Sipas njoftimit, gjatë takimit, Kurti e falënderoi ambasadorin për bashkëpunimin e mirë dhe të frytshëm, si dhe për mbështetjen e vazhdueshme të Suedisë ndaj Kosovës.

“Në takim u bisedua për marrëdhëniet e shkëlqyeshme ndërmjet dy vendeve, me mërgatën si urë e fortë lidhëse, si dhe për mundësitë për thellimin dhe zgjerimin e bashkëpunimit bilateral, nga ekonomia e tregtia, arsimi e teknologjia dhe fusha të tjera. Në këtë kontekst kryeministri Kurti nënvizoi potencialin dhe mundësitë që ofron Republika e Kosovës për investitorët”, thuhet në njoftim.

Kurti i uroi ambasadorit Westerlund suksese në angazhimet e reja dhe shtoi se ai do të jetë përherë i mirëseardhur në Kosovë.

The post Kurti priti në takim lamtumirës ambasadorin e Suedisë, Westerlund appeared first on TËVË 1 - Lexoje të vërtetën!.

Ai në diskutimin që u mbajt për këtë temë në Qendrën Mediale të hënën, tha se ligji i Kosovës duhet të jetë i zbatueshëm në 38 komunat në vend, mirëpo shtoi se integrimi në sistemin e Kosovës duhet të bëhet në kuadër të dialogut të Brukselit.

“Ne besojmë se ligji i Kosovës duhet të jetë i zbatueshëm në 38 komunat. Dua të them që integrimi duhet të ndodhë në fund në këto çështje. Unë kam dëgjuar kryeministrin në detyrë, Albin Kurti, i cili thotë se mjekët serbë dhe profesorët kanë marrë licencat tona dhe kjo është një shenjë e mirë dhe shpresoj që qeveria në detyrë do të vazhdojë t’i shqyrtojë këto çështje. Të gjithë qytetarët duhet t’i marrin shërbimet e arsimit dhe shëndetësisë në përputhje me kërkesat e komuniteteve lokale. Mendoj se çështja me rëndësi është se nuk do të kemi pengesa kur kemi të bëjmë me shëndetin dhe arsimin… Kjo duhet të bëhet me dialog. Ne duhet të bisedojmë me komunitetet lokale dhe kjo duhet të bisedohet me përfaqësuesin special të BE-së. Ne konsiderojmë se kjo duhet të bëhet në kuadër të atij dialogu”, tha ai.

Integrimin e arsimit dhe shëndetësisë në sistemin e Kosovës e konsideroi të pashmangshme edhe nënkryetari i Kuvendit nga komuniteti serb, Nenad Rashiq.

Mirëpo ai shtoi se duhet të gjenden modalitetet për të ndodhur në praktikë një gjë e tillë dhe të jetë në përputhje me ligjet dhe Kushtetutën.

“Disa herë kam insistuar për fillimin e përgatitjes për këtë që e quajta më herët të pashmangshme nëse ndodh kjo. Kjo përmes gjetjes së modaliteteve të llojeve të ndryshme që do të ishin të përshtatshme për sistemin në këtë rast kosovar. Këtë fakt dua ta kujtoj se në secilën marrëveshje theksohej se marrëveshja do të jetë e harmonizuar me Kushtetutën dhe ligjet e Kosovës. Tash çfarëdo ngjarjeje që ndodh më vonë do të jetë në pajtim me Kushtetutën dhe ligjet e Kosovës”, tha ai.

Kryeministri në detyrë, Albin Kurti, ditë më parë ka mbajtur një takim me ambasadorë të akredituar në Kosovë, ku i ka paraqitur synimet për fillimin e integrimit gradual të sistemit shëndetësor dhe arsimor serb në Kosovë, duke kërkuar koordinim me Bashkimin Evropian./KP

The post Ambasadori suedez: Integrimi i arsimit e shëndetësisë serbe në sistemin e Kosovës përmes dialogut të Brukselit appeared first on TËVË 1 - Lexoje të vërtetën!.

Westerlund shpreh edhe mbështetjen për rrugën euro-integruese të Kosovës në Bashkimin Evropian, si dhe anëtarësimin e Kosovës në Këshill të Evropës. Ai flet edhe për situatën në veri të Kosovës dhe hapjen e urës së Ibrit.

Diplomati suedez thotë se marrëveshja e Brukselit dhe aneksi i Ohrit janë ligjërisht të detyrueshme për Kosovën dhe Serbinë, andaj obligimet duhet të zbatohen pa vonesa.

