“Betimi për Drejtësi” ka siguruar vendimin e Gjykatës Themelore në Prishtinë, dega në Lipjan, të marrë më 8 tetor 2024, në të cilin thuhet se Kolshi u shpall fajtor dhe u dënua me 6 muaj burgim, i cili dënim me pëlqimin e të akuzuarit u zëvendësua me 800 euro gjobë.

Sipas vendimit, më 25 gusht 2022 në fshatin Baicë, Komuna Lipjan, pas një mosmarrëveshje paraprake mes Top Kolshit dhe tani viktimës Enver Bajraktari, Kolshi e godet me gyp plastike në kokë dhe pjesë të ndryshme të trupit.

“Me datë 25.08.2022, rreth orës 08:30 në fshatin B. në L., pas një mosmarrëveshje paraprake që kishin ndërmjet veti, i pandehuri T. K., me dashje dhe qëllim të shkaktimit të lëndimeve trupore e godet të dëmtuarin E. B., me gyp të plastikës në kokë dhe pjesë të ndryshme të trupit, mjet ky i rrezikshëm që mund të shkaktojë lëndim të rëndë trupor apo dëmtim të rëndë të shëndetit”, thuhet në këtë vendim.

Në vendim thuhet se Kolshi më pas e kishte goditur Bajraktarin edhe me shuplakë, duke i shkaktuar skuqje dhe ënjte të lehtë.

“…i dëmtuari si rezultat i goditjeve ka pësuar skuqje dhe ajtje të lehtë, gjakderdhje nën lëkurore në krah, 3 hematoma në shpinë, 5 hematoma në vithe, 3 hematoma në këmbën e majtë, 2 hematoma në kokë si dhe skuqje dhe gërvishtje e veshit të djathtë, lëndime këto të shkaktuara nga goditja me mjet të fortë mbretës, që si të tilla, paraqesin DËMTIME TË LEHTA TRUPORE me pasoja të përkohshme të shëndetit”, thuhet në vendim.

Me këto veprime, sipas aktakuzës, Top Kolshi ka kryer veprën penale “Lëndim i lehtë trupor” nga neni 185, paragrafi 2 lidhur me paragrafin 1, pika 1.4 të Kodit Penal të Kosovës.

Gjithnjë sipas vendimit, Kolshi në shqyrtim fillestar kishte pranuar fajësinë, ishte shprehur i penduar dhe i kishte premtuar Gjykatës se nuk do t’i përsërisë ato veprime. Kishte thënë se është pajtur me tani të ndjerin Bajraktari.

“Në shqyrtimin fillestar i pandehuri ka deklaruar se e ndin veten fajtor dhe e pranon fajësinë me vullnetin e tij, pa presion, me vetëdije të plote. Eshte shprehur i penduar, i vjen keq qe është ne gjykate, pas dy tri dite ka deklaruar se është pajtuar me Enverin dhe me familjen e tij. Gjykatës i ka premtuar se nuk e perserit me këtë vepër penale dhe nuk e ka perseritur dhe është duke punuar ne bujqesi per familje si dhe per veten. I ka premtuar gjykates se kjo nuk do te ndodhe më”, thuhet në atë vendim.

Për pranimin e fajësisë, në vendim thuhet se ishte pajtuar edhe avokati i Kolshit, Halim Shala, duke e lutur gjykatën që me rastin e sanksionit penal të ketë parasysh gjendjen ekonomike të të akuzuarit, pajtimin me palën e dëmtuar dhe premtimin që në të ardhmen nuk do të përsërisë veprime të tilla të cilat bien ndesh me ligjin.

Kurse, prokurorja e shtetit, Nebahate Salihu nuk e kishte kundërshtuar pranimin e fajësisë, duke propozuar që Kolshi të shpallet fajtor dhe të marrë dënimin e merituar, si dhe ka propozuar që me rastin e matjes së dënimit si rrethanë lehtësuse të marrë pranimin e fajësisë, ndërsa si rrethanë rënduese shkallën e lartë të dashjes për kryerjen e veprës penale.

