Faton Hajrizi i cili u vra në Serbi pasi që qëlloi për vdekje një zyrtar policor serb, u varros të dielën në fshatin e tij të lindjes, në Klinë të Ulët të Skënderajt.

E për ngushëllime, përpos qytetarëve, te familja e Hajrizit ishin edhe disa policë të këtij qyteti përgjatë kohës sa ishin në orarin e punës.

Kështu u pa edhe në këtë fotografi të publikuar në rrjete sociale, ku shihen dhjetëra policë të uniformuar bashkë me komandantin, Muhamet Kajtazi, në këtë fshat.

Për këtë, Inspektorati Policor i Kosovës në një përgjigje për tëvë1, bëri të ditur se përpos rekomandimit për suspendimin e komandantit të stacionit policor, janë duke verifikuar zyrtarët tjerë pjesëmarrës.

“Inspektorati Policor i Kosovës i ka rekomanduar Policisë së Kosovës dje suspendimin e një togeri policor respektivisht Komandantit të Stacionit Policor të Skenderajt. Veprimet që do të ndërmerren tutje janë të natyrës hetimore administrative deri në përfundimin e rastit. IPK është në proces të verifikimit dhe analizimit të fotografive për të identifikuar zyrtarët tjerë policorë”, thuhet nga IPK.

Po ashtu, nga autoriteti mbikëqyrës i Policisë u bën të ditur edhe disa nga veprimet që priten të merren në vazhdimësi lidhur me këtë rast.

“Inspektorati Policor ka filluar hetim disiplinor nën dyshimin se togeri policor së bashku me vartësit e tij kanë kryer shkelje të rëndë disiplinore –‘Sjellje e rëndë diskredituese’ e paraparë me aktet nënligjore të Policisë së Kosovës. Hetuesit e IPK-së pritet që në kuadër të angazhimeve për këtë rast të intervistojnë togerin policor e pastaj edhe zyrtarët e tjerë pas identifikimit të tyre. Veprimet tjera hetimore do të ndërmerren nga hetuesit e IPK-së bazuar në fushëveprimin dhe autorizimet ligjore të Inspektoratit Policor”, ka bërë të ditur IPK.

E nga Policia e Kosovës kanë thënë për televizionin të mërkurën se tashmë kanë marrë veprimet sipas rekomandimeve të IPK-së.

“Policia e Kosovës është institucion i zbatimit të ligjit dhe në të gjitha rastet përfshirë këtë rast, veprimet e saja i ndërmerr komfor autorizimeve ligjore që ka dhe rekomandimeve të IPK-së, duke zbatuar të njëjtit”, thuhet nga Policia e Kosovës.

Sipas nenit 17 të rregullores së Policisë, punonjësi gjatë orarit të punës nuk duhet të sillet kot, të tubohet në vendet publike apo të bashkëngjitet në rekreacione apo lojërat e rastit, përveç nëse aprovohet nga mbikëqyrësi.

Po ashtu, në këtë Rregullore thuhet se Punonjësi i Policisë, gjatë kryerjes së detyrave zyrtare si dhe sjelljes në jetën private, duhet ta mbrojë, ruajë dhe ta avancojë autoritetin e Policisë.

Veçanërisht duhet të kujdeset për forcimin e integritetit të Policisë në tërësi.

The post Suspendohet polici që shkoi në të pamen e Hajrizit, po identifikohen edhe të tjerët appeared first on TËVË 1 - Lexoje të vërtetën!.

Për të përcjell kufomën e tij, kishin ardhur qindra qytetarë.

Shumica e tyre mbanin flamuj me emblemë të Ushtrisë Çlirimtare të Kosovës dhe fanellat me mbishkrimet “Liria ka Emër”.

Njëri nga pjesëmarrësit në këtë ceremoni, thotë se Hajrizi ishte një djalë shumë i ndershëm dhe që shoqërohej më të gjitha moshat.

“Faton Hajziri ka qenë një djalë i ndershëm dhe shumë i mirë, e kemi dashur të gjithë. Jemi tepër të mërzitur me vdekjen e tij” , tha Shqir Smakiqi – qytetar.

Kurse Rifat Rezalla që kishte ardhur nga qyteti i Mitrovicës, nuk mund t’i përmbahej lotëve për vdekjen e Faton Hajrizit, edhe ky glorifikoi figurën e të ndjerit.