“Epo, linja zyrtare e BE-së për momentin është sigurisht që marrëveshjet e Brukselit dhe Ohrit janë ligjërisht të detyrueshme dhe ato duhet të zbatohen sa më shpejt që të jetë e mundur, edhe AKS-ja duhet të zbatohet sa më shpejt. Dhe hapi tjetër është se Bashkimi Evropian po i rekomandon Qeverisë së Kosovës që draft statusin e AKS-së, t’ia dorëzojë Gjykatës Kushtetuese këtu në Kosovë. Pastaj përsëri, ne kemi komisionerë të rinj që vijnë, në Bruksel, ne kemi një ekip të ri në Bruksel, ata duhet të hedhin një vështrim në këtë situatë aktuale dhe të shohin nëse mund të vijnë me ide të reja për të gjetur një zgjidhje”, deklaron ai për KP.

Westerlund jep edhe modele të shumta për mënyrën sesi të themelohet Asociacioni i komunave me shumicë serbe.

“E pra, dua të them, linja zyrtare e Bashkimit Evropian për këtë është se ka një detyrim për Qeverinë e Kosovës, e gjitha në vitin 2013, por edhe në marrëveshjet e Brukselit dhe të Ohrit të vitit të kaluar që duhet ta themelojnë këtë. Dhe mendoj se do të ishte gjithashtu një gjë e mirë që Kosova ta bënte këtë… Modele ka plot. Mendoj se z. Miroslav Lajçak ka përmendur se janë mbi 40 minoritete dhe 40 lloj organizimesh në Evropë, një mund të jetë. Unë kam qenë vetë pjesë e krijimit të një strukture të ngjashme në Kroaci në vitet 1990, nuk mund të krahasosh kurrë një konflikt me një konflikt tjetër, kështu që asgjë nuk është vërtet e ngjashme në këtë kuptim. Por në të kaluarën në Kroaci, në vitet 1990, unë isha pjesë e krijimit të Këshillit Kombëtar Serb dhe kjo duket se ka funksionuar mjaft mirë në Kroaci, dhe kjo u dakordua edhe nga Beogradi. Ka shumë shembuj në Evropë që mund të kopjohen. Unë nuk mendoj se shembulli i ‘republika serpska’, është domosdoshmërish 100 përqind i saktë, sepse kjo është një situatë tjetër dhe ju keni një popullsi shumë më të vogël të serbëve të Kosovës nëse krahasoheni me serbët që jetojnë në Bosnje”, thekson Westerlund.

Sa i përket situatës së sigurisë në veri, ambasadori suedez, thotë se e njëjta është ende e brishtë, derisa flet edhe për sulmin terrorist në Banjskë, vitin e kaluar.

Megjithatë, ai e sheh të nevojshme edhe kthimin e serbëve në institucione në veri. Sipas tij, ishte një keqvlerësim serioz i serbëve në veri që nuk morën pjesë në zgjedhjet lokale dhe në referendumin për largimin kryetarëve aktual në katër komunat veriore.

“Sigurisht që e dënoj incidentin e Banjskës. Duhet të kthehemi në situatën ku ishim para 5 nëntorit 2022. Shumë serbë të Kosovës në veri të Kosovës, mendojnë se situata është e tensionuar. Ata gjithashtu mendojnë se ka mungesë besimi mes serbëve të Kosovës dhe shumicës së institucioneve, përfshirë edhe Policinë e Kosovës. Mendoj se është e rëndësishme të ktheheni në një situatë ku kryetarët komunal janë përfaqësues të popullatës së tyre lokale. Se keni policinë që përfaqëson popullsinë lokale në katër komunat veriore. Kjo, natyrisht, do të thotë se popullsia lokale duhet të marrë pjesë në zgjedhjet lokale. Mendoj se ishte një keqvlerësim serioz i serbëve të Kosovës që të mos marrin pjesë në zgjedhjet lokale dhe të mos marrin pjesë në referendumin për kryetarët e komunave, në të katër komunat, por ne duhet të shohim përpara. Mendoj se duhet të zgjidhim situatën aktuale dhe të kemi përfaqësim më të mirë nga popullata lokale”, thekson ai.

Westerlund, po ashtu thotë se ura e Ibrit duhet të hapet, mirëpo për një gjë të tillë qeveria duhet të koordinohet me banorët në dy anët e lumit dhe të vazhdojë dialogun.

