Në vendimin e gjykatës thuhet se vendim është marr pasi që është arriut parashkrimi absolute i ndjekjës penlae.

Lajmin e ka bërë të ditur akovati i Albulena Haxhiut I cili ka thënë se kryetarja e Kuvendit tashmë nuk mban më asnjë barrë penale për akuzat që janë ngritur kundër saj.

Bahkë më Haxhiun janë akuzuat edhe ish deputet Pal Lekaj,Donika Kadaj-Bujupi e Besa Baftiu.

The post Aktakuza për gazin lotsjellës, gjykata nxjerr aktgjykim refuzues ndaj Haxhiut dhe të tjerëve appeared first on TËVË 1 - Lexoje të vërtetën!.

Kështu kanë konfirmuar nga zyra e gjykatësit Bujar Ahmeti.

Në këtë rast, ish-ministrja e Drejtësisë, Albulena Haxhiu, ish-deputetët Pal Lekaj, Donika Kadaj-Bujupi dhe Besa Baftiu, akuzohen për posedim të gazit lotsjellës në Kuvendin e Kosovës më 2016.

Gjykata Themelore në Prishtinë i pati liruar të katërtit më 2021, por Apeli riktheu çështjen në rigjykim.

Sipas aktakuzës së ngritur më 8 prill 2016, Pal Lekaj, Besa Baftiu, Donika Kadaj-Bujupi dhe Albulena Haxhiu akuzohen se pa autorizim kishin poseduar bombola të gazit lotsjellës.

Në aktakuzë thuhet se më 19 shkurt 2016, rreth orës 12:20, në hollin e Kuvendit e Kosovës, pas pauzës së punimeve të Kuvendit, derisa të akuzuarit ishin duke u kthyer në sallë, gjatë kontrollit nga ana e punëtorëve të sigurimit të Kuvendit, tek të akuzuarit ishin gjetur dhe sekuestruar nga një bombolë e gazit lotsjellës, të cilën e mbanin pa autorizim.

Për këto veprime, katër të akuzuarit ngarkohen se secili veç e veç kanë kryer veprën penale “Mbajtja në pronësi, kontroll ose posedim të paautorizuar të armëve” nga neni 374, paragrafi 1, të Kodit Penal./BetimipërDrejtësi

The post Anulohet seanca ndaj Haxhiut, Lekajt, Kadajt e Baftiut për gazin lotsjellës appeared first on TËVË 1 - Lexoje të vërtetën!.

“Refuzohen si të pabazuara ankesat e mbrojtësve të të pandehurve Xh.S, avokat Laur Prenaj, F.P, avokat Lavdrim Salihu, D.M, avokat Labinot Buzuku dhe S.Z, avokat Laura Pnishi, ndërsa aktvendimi i Gjykatës Themelore në Prishtinë, Departamenti i Përgjithshëm, …, i datës 06.06.2024,vërtetohet”, thuhet në vendimin e Apelit, të përpiluar më 13 dhjetor 2024.

Ndaj vendimit të Themelores, ankesë kishin ushtruar mbrojtësit e të akuzuarve të lartcekur.

Mbrojtësi i Sveçlës, avokati Prenaj i ka propozuar Gjykatës së Apelit që ankesa të aprovohet dhe akuza të hudhet poshtë, me arsyetimin se vepra për të cilën akuzohet Sveçla nuk përbën vepër penale dhe nuk ka prova të mjaftueshme që mbështesin arsyetimin e bazuar mirë.

Gjithashtu, mbrojtësi i të akuzuarës Pacolli-Dalipi, avokati i Salihu i ka propozuar Apelit që ankesa e tij të aprovohet dhe aktakuza të hudhet poshtë ndaj të mbrojturës të tij, me arsyetimin se është e pabazuar në ligj e prova.

Edhe mbrojtësi i Millakut, avokati Buzuku ka propozuar që ankesa të aprovohet dhe aktakuza të hudhet poshtë si të pabazuar.

