhaferi tha se rezultatet e zgjedhjeve të fundit kanë treguar një trend të qartë politik që, sipas tij, do të vazhdojë edhe në të ardhmen.

“LVV-ja në zgjedhjet e fundit ka pasur rënie, ndërsa partitë opozitare kanë pasur rritje. Unë jam i bindur se rënia do të ndodhë përsëri me LVV-në. Ajo që po them është jashtëzakonisht e vërtetë dhe do të ketë faturën e vet në zgjedhjet e ardhshme, ndërsa opozita do të ketë rritje,” ka deklaruar Xhaferi.

Deputeti i LDK-së ka theksuar se partia e tij ka qenë konsistente në qëndrimin për të mos bërë marrëveshje politike pas zgjedhjeve, duke qëndruar besnike ndaj premtimeve të dhëna para qytetarëve.

“Qasja e LDK-së karshi zgjedhjeve ka qenë e qartë, sepse ne në zgjedhje kemi thënë se nuk bëjmë marrëveshje dhe i kemi qëndruar konsistent këtij qëndrimi,” ka theksuar ai.

Xhaferi tha gjithashtu se LDK-ja është në kontakt të vazhdueshëm me elektoratin, i cili, sipas tij, nuk dëshiron bashkëpunim me mënyrën e qeverisjes aktuale.

“Ne shpesh takohemi me elektoratin dhe ata janë kategorikisht që të mos kemi marrëveshje me këtë mendësi që e karakterizon sot Kosovën,” ka shtuar Xhaferi.

Në fund, deputeti i LDK-së e ka quajtur Lëvizjen Vetëvendosje një parti populliste, duke thënë se qytetarët nuk kanë përfituar nga retorika e tillë.

“VV-ja është një parti populliste, dhe hajrin popullizmit nuk ia ka parë askush, por ia kanë parë punëve reale në terren,” ka përfunduar Xhaferi.

The post Krenar Xhaferi: VV po bie, në zgjedhjet e ardhshme do të ketë rritje për opozitën appeared first on TËVË 1 - Lexoje të vërtetën!.

Në emisionin “Ditari” në Tëvë1, Xhaferi tha se pas dështimit për formimin e Qeverisë Kurti 3, vendi nuk ka më asnjë alternativë tjetër përveç mbajtjes së zgjedhjeve të reja.

“Janë dhjetë ditë afat kohor nga dita kur Qeveria Kurti 3 nuk mori mandatin e ri, dhe unë besoj se në takimin me presidenten liderët politikë duhet të diskutojnë për datën e zgjedhjeve, sepse më nuk ka alternativa tjera”, ka thënë ai.

Sipas tij, për ata që kanë 48 mandate në Kuvend dhe nuk kanë arritur të sigurojnë shumicën e nevojshme për formimin e qeverisë duhet të ketë një përgjegjësi politike

“Ne, si LDK, e kemi thënë se zgjedhjet janë të domosdoshme, pasi tash e nëntë muaj pas procesit zgjedhor vendi nuk ka pasur institucione funksionale. Kjo, natyrisht, duhet të jetë edhe një faturë politike për ata që kanë 48 mandate dhe nuk janë në gjendje të krijojnë një shumicë të thjeshtë prej 61 votash për formimin e qeverisë së re. Nëse me 48 deputetë nuk janë në gjendje të krijojnë shumicë të thjeshtë, atëherë nuk janë as në gjendje të qeverisin me vendin”, ka theksuar Xhaferi.

Ai ka shtuar se në zgjedhjet e ardhshme Lëvizja Vetëvendosje do të pësojë një rënie të madhe dhe se do të ketë ndryshim të forcave politike.

Ndryshe, Osmani pritet t’i thërrasë për konsultime partitë politike së shpejti, pasi të dielën, mandatari i parë për formimin e qeverisë së re, Albin Kurti i Lëvizjes Vetëvendosje, dështoi t’i fitojë votat e nevojshme për një mandat të tretë.

