Sipas ambasadës amerikane, 12 qershori i vitit 1999 ishte një pikë kthese që mundësoi rikthimin e familjeve të zhvendosura dhe fillimin e rindërtimit të komuniteteve.

“Sot bëhen 26 vjet që forcat e NATO-s hynë në Kosovë — një moment historik që solli shpresë, siguri dhe rrugën drejt paqes së qëndrueshme. 12 qershori 1999 ishte një pikë kthese – një që i lejoi familjet e zhvendosura të riktheheshin dhe komunitetet të fillonin rindërtimin. Në këtë përvjetor, nderojmë qëndrueshmërinë e popullit të Kosovës dhe përkushtimit tonë të përbashkët për të ndërtuar një të ardhme me bazë në paqe, siguri dhe prosperitet”, thuhet në postimin e Ambasadës.

Në Kosovë sot po shënohet 26-vjetori i përfundimit të fushatës 78-ditëshe të bombardimeve të NATO-s mbi ish-Jugosllavinë, që shënoi edhe fundin e luftës së Kosovës.

Lufta e Kosovës përfundoi më 10 qershor 1999, në ditën kur Këshilli i Sigurimit i OKB-së, miratoi Rezolutën 1244, e cila i dha fund zyrtarisht luftimeve.

Ndërkaq, më 