Vendimi i Prokurorisë vjen një ditë pasi, më 25 shkurt 2026, Hasani deklaroi në këtë emision se për rastin e denoncuar nga ana e tij nuk ishte ftuar asnjëherë nga Prokuroria për të paraqitur provat që pretendon se posedon. I pyetur nëse ishte në dijeni për ndonjë vendim lidhur me rastin, ai u shpreh: “Kurrë. Është hera e parë që po dëgjoj për të”.

Sipas njoftimit zyrtar, autorizimi ndaj Policisë është dhënë me qëllim ndërmarrjen e veprimeve hetimore në përputhje me pretendimet e Hasanit, i cili ka deklaruar se disponon dëshmi lidhur me çështjen e denoncuar. Hetimet synojnë zbulimin e veprimeve të mundshme inkriminuese të personave të dyshuar dhe sigurimin e informatave dhe provave shtesë për zbardhjen e plotë të rastit.

The post Prokuroria nis hetimet ndaj dekanit Avni Puka, Enver Hasani mbrëmë ua rikujtoi se e kishin mbyllur rastin appeared first on TËVË 1 - Lexoje të vërtetën!.