Konferenca u zhvillua nën drejtimin e Komandantit të Komandës së SHBA-së për Evropë (EUCOM), gjeneralit Alexus G. Grynkewich, në bashkëpunim me Forcat e Armatosura të Kroacisë dhe me pjesëmarrjen e shefave të mbrojtjes nga vendet e Ballkanit Perëndimor.

Gjatë takimit të nivelit të lartë u diskutua për sfidat aktuale gjeopolitike dhe rëndësinë e forcimit të bashkëpunimit rajonal në funksion të stabilitetit dhe sigurisë afatgjatë në Ballkan.

Në margjinat e konferencës, gjeneral Jashari zhvilloi takime dypalëshe me zyrtarë të lartë ushtarakë ndërkombëtarë, përfshirë Komandantin e EUCOM-it, gjeneral Alexus G. Grynkewich, si dhe zëvendëskomandantin e Komandës së Forcave të Përbashkëta Aleate në Napoli (JFC Naples), gjeneral Peter K. Scot.

Sipas njoftimit, në këto takime u diskutua për thellimin e ndërveprueshmërisë ndërmjet forcave, koordinimin operacional dhe mbështetjen strategjike që partnerët euroatlantikë ofrojnë për zhvillimin e kapaciteteve mbrojtëse.

Jashari u takua gjithashtu me komandantin e Gardës Kombëtare të Ajovës, gjeneralmajor Stephen Osborn. Në këtë takim, theksi u vendos te rritja e bashkëpunimit dhe forcimi i partneritetit ndërmjet FSK-së dhe Gardës Kombëtare të Ajovës.

Në fjalën e tij në konferencë, Jashari kërkoi zyrtarisht që Kosova të pranohet me të drejta të plota në Kartën e Adriatikut.

Ai theksoi se, sipas vlerësimit të Kosovës, tranzicioni i FSK-së dhe gatishmëria e saj për të kontribuar në misione ndërkombëtare e pozicionojnë vendin si partner të besueshëm në fushën e sigurisë.

Kërkesa për anëtarësim të plotë në Kartën e Adriatikut vjen në kuadër të synimeve të Kosovës për forcimin e bashkëpunimit me vendet e rajonit dhe strukturat euroatlantike të sigurisë.

The post Jashari kërkon anëtarësimin e plotë të Kosovës në Kartën e Adriatikut A5 appeared first on TËVË 1 - Lexoje të vërtetën!.

Për Kosovën është thelbësore pjesëmarrja në Kartën e Adriatikut dhe të jetë pjesë e NATO-s.

Kështu ishte shprehur Presidenti i Shqipërisë, Bajram Begaj në konferencën e 27-të të Shefave të Shtabit të Përgjithshëm të Iniciativës SHBA- Karta e Adriatikut A5, që është mbajtur në Tiranë.

Por njohësi i politikës Ben Andoni tha për Tëvë1 se Kosova ende nuk i ka plotësuar disa kritere për të qenë pjesë e Kartës së Adriatikut.

“Duhet që vendet e tilla që nuk janë në NATO dhe që kanë interes psh Shqipëria dhe Kosova kanë interes deri diku të përbashkëta, Kroacia ka interes gjithashtu për Kosovën e përjashtojmë Maqedoninë e Veriut për shkak të ndikimit serb, munden që me Kartën e Adriatikut të luajnë rol për sa i përket Kosovës por në rastin tonë, Kosova ende nuk ka plotësuar disa kritere për tu futur atje”, tha Andoni.

Ndërsa, eksperti i sigurisë Selam Shkodra, tha se mungesa e Kosovës në këto forume shkakton një dëm për vendin dhe proceset integruese në organizatat multilaterale.

“Çdo forum që lëshohet nga institucionet e Kosovës për mos të qenë prezente kur  ju mundësohet mendoj që është një dëm për vendin dhe për proceset integruese në organizatat multilaterale, mendoj që Karta e Adriatikut është një forum jashtëzakonisht i rëndësishëm për shkak të proceseve të anëtarësimit të vendeve të NATO-s”, u shpreh ai.

Sipas Shkodrës, në një të ardhme të afërt Kosova do të ketë mundësi që të jetë pjesë e NATO-s.

“Po dihet botërisht që janë kriteret edhe politike edhe reformat në ushtri, mendoj që vendi është duke përjetuar një transformim të forcave të sigurisë së vendit me standarde të NATO-s dhe besoj që në një të ardhme të afërt në rast që do të ketë vullnet politik do të ketë mundësi që të jetë pjesë e tyre”, tha Shkodra.

Që nga janari i këtij viti, Shqipëria është kryesuese e Komisionit të Partneritetit të Kartës së Adriatikut.

The post Njohësit vlerësojnë se Kosova nuk i ka plotësuar disa kritere për tu futur në Kartën e Adriatikut appeared first on TËVË 1 - Lexoje të vërtetën!.

E kriza në Ukrainë, si pasojë e ndërhyrjes ushtarake të Rusisë ka shtyrë Qeverinë e Kosovës që të formojë grupin punues ndërinstitucional për anëtarësimin e Kosovës në NATO dhe në Kartën e Adriatikut, që është instrument i kësaj aleance ushtarake.

E njëra prej problemeve kryesore që ia pamundëson Kosovës anëtarësimin në Kartën e Adriatikut, është mungesa e njohjes nga Bosnja dhe Herzegovina.

Por sipas Profesorit të Shkencave Politike, Dritro Arifi, një presion nga Shtetet e Bashkuara të Amerikës karshi Bosnjës, mund të ndikojë në pranimin e Kosovës në aleancën perëndimore të Adriatikut.

Në anën tjetër, analisti politik, Ben Andoni thotë se Shqipëria duhet të luajë një rol më të madh për Kosovën sepse ajo është njëra prej nismëtareve të këtij procesi, e jo të pritet vetëm nga Shtetet e Bashkuara të Amerikës.

Kjo aleancë përbëhet nga Shqipëria, Maqedonia, Kroacia, Mali i Zi dhe Bosnje-Hercegovina, ndërkaq Kosova ka rol vëzhgues.

Karta e Adriatikut u nënshkrua më 2 maj 2003 në Tiranë nën kujdesin e Shteteve të Bashkuara.

Raporti i gazetarit Shpat Blakçori.

The post Anëtarësimi i Kosovës në Kartën e Adriatikut, kërkohet rol më i madh nga Shqipëria appeared first on TËVË 1 - Lexoje të vërtetën!.