Sipas Kushtetutës së Kosovës, i takon presidentes Osmani ta caktojë një mandatar tjetër për formimin e Qeverisë brenda 10 ditësh.

Nëse as pas përpjekjes së dytë Qeveria nuk mund të formohet, presidentja duhet të shpallë zgjedhje të reja, të cilat duhet të mbahen brenda 40 ditësh./teve1.info/

The post Xhaferi: Me presidenten të diskutohet data e zgjedhjeve, s’ka rrugë tjetër appeared first on TËVË 1 - Lexoje të vërtetën!.

“Unë mendoj që ka qenë një veprim i ngutshëm. Unë e shoh si të tillë, por besoj që do të jetë një veprim i izoluar,” deklaroi Xhaferi.

Ai theksoi se mungesa e koordinimit ndërmjet degës lokale dhe qendrës së partisë është problematike dhe mund të dëmtojë imazhin dhe funksionimin e LDK-së në nivel nacional.

“Çdo koalicion duhet të ketë koordinim të patjetërsueshëm mes qendrës dhe degës. Kur ka koordinim të rregullt mes strukturave, atëherë vijnë edhe rezultatet për partinë në nivel kombëtar,” u shpreh ai.

Deputeti Xhaferi zbuloi se as ai dhe as anëtarë të tjerë të shtabit qendror nuk kanë qenë të informuar për marrëveshjen apo për takimet e zhvilluara mes Xhafer Tahirit dhe Albin Kurtit.

“Unë nuk kam qenë i informuar për këto takime mes Tahirit dhe Kurtit. Për mua edhe vetë ky koalicion ka qenë një befasi. Ishte e papritur sepse ne ishim në Prishtinë duke mbajtur mbledhjen e shtabit dhe kur pamë lajmin, ishte befasuese,” tha ai.

Duke komentuar më tej për ndikimin e mundshëm të kësaj marrëveshjeje, Xhaferi tha se LDK-ja është e përqendruar në ruajtjen dhe fitoren e tetë komunave në zgjedhjet e ardhshme dhe nuk ka pasur nevojë për “veprime të tilla të njëanshme”.

“Fokusi ynë është të ruajmë 8 komunat dhe t’i fitojmë 8 të tjera. Në këtë pikë, nuk ka qenë e nevojshme të krijohen situata të tilla,” përfundoi ai.

The post Xhaferi: Marrëveshja në Vushtrri u bë pa dijeninë tonë – koalicioni ishte befasues appeared first on TËVË 1 - Lexoje të vërtetën!.

I ftuar në emisionin “Këndi i Debatit” në Tëvë1, Xhaferi tha se qeverisja aktuale në kryeqytet ka pasur rezultate të dukshme, veçanërisht në infrastrukturë.

“Qeverisja në Prishtinë ka sjellë rezultate konkrete. Një pjesë e madhe e projekteve janë përfunduar dhe kemi mbi 700 rrugë të punuara. Këto janë fakte, jo premtime,” deklaroi Xhaferi.

Në lidhje me problemin e ndriçimit të rrugëve, në veçanti rrugës B, deputeti sqaroi se ka një kontratë të nënshkruar së fundmi që po implementohet në gjithë qytetin.

“Vetëm për ndriçimin është nënshkruar një kontratë prej 12 milionë eurosh, para katër ose pesë muajve. Ajo ka qenë planifikuar nga viti i kaluar dhe tashmë po zbatohet. Ka ndërhyrje në tërë qytetin dhe rruga B do të jetë e ndriçuar. Një pjesë e madhe e rrugës B dhe edhe e rrugës C veçse ka filluar të ndriçohet,” sqaroi Xhaferi.

Xhaferi u ndal edhe tek çështja e qenve endacakë, duke theksuar se ky problem nuk mund të zgjidhet vetëm nga niveli lokal.

