“Menjëherë pas luftës hallës time i janë kërkuar 500 mijë marka nëse nuk gaboj ku ka qenë informacioni i parë tentim mashtrues për gjetjen e babait tim, dhe këtu komandant Remi (Rrustem Mustafa) i ka ndihmuar që t’i mbledhë mjetet me qëllim që të çohet procesi deri në fund, por pastaj është vërtetuar që është informacion i pasaktë”, tha ai.

Hoti rrëfeu edhe për rastin e fundit i cili ishte i organizuar nga një grup kriminal serb me qëllim të përfitimeve.

“Rasti i fundit është në kohën kur në televizionin publik patën dalë disa dokumente kinse trupi i babit mund të jetë në Lubeniq, dhe në atë kohë është gjetur kontakti im përmes Universitetit të Prizrenit dhe prap një grup kriminal serb ka tentuar me i kërku njëherë 200 mijë pastaj 400 mijë euro me i marrë në këmbim të informacionit”, tha ai.

Hoti tha se për familjarët e personave të zhdukur informacionet e pasakta janë shumë tunduese dhe në të shumtën e rasteve i dëmtojnë financiarisht familjet.

“99% ne ishim të vetëdijshëm që ishte mashtrim kurse aj 1% , 2 javë na ka mbajtë të tunduar dhe me këtë po e lidhë se çka ndodhë me familjet e tjera kryesisht me moshat e shtyera. Ne fatmirësisht nuk jemi dëmtuar financiarisht asnjëherë sepse në momentet e fundit është zbuluar mirëpo ne kemi informacione që janë shitë edhe toka e janë shitë edhe prona në këmbim të informacionit dhe natyrisht që kanë rezulto të pasakta”, theksoi Hoti.

The post Hoti: Familjarët e të zhdukurve mos të bien pre e mashtrimeve dhe grupeve kriminale appeared first on TËVË 1 - Lexoje të vërtetën!.