Më pas, Gjykata kishte aprovuar pranimin e fajësisë të bërë nga Kolshi, duke e dënuar me 6 muaj burgim e që me pëlqimin e vetë të akuzuarit dënimi me burgim i ishte zëvendësuar me 800 euro gjobë. Aty përmendet që Gjykata me rastin e shqiptimit të dënimit mori parasysh edhe faktin se i akuzuari ka qenë i dënuar edhe më parë.

Më pak se një vit pas këtij dënim, Top Kolshi dyshohet se ka vrarë dhe groposur personin të cilit akuzohej se i kishte shkaktuar lëndime trupore, Enver Bajraktarit, duke e vrarë dhe groposur në Baicë të Lipjanit mes datave 3 dhe 4 gusht 2025.

The post Top Kolshi vitin e kaluar ishte dënuar me 800 euro për akuzën se e goditi me gyp plastike Enver Bajraktarin appeared first on TËVË 1 - Lexoje të vërtetën!.

T.K., ka pranuar veprimet e tij dhe kryerjen e veprës penale.

Ndërkohë, i arrestuari është ndaluar me vendim të prokurorit të shtetit dhe ndaj tij po zhvillohen procedurat ligjore.

Policia konfirmon arrestimin e një të dyshuari për vrasjen në Baicë të Lipjanit

Trup i pajetë i groposur gjendet në Lipjan – Policia dyshon për vrasje të rëndë

I groposur e i fshehur nën dërrasa, flasin familjarët e të ndjerit se si u gjet trupi i të vrarit në Baicë të Lipjanit

The post I arrestuari pranon se e vrau Enver Bajraktarin appeared first on TËVË 1 - Lexoje të vërtetën!.

Sipas përgjigjes së Prokurorisë dhënë për Tëvë1, është kryer autopsia dhe hetimet lidhur me rastin po vazhdojnë me intensitet të lartë.

“Me datë 05/08/2025 është bërë identifikimi i plotë dhe ishte Enver Bajraktari. Është kryer autopsia dhe janë në proces intensiv hetimet në këtë çështje, por detaje më të hollësishme nuk mund të japim në këtë fazë të hetimeve”, thuhet në njoftim.

I ndjeri pritet të varroset sot.

Një nga familjarët e viktimës ka treguar për mënyrën se si është zbuluar vendi ku ishte groposur trupi. Sipas tij, vëzhgimi i kamerave të sigurisë ka ndihmuar në identifikimin e lëvizjes së fundit të viktimës, e cila i kishte çuar ekipet kërkuese pranë një shtëpie në fshat. “Në bazë të atyre pamjeve kanë ardhur me kërku këtu. Djemtë që kanë ardhë, tu kërku nëpër arë përmes shtagës, aty e kanë pa që ka zvarritje”, ka treguar ai.

Familjari ka shtuar se viktima “nuk supozohet” të ketë pasur ndonjë konflikt me dikë.

Policia e Kosovës, në raportin 24-orësh të datës 5 gusht, ka bërë të ditur se katër persona janë intervistuar si dëshmitarë në lidhje me këtë rast. “Vrasje e rëndë – Fsh. Baicë, Lipjan. 04.08.2025 – 12:05. Në një arë është gjetur i varrosur një trup i pajetë, mashkull rreth moshës 50-60 vjeç, trupi i cili sipas IML-së është i freskët”, thuhet në raport.

Në vendin e ngjarjes kanë dalë prokurori kujdestar dhe njësia për zhvarrim, të cilët kanë bërë nxjerrjen e trupit nga vendi ku ishte groposur.

Hetimet për këtë rast të rëndë janë ende në zhvillim.

The post Prokuroria për rastin e Enver Bajraktarit: Është kryer autopsia, hetimet janë në zhvillim appeared first on TËVË 1 - Lexoje të vërtetën!.