Raporti i NATO-s për ndryshimet klimatike, në pjesën për Kosovën, shpërfaq rrezikun nga rritja e temperaturave, shpeshtimin e rasteve të zjarrit dhe thatësirat.

Si rezultat i këtyre, problematike shihet furnizimi me ujë.

“Parashikimet e temperaturave më të larta dhe rreziku i shtuar i zjarreve, pakësimi i reshjeve dhe rritja e popullsisë, sugjerojnë që deri në vitin 2050, katër nga pesë ujërat e Kosovës mund të përballen me mungesë uji, gjë që mund të ndikojë në furnizimin me ujë si për popullatën  lokale, si dhe personelin e KFOR-it. Si përfundim, mund të ndikojë në punën e aktorëve të sigurisë në Kosovë. Së pari, rritja e ngjarjeve të lidhura me klimën mund të shtrojë kërkesë të shtuar për FSK-në që të ofrojë mbështetje për autoritetet civile. Përveç kësaj, kjo gjithashtu mund të rrisë kërkesën për Burimet e KFOR-it për të ndihmuar  drejtpërdrejt institucionet në Kosovë”, thuhet nw raport.

Në këtë raport, janë renditur edhe krimet mjedisore që kryhen në vazhdimësi në Kosovë, që i kontribuojnë degradimit të mjedisit.

“Krimi mjedisor, si p.sh prerja e paligjshme e drunjëve dhe hedhja e mbeturinave, paraqesin sfida të rëndësishme për ekosistemin dhe mjedisi. Këto aktivitete jo vetëm që degradojnë burimet natyrore dhe ekosistemet por edhe përkeqësojnë ndikimet e ndryshimeve klimatike duke rritur nivelet e ndotjes dhe reduktimin e aftësisë së pyjeve për të vepruar si zhytës karboni”, thuhet tutje.

Ndaj këtyre të gjeturave të raportit për ndryshime klimatike, kërkohen veprime nga shteti.

“Institucionet në nivel vendi kanë pësuar një letargji,  një gjumë, ku tash e ca vite, pothuajse dekada nuk kanë vepruar drejt kauzës së ndotjes së mjedisit në Kosovë. Atëherë e mirë do të kishte me qenë që institucionet e vendit të ngrisin politika të reja mjedisore, të rishqyrtojnë politikat e tyre mjedisore, të hartojnë programe dhe standard. Dhe realisht, të merren masa parandaluese, siç është aplikimi i gjobave ndaj individëve që shkaktojnë ndotjen e mjedisit”, ka thënë Valentinë Uka – ekologe.

Gjitha këto ndryshime klimatike që pritet të ndikojnë në Kosovë, vlerësohet se do të ndikojnë edhe në shtimin e prezencës së NATO-s në vendin tonë.

The post Në vitin 2050 Kosova mund të përballet me mungesë të ujit appeared first on TËVË 1 - Lexoje të vërtetën!.