Ai jep shembullin edhe të tolerancës detare, derisa përmend edhe nevojën që të restaurohet xhamia në Mitrovicë të Veriut.

“Ne kemi thënë që ura duhet të hapet. Pyetja është si dhe kur, sigurisht. Unë besoj se ura duhet të hapet, por duhet të bëhet në konsultim me popullsinë në të dy anët e lumit, por duhet të vazhdojmë dialogun… Mendoj se është e rëndësishme që ky dialog të jetë mes popullatës lokale, nuk është vetëm dialogu i normalizimit ndërmjet Serbisë dhe Kosovës, por është edhe në një nivel lokal, dhe veçanërisht në Mitrovicë në të dy anët e lumit. Pra, ne duhet të promovojmë tolerancën dhe unitetin, dhe mendoj se njëra nga mënyrat është që të ketë dialog lokal mes popullatës lokale atje…Pra, nëse mund të punoni me një dialog lokal dhe të diskutoni se si mund të pastrojmë lumin, çështjet e ndërsjella, duke përfshirë restaurimin e xhamisë. xhamia e cila u ndërtua në vitin 1777 dhe pastaj u shkatërrua në vitin 1999, mendoj se do të jetë një simbol i madh i Mitrovicës për të restauruar atë xhami”, thotë ai.

Krahas kësaj, ai deklaron se Kosova do të përfitojë mjaft shumë nga Plani i Rritjes së Bashkimit Evropian për vendet e Ballkanit Perëndimor.

The post ​Westerlund kërkon nga Kosova të dërgojë draft-statutin e Asociacionit në Kushtetuese appeared first on TËVË 1 - Lexoje të vërtetën!.

Westerlund thotë se draft-statusi aktual i Asociacionit nga aspekti politik nuk jep kompetenca ekzekutive.

“Mendoj që duhet tash të vazhdojmë përpara. Kemi marrëveshjen e Brukselit – 27 shkurt dhe Ohrit më 18 mars, dhe kjo duhet të implementohet. Siç thanë liderët evropianë dje në Bruksel, Kosova duhet të vazhdojë me Asociacionin. I kuptoj brengat kur vijmë te themelimi i Asociacionit sa i përket autoritetit ekzekutiv, por kemi kaluar këtë problem pasi drafti aktual, nga aspekti politik nuk jep kompetenca ekzekutive. Pastaj është pikëpamja ligjore që duhet të bëhet, jam i vetëdijshëm për këtë”, tha ambasadori suedez në emisionin “Këndi i Debatit” në Tëvë1.

Ai tha se Suedia e mbështet këtë draft, por që sipas tij edhe Gjykata Kushtetuese duhet ta jap vlerësimin e saj.

“E kuptoj brengosjen nga Qeveria sa i përket kësaj. Por, besoj që drafti që e kemi para nesh tash është një draft i mirë, dhe Suedia e përkrahë këtë draft. Ka marrë parasysh brengat e Qeverisë së Kosovës. Ashtu është hartuar, që të merret dhe të largojë brengat e Qeverisë së Kosovës. Duhet të presim për vendimin nga Qeveria e Kosovës, dhe pastaj Gjykata Kushtetuese duhet të jep vlerësimin e saj”, shtoi ai./teve1.info/

The post Ambasadori suedez: Drafti aktual i Asociacionit nga aspekti politik nuk jep kompetenca ekzekutive appeared first on TËVË 1 - Lexoje të vërtetën!.

Haradinaj ka bërë të ditur se gjatë këtij takimi kanë biseduar për zhvillimet politke në vend, po ashtu edhe për forcimin e marrëdhënieve bilaterale mes dy vendeve, shkruan teve1.info

Tutje Haradinaj theksoi se Suedia është partnere e Kosovës në shtetndërtim dhe zhvillim.

“Kënaqësi të pres në selinë e Aleancës për Ardhmërinë e Kosovës, Ambasadorin e Suedisë në Kosovë z. Jonas Westerlund. Gjatë këtij takimi biseduam për zhvillimet politike në vend dhe forcimin e marrëdhënieve bilaterale mes Republikës së Kosovës dhe Suedisë”, ka shkruar Haradinaj.

“Falënderova Ambasadorin Westerlund për përkrahjen e vazhdueshme të Suedisë ndaj Republikës së Kosovës”, shtoi ai.

The post Haradinaj: Suedia partnere e vendit tonë në shtetndërtim dhe zhvillim appeared first on TËVË 1 - Lexoje të vërtetën!.