“Një njeri i tillë që u sakrifikua për vendin që nga viti 1999 dhe deri më tani duhet të vlerësohet. Unë jam nisur nga Mitrovica me dy automjete për ardhur këtu. E kam parë si obligim të vija këtu për varrimin e Faton Hajrizit” , u shpreh ai.

Gjithë bashkë erdhën deri të varrezat.

Këtu, brohoritën fortë për të ndjerin.

Shkak i numri të madh të qytetarëve, procesi i varrimit nuk ishte aspak i lehtë.

Kjo bëri që edhe hoxha  të bënte thirrje të vazhdueshme për qetësi.

E familjarët thonë se Fatoni ka kaluar nëpër shumë sfida gjatë jetës së tij.

“Fatoni ka kaluar nëpër shumë sfida siç edhe keni dëgjuar nga intervistat që ai ka dhënë. Le të mbetet i përjetshëm kujtimi për të”

Faton Hajrizi, dyshohet se e vrau një polic serb dhe një tjetër e plagosi, në orët e para të 19 korrikut në Lloznicë.

39 vjeçari ishte në kërkim të institucioneve  të Kosovës pasi që iku nga Burgu i Smrekonicës me 6 korrik.

The post Qindra qytetarë morën pjesë në varrimin e Faton Hajrizit appeared first on TËVË 1 - Lexoje të vërtetën!.

Kishin ardhur për një qëllim të fundit, identifikimin e trupit të vrarë në Lloznicë të Serbisë më 19 korrik.

Nëna e Faton Hajrizit ka hyrë brenda këtij institucioni dhe ka konfirmuar se trupi është i djalit të saj 39-vjeçar.

Kështu po thotë avokati i familjes Hajrizi i cili e solli trupin e tij nga Serbia në Kosovë, Arianit Koci.

Koci thotë se e ka parë trupin dhe mendon qe nuk është mbajtur në kushte të mira.

Mirëpo, detaje dhanë zyrtarët e Institutit të Mjekësisë Ligjore në Qendrën Klinike Universitare të Kosovës.

Sipas drejtorit të departamentit të laboratorëve në IML, Artan Thaçi, pas kryerjes së autopsisë familjarët mund të tërheqin trupin e Hajrizit.

“Për shkak të ndjeshmërisë së rastit dhe rrethanave në konsultim me drejtorin e përgjithshëm kemi formuar një komision tre anëtarësh prej ekspertëve mjekoligjorë që do të kryhet autopsia. Do të fillojë rreth orës 13:00 në prani të prokurorit dhe familjarëve…Ne pranojmë urdhëresë nga prokurori, në basë të asaj urdhërese edhe kryejmë autopsinë…Raporti i autopsisë varet, mirëpo trupi i pajetë pas kryerjes së autopsisë mund t’i dorëzohet familjarëve”, u shpreh Thaçi.

Faton Hajrizi u vra më 19 korrik në Lloznicë të Serbisë nga autoritetet serbe nën dyshimin se më 18 korrik ka vrarë një polic atje dhe ka plagosur një tjetër.

Hajrizi ishte i burgosur në Kosovë mirëpo më 6 korrik u arratis nga Burgu i Smrekonicës.

The post Dyshohet se trupi i Faton Hajrizit nuk është mbajtur në kushte të mira appeared first on TËVË 1 - Lexoje të vërtetën!.

Kanë kaluar më shumë se dy javë që kur Faton Hajrizi u vra në Serbi dhe trupi i tij ende nuk është ekstraduar në Kosovë.

Pas dërgesës së pështymës së nënës së tij, aktualisht nuk ka asnjë informatë se sa do të zgjasë verifikimi.

E njëra nga kërkesat e reja të autoriteteve serbe mund të jetë edhe ekstradimi i vëllait të tij, Artanit sipas avokatit të familjes Hajrizi, Gent Gjini.

Avokati thotë se janë të shqetësuar, mirëpo shton se Artani do të vijë në Kosovë nëse trupi i Fatonit do të kthehet.

Gjini thotë se përveç faktorit ndërkombëtar, në këtë gjë duhet të ndikoj edhe shteti i Shqipërisë.

Por, avokati Naim Rudari tregon arsyet se pse shteti shqiptar nuk mund të ketë ndikim në këtë çështje.

Rudari thotë se në asnjë formë Artani nuk duhet të dorëzohet në shtetin serb pasi që mund të dënohet me burgim të përjetshëm.

Televizioni ka kërkuar sqarime për rastin edhe nga institucionet e Kosovës, më saktësisht Ministria e Punëve të Jashtme dhe Diasporës mirëpo të njëjtit nuk kanë kthyer përgjigje.

