“Nëse çështja është kjo, atëherë një numër i kandidatëve që kanë kandiduar më herët nuk kanë lindur në Prishtinë, por kanë ardhur më pas. Kjo nuk po aplikohet me të tjerët, është një lloj standardi që po aplikohet vetëm me mua. Kjo tregon që nuk është genuine, është e sforcuar, është politike. Është normale, pjesë e fushatës, dhe nuk e marr shumë seriozisht,” tha Çeku në emisionin “Herët” në Tevë1.

Ai theksoi se Prishtina është një qytet i hapur dhe mikpritës, ku shumica e banorëve aktualë nuk kanë lindur në kryeqytet, por kanë kontribuar në zhvillimin e tij.
“Prishtina është shumë më e hapur dhe mikpritëse sesa kjo që po bëhet tani. Një pjesë e madhe e banorëve të Prishtinës nuk kanë lindur në Prishtinë, por kanë ardhur dhe krejt çka kanë arritur, e kanë arritur këtu. Jetën e kanë ndërtuar në Prishtinë,” u shpreh ai.

Çeku shtoi se më e rëndësishme sesa vendlindja është njohja reale e qytetit dhe dashuria për të.
“Në raport me detyrën e kryetarit, unë besoj që qytetin duhet me e njoft, me e dashtë, e pastaj me i ofru zgjidhje. Kryetari aktual nuk ka jetuar në Prishtinë, unë kam jetuar më gjatë. Jam ballafaquar dhe i njoh shumë mirë problemet e Prishtinës, sepse pjesën më të madhe të jetës e kam kaluar këtu. E njoh më mirë Prishtinën se sa vendin tim të lindjes,” deklaroi Çeku.

Sipas tij, përvoja personale dhe përkushtimi ndaj qytetit kanë më shumë peshë sesa origjina e kandidatit.

The post Çeku i përgjigjet kritikave për prejardhjen: E njoh Prishtinën më mirë se vendin ku kam lindur appeared first on TËVË 1 - Lexoje të vërtetën!.

“Fatkeqësi më e madhe, siç e thashë edhe në fillim, është që disa probleme janë shtresuar me dekada. Renditja normale është: njëherë planifikimi, pastaj infrastruktura, pastaj ndërtimi dhe njerëzit. Tek ne, në shumë lagje të Prishtinës, në këto njëzet e sa vitet e fundit ka qenë e kundërta: njëherë banesat dhe njerëzit, pastaj infrastruktura, e në fund janë improvizuar edhe planet rregulluese,” tha Çeku.

Ai shtoi se ky realitet e ka bërë kryeqytetin të përballet me sfida të mëdha dhe tash kërkohen qasje të reja dhe më kreative për të gjetur zgjidhje.

“Tash na duhet me gjet zgjidhje kreative, sepse kemi një realitet të ndërtuar tashmë në shumë lagje. Në pjesën periferike na duhet të miratojmë planin zhvillimor komunal. Po bëhen 12 vite me shumë përpjekje dhe ende nuk është miratuar ky plan. Kjo është një lloj kushti zhvillimor, sepse një qytet pa këtë plan nuk mund të ecë përpara e as të kalojë te planet e tjera. Prandaj, prioritet i parë është hartimi dhe miratimi i këtij plani,” theksoi ai.

Çeku zbuloi edhe të dhëna lidhur me lejet e ndërtimit që janë lëshuar në vitet e fundit, duke thënë se vetëm ato mjaftojnë për ta ngarkuar qytetin edhe pa dhënë asnjë leje të re.

“Unë po e ndaj edhe një informacion këtu me juve: në këto katër vitet e fundit, mesatarisht çdo vit janë lëshuar rreth 1 milionë metra katror leje ndërtimi. Një pjesë e tyre ende nuk ka filluar të ndërtohet. Pra, edhe nëse në vitet në vijim unë si kryetar nuk e lëshoj asnjë leje të re ndërtimi, aktiviteti ndërtimor prapë do ta ngulfatë qytetin,” u shpreh Çeku.

Sipas tij, për të përballuar këtë situatë, është e domosdoshme të ketë planifikim të mirëfilltë, të cilit do t’i kushtojë prioritet absolut nëse fiton zgjedhjet për kryetar të Prishtinës

The post Çeku: Brenda katër viteve janë lëshuar mesatarisht nga 1 milion metra katrorë leje ndërtimi çdo vit appeared first on TËVË 1 - Lexoje të vërtetën!.

“Është një punë shumë intensive çështja e formimit të ekipit, edhe të listës së kandidatëve, edhe hartimit të programit dhe të zgjidhjes për shumë probleme të Prishtinës. Paralelisht, edhe detyra ime si ministër është tashmë në përmbyllje, mirëpo në pritje të themelimit të Kuvendit dhe një qeverie të re, prej atij momenti të gjithë fokusi do të jetë vetëm për Prishtinën,” tha Çeku.

Ai theksoi se problemet e kryeqytetit janë të akumuluara prej dekadash dhe nuk mund të zgjidhen me struktura minimale të pushtetit lokal.

“Prishtina është qyteti me problemet më të mëdha në krejt Kosovën. Këto nuk janë vetëm të viteve të fundit, por janë shtresuar me dekada dhe nuk janë zgjidhur në mënyrë sistematike,” u shpreh Çeku.

Sipas tij, për ndryshimin në kryeqytet nevojitet angazhim gjithëpërfshirës.
“Unë jam i bindur që me një kryetar, dy nënkryetarë edhe 10 ose 12 drejtorë nuk zgjidhen problemet e Prishtinës. Duhet shumë më shumë angazhim dhe mobilizim i të gjithëve. Në këtë kuptim jam shumë optimist që Prishtina do të më ndihmojë që ta rregullojmë, nëse unë do të bëhem kryetar,” deklaroi ai.

The post Hajrulla Çeku: Problemet e Prishtinës nuk zgjidhen me vetëm një kryetar dhe disa drejtorë appeared first on TËVË 1 - Lexoje të vërtetën!.