“Sa i përket qenve endacakë, nuk është përgjegjësi vetëm e komunës. Duhet ndërhyrje edhe nga niveli qendror, në veçanti nga Ministria e Bujqësisë. Ky është një problem i përmasave më të mëdha sesa mund ta përballojë vetëm një komunë,” tha ai.

The post Xhaferi: Rruga B do të ndriçohet plotësisht së shpejti, investim prej 12 milionë eurosh appeared first on TËVË 1 - Lexoje të vërtetën!.

“Vendimi i Gjykatës Kushtetuese ende nuk është i plotë. Ne si LDK presim që të publikohet i plotë, e pastaj do ta analizojmë dhe do të marrim një vendim në përputhje me situatën aktuale,” deklaroi ai.

Sipas tij, Kosova ndodhet në një situatë të rëndë politike që po reflekton edhe në fusha të tjera si ekonomia dhe zhvillimi institucional.

“Jemi përballë një situate të rëndë politike, e cila reflekton në çdo aspekt tjetër – ekonomik, zhvillimor dhe institucional. Kjo situatë është e papranueshme dhe na kthen pas katër vitesh,” theksoi Xhaferi.

Ai akuzoi Lëvizjen Vetëvendosje për mosrespektim të vendimeve të Gjykatës Kushtetuese, duke e bërë përgjegjëse për ngërçin aktual politik dhe bllokadën në Kuvendin e Kosovës.

“Kemi një bllokadë të punës në Kuvendin e Kosovës. Aktgjykimet e Gjykatës Kushtetuese nuk janë respektuar nga LVV. Ky ngërç politik në të cilin jemi është krejtësisht pasojë e mosveprimit të VV-së, ndoshta sepse nuk e ka marrë atë që ka dashur,” u shpreh deputeti i LDK-së.

Xhaferi nënvizoi se situata e krijuar nuk është vetëm krizë e institucioneve, por një krizë që dëmton funksionimin demokratik të shtetit dhe përparimin e mëtejshëm të vendit.

The post Xhaferi: LDK pret vendimin e plotë të Kushtetueses, më pas marrim qëndrim për nënkryetarin nga Lista Serbe appeared first on TËVË 1 - Lexoje të vërtetën!.

Sipas tij, kjo mënyrë e veprimit është një formë imponimi në rendin e ditës.

“Besoj se do të jetë më e qartë Gjykata Kushtetuese, sepse tashmë e kemi çuar ndërhyrjen e votimit të fshehtë që po bëhet në Kuvendin e Kosovës, pra është një imponim në rendin e ditës, nga votimi i hapur në votim të fshehtë”, deklaroi Xhaferi në emisionin “Info Nata” në Tëvë1.

Ai kritikoi edhe rolin e kryesuesit të seancës, Avni Dehari.

“Dehari nuk është asgjë më shumë se një nga 120 deputetët e tjerë. Mosha e ka përcaktuar që ai të jetë përcaktues i seancës, por ai duhet të zbatojë një rend të ditës. Kaq e thjeshtë është situata në Kuvendin e Kosovës. Kur ti nuk je në gjendje me kalu këtë situatë, atëherë ti nuk je në gjendje as me qeverisë me vendin,” u shpreh ai.

Përveç krizës institucionale, Xhaferi ngriti alarmin edhe për përkeqësimin e situatës ekonomike në vend, duke theksuar se kriza me furnizimin me energji elektrike është duke ndikuar drejtpërdrejt në sektorin e biznesit.

“Ne kemi situatë jashtëzakonisht të vështirë ekonomike. Situata me rrymë po e komplikon edhe më shumë atë me bizneset, sepse ato i kemi pasur si partner për zhvillimin e vendit e jo si armik”, theksoi ai.

The post Xhaferi: Votimi i fshehtë në Kuvend, imponim i papranueshëm appeared first on TËVË 1 - Lexoje të vërtetën!.