The post A ka Serbia kërkesa të reja për kthimin e trupit të Fatonit? appeared first on TËVË 1 - Lexoje të vërtetën!.

Pacolli ka bërë të ditur se tashmë organet e drejtësisë janë në komunikim dhe pritet që të sillet trupi i tij në Kosovë.

“Kjo çfarë ka ndodhur është tragjike, nuk do duhej të ndodhte një gjë e tillë. Tashmë organet e drejtësisë kanë komunikim, ku po pritet që të sillet trupi i tij. Në këtë rast problemi ishte që kishim të bëjmë me një person i cili ishte arratisur dhe fatkeqësisht në vend që të qëndronte në Kosovë dhe t’i dorëzohej forcave policore në Kosovë iku në një shtet mosnjohjes, i cili edhe e gjeti vdekjen aty”, tha ai në emisionin “Info Nata” në Tëvë1.

Ajo tha se organet e drejtësisë duhet të merren me rastin në mënyrë që të përmbyllet kjo tragjedi.

“Organet e drejtësisë duhet të merren me këtë rast, ta kuptojnë se çfarë ka ndodhur dhe po shpresoj që trupi i viktimës të kthehet në shtëpi te familja e tij dhe të përmbyllet kjo tragjedi. Shteti i Kosovës i ka marrë të gjitha masat, Shërbimi Korrektues e ka kryer punën më së miri, pra nuk kemi shkelje. Mendoj që institucionet do ta zgjedhin këtë problem”, deklaroi ajo./teve1.info/

The post Pacolli për rastin e Hajrizit: Nuk do duhej të ndodhte një gjë e tillë, tragjike appeared first on TËVË 1 - Lexoje të vërtetën!.

Ai thotë se autoritet e Kosovës e kanë neglizhuar rastin.

“Ne kemi parë neglizhencë të autoriteteve të Kosovës me trajtu rastin. Sepse, më shumë kemi parë deklarime rreth profilit dhe rastit sesa deklarime për veprimet konkrete. Ministria e Drejtësisë është autoriteti kompetent e ngarkuar me normativat në Kosovë për t’i kryer veprimet e tilla. Në vend se të deklarojë minimalisht për opinionin publik  për veprimet që i kanë ndërmarrë në drejtim të verifikimit e trupit të tij apo çështjeve të tjera që kanë të bëjnë me rastin. Këta janë marrë më shumë me teori konspirative, rreth profilit të personit dhe madje kanë bërë ftesë popullit që të mos e bëjnë hero”, tha ai në emisionin “Këndi i Debatit” në Tëvë1.

The post Elezi kërkon veprime të autorizuara shtetërore në rastin e Faton Hajrizit appeared first on TËVË 1 - Lexoje të vërtetën!.

Smakiqi tha se Koci është kontradiktor.

“Arianit Koci të gjitha i ka supozime, ai ka qenë në Serbi, vullneti i tij ka qenë shumë i madh si person, mirëpo ai nuk ka biseduar zyrtarisht me askënd. Ai është sill është sorollat ka qëndrua dy, tri natë dhe është kthyer. Ai vazhdimisht në emisione ka deklaruar se ‘më ka thënë, i kam thënë’, është një gjuhë tepër jo profesionale. Ai s’ka komunikuar me askënd. Ai është kontradiktor, në njërën anë thotë se Serbia nuk do të bashkëpunojë, tjetrën anë thotë kam komunikuar”, tha ai në emisionin “Këndi i Debatit” në Tëvë1.

Avokati tha se ende nuk dihet se kush ia kërkoi Kocit strishon e nënës, dhe ku do ta dërgojë atë.

“Në qoftë se ka komunikuar zyrtarisht me organet e Serbisë dhe i kanë kërkuar strishon, ai duhet që atë dokument me ia kallxu edhe Ministrisë së Punëve të Jashtme, me pa se ai person dhe kjo ngjarje është shtetërore, nuk është private. Ai po thotë se e ka marrë, nuk e di se kush ia ka kërkuar, nuk e di se ku do ta çojë. Në një situatë të tillë është dashur të njoftohet edhe shteti. Krejt kjo është spekulim, më së keqi më vjen prej familjes Hajrizi, po solidarizohem me Hajrizin se ka qenë shtetas i yni. Ka ikë prej shteti tonë. Ne nuk jemi të sigurt që ai trup është i Faton Hajrizit”, tha ai./teve1.info/

The post Smakiqi: Deklaratat e Kocit për rastin e Hajrizit janë spekulime appeared first on TËVË 1 - Lexoje të vërtetën!.