Dhe krejt në fund, mbrojtësja e Zybës, avokatja Pnishi i ka propozuar Apelit që ta aprovojë ankesën dhe aktvendimin e Gjykatës Themelore në Prishtinë ta anulojë.

Mbi këto pretendime të avokatëve, Prokuroria e Apelit ka dorëzuar parashtresë përmes të cilës i ka propozuar Gjykatës së Apelit që të gjitha ankesat e avokatëve të refuzohen ndërsa vendimi i Gjykatës Themelore në Prishtinë të vërtetohet.

Mirëpo, sipas Apelit, vendimi i Themelores përmes të cilit është konfirmuar aktakuza e Prokurorisë është i qartë dhe konkret.

Sipas Apelit, në këtë fazë të procedurës aktakuza e ngritur përmban të gjitha elementet e kërkuara sipas ligjit dhe se nuk ka vend për hudhje të aktakuzës, si dhe nuk përjashtohet përgjegjësia penale e të akuzuarve.

Gjithashtu, në vendim thuhet se nuk ekzistojnë rrethana të tjera që pengojnë ndjekjen penale dhe se ka prova të bazuara mirë se të akuzuarit kanë kryer veprën penale për çka edhe po akuzohen.

“…nuk ka vend për hedhje të aktakuzës, ngase vepra penale për të cilën po akuzohen të pandehurit paraqet vepër penale, nuk ekzistojnë rrethana që përjashtojnë përgjegjësinë penale, nuk ka arrit afati i parashkrimit, nuk ka rrethana të tjera që pengojnë ndjekjen penale dhe ka prova të mjaftueshme për një dyshim të bazuar mirë se të pandehurit kanë kryer veprën penale për të cilën akuzohen…”, thuhet në vendimin e Apelit.

Pretendimet e mbrojtësve të të akuzuarve se nuk ka prova të mjaftueshme që mbështesin dyshimin e bazuar mirë, sipas Apelit, nuk qëndrojnë pasi që këto pretendime do të vlerësohen dhe vërtetohen gjatë shqyrtimit gjyqësor.

Gjithashtu, lidhur me pretendimet që provat materiale që gjenden në aktakuzë nuk kanë lidhshmëri me mes veprimeve të të akuzuarve, sipas Apelit, në këtë fazë nuk do të shqyrtohen pasi që tash në këtë fazë shqyrtohet vetëm ligjshmëria e nxjerrjes së provave dhe ngritjes së aktakuzës.

Pas konfirmimit të aktakuzës, Gjykata Themelore në Prishtinë pritet të caktojë seancën e shqyrtimit gjyqësor.

Ndryshe në seancën fillestare të mbajtur më 26 mars 2024, ministri Sveçla dhe tre deputetët Millaku, Zyba dhe Pacolli-Dalipi ishin deklaruar të pafajshëm për hedhjen e gazit lotsjellës në Kuvend.

Ministri Sveçla dhe tre deputetët Millaku, Zyba dhe Pacolli-Dalipi akuzoheshin edhe për veprën penale “Pengim i personit zyrtar në kryerjen e detyrave zyrtare”, por për këtë vepër në seancën fillestare gjykatësi i rastit Sabit Sadikaj, kishte njoftuar se ka arritur parashkrimi absolut i ndjekjes penale.

Sipas aktakuzës së siguruar nga “Betimi për Drejtësi”, e cila rezulton të jetë ngritur më 29 korrik 2019, Sveçla, Millaku, Zyba dhe Pacolli-Dalipi po akuzohen se më 21 mars 2018, rreth orës 12:10 e deri në orën 15:40, kanë ndezur disa bombola të gazit lotsjellës, të cilat i kishin hedhur brenda sallës së Kuvendit të Kosovës, ku po mbahej seanca plenare.

Aty thuhet se si rrjedhojë e kësaj, të gjithë deputetët ishin detyruar ta lironin sallën e Kuvendit, me ç’rast kanë pamundësuar vazhdimin e seancës.

Me këtë, secili veç e veç akuzohen se kanë kryer veprën penale “Përdorimi i armës apo mjetit të rrezikshëm” nga neni 375, paragrafi 1 të Kodit Penal, kryerësi i së cilës dënohet me burgim prej një deri në tetë vjet.

Kurse, sipas dispozitivit të dytë, thuhet se secili veç e veç kanë kryer veprën penale “Pengimi i personit zyrtar në kryerjen e detyrave zyrtare” nga neni 409, paragrafi 1 të Kodit Penal, pasi kanë penguar deputetët e Kuvendit të Kosovës ne kryerjen e detyrave zyrtare. Kryerësi i kësaj vepre dënohet me burgim prej tre muaj deri në tre vjet.

The post Apeli konfirmon aktakuzën ndaj ministrit Sveçla dhe tre deputetëve për hedhje të gazit lotsjellës në Kuvend appeared first on TËVË 1 - Lexoje të vërtetën!.

Për ndodhitë e seancave të dhjetorit të vitit 2015, janë ende nëpër Gjykata.

Por, për kryekuvendarin Konjufca, deputetët Lekaj e Kadrijaj, si dhe ish deputetet Haxhiu e Dërguti, vepra penale “Pengim i personit zyrtar në kryerjen e detyrës zyrtare”, u parashkrua.

“Duke pasur parasysh kohën e kryerjes së veprës penale që është 14.12.2015, si dhe kohën e vendosjes së kësaj çështje penale juridike….Gjykata konstaton se për veprën penale ka arritur afati i parashkrimit absolut i ndjekjes penale”, tha Adnan Kamberi- gjykatës.

Një përmbledhje të aktakuzës aktive, e lexoi prokurori i shteti në shqyrtimin fillestar.

“Me datë 14.12.2015 rreth orës 10:00, pas hapjes së mbledhjes në sallën plenare të Kuvendit të Republikës së Kosovës, të pandehurit veç e veç, Glauk Konjufca, Pal Lekaj dhe Besa Baftiu, ndërsa rreth orës 11:00, e pandehura Aida Dërguti, në hapësirat e sallës së mbledhjes së Kryesisë së këtij Kuvendit, paraprakisht ka aktivizuar me dorë armët për shpërndarjen e gazit, ku për pasojë është liruar gazi lotsjellës”, deklaroi Valdrin Krasniqi- prokuror.

Veprën e njëjtë, sipas prokurorisë e kanë kryer të nesërmen edhe Haxhiu e Kadrijaj.

“Të pandehurat, Teuta Haxhiu dhe Time Kadrijaj, me datë 15.12.2015 kanë mbajtur në posedim armë duke shkelur ligjin e zbatueshëm për armë”, tregoi Krasniqi.

Për këto vepra, fajësinë nuk e pranoi asnjëri prej të akuzuarve.

“Deklarimi im është që jam i pafajshëm”, u shpreh Konjufca

“Jo, nuk e ndjej veten fajtor”, tha Lekaj.

Ish-deputetja Aida Dërguti tha se hedhja e gazit ishte veprim politik.

“Ka qenë veprim politik. Përgjegjëse jam, por nuk e ndjej veten fajtore.”

“Jo, nuk e ndjej veten fajtore”, tha ish-deputetja Besa Baftiu

Teuta Haxhiu ish-deputete u deklarua “Plotësisht e pafajshme”

“E pafajshme”, tha se ndihet edhe deputetja Time Kadrijaj.

Seanca e shqyrtimit fillestar kishte dështuar disa herë të mbahej, shkak i mungesës së të akuzuarve.

The post Konjufca dhe të tjerët deklarohen të pafajshëm për hedhjen e gazit lotsjellës në Kuvend appeared first on TËVË 1 - Lexoje të vërtetën!.

The post Aktakuza që 7 vjet, asnjë seancë ndaj Konjufcës e të tjerëve për gazin lotsjellës në Kuvend appeared first on TËVË 1 - Lexoje të vërtetën!.