Sipas tij, KFOR dhe EULEX kanë kompetenca për të kryer bashkëpunim me Serbinë, në mënyrë që të mos përshkallëzohet ky rast nga Serbia.

“Unë fillimisht rastin e kam parë të rrezikshëm, kam kërkuar nga mediat që të ndërhyjë EULEX-i ose KFOR-i, të dyja bashkë sipas rezolutës kanë kompetenca për të kryer një bashkëpunim edhe me Serbinë, pasi mund të përshkallëzohej situata dhe mund të përdorej ky rast nga Serbia për ta paralizuar rastin e punonjësit të Policisë së Kosovës heroit Afrim Bunjakut”, tha ai në emisionin “Këndi i Debatit” në Tëvë1.

Njohësi i sigurisë tha se Serbia qëllimisht po e vonon procesin për kthimin e trupit të Faton Hajrizit.

“Nëse do të kishim një vrasje me përpjekje me policinë atëherë nuk kishte pse të ishte i dëmtuar trupi. Unë mendoj që vonesat kanë të bëjnë me luajtje ndjenjash të popullit të Kosovës dhe për të hupur mundësitë dhe për të parë nga afër se a është ekzekutuar…”, deklaroi ai./teve1.info/

The post Basha: Të ndërhyjë EULEX-i ose KFOR-i në rastin e Faton Hajrizit appeared first on TËVË 1 - Lexoje të vërtetën!.

Koci ka thënë se zyrtarët e Serbisë kanë kërkuar analiza shtesë për ta identifikuar trupin e Faton Hajrizit, duke përmendur pështymën e nënës në mënyrë që të analizohet lidhja gjenetike.

Koci për teve1.info ka thënë se arsyetimi që nuk mund ta sheh kufomën ka qenë se gjendja e saj nuk është e mirë.

“Unë pyeta për arsyen pse nuk mundet me u hap trupi. Më thanë se ka informacion që kufoma nuk është në gjendje të mirë”, tha ai.

Koci është i autorizuar si përfaqësues i familjes së Faton Hajrizit për të tërhequr trupin e pajetë të të ndjerit.

I arratisuri nga Burgu i Smrekonicës në Kosovë, Faton Hajrizi, është raportuar të jetë vrarë nga autoritetet në Serbi.

Hajrizi ka qenë në kërkim nga autoritetet serbe, pasi më 18 korrik është raportuar se e ka vrarë një zyrtar policor serb dhe e ka plagosur një tjetër, gjatë një kontrolli rutinor në Lloznicë të Serbisë, qytezë në afërsi me Bosnje-Hercegovinën./teve1.info/

The post Kocit s’i lejohet ta shoh kufomën që dyshohet se është e Faton Hajrizit, kërkohet pështyma e nënës për analiza gjenetike appeared first on TËVË 1 - Lexoje të vërtetën!.

E të enjten, avokati i autorizuar i familjes Hajrizi, Arianit Koci tregoi se e ka lokalizuar trupin e 39 vjeçarit në shtetin e Serbisë.

Ai për Teve1.info ka treguar se është në Serbi dhe nuk është i shoqëruar nga askush.

“E kam gjetur vendin se ku po mbahet trupi i pajetë”.

Mirëpo, autoritetet në Serbi duket që kanë goxha paqartësi për rastin e Hajrizit.

Ministri i Punëve të Brendshme në Serbi, Ivica Daciq thotë se nuk e di se çfarë do të veprojnë për këtë situatë.

“Sinqerisht nuk e di sepse kjo nuk është më pyetje për policinë, kjo është pyetje për prokurorinë që e heton rastin dhe nuk e di se si duhet të veprohet në këto situata”, ka thënë Daçiqi

Nga ana tjetër, avokati tjetër i familjes Hajrizi, Gent Gjini thotë se për këtë rast do të ketë padi për njerëzit që e keqpërdorën emrin e Faton Hajrizin dhe shpifën.

Sipas institucioneve kosovare, raportimet e vrasjes së një kosovari në Lloznicë të Serbisë më 19 korrik është ende në mjegull, pasi nuk ka shumë informata nga autoritetet e Serbisë.

The post Avokati Koci në Serbi thotë se ka gjetur vendin ku po mbahet trupi i Hajrizit appeared first on TËVË 1 - Lexoje të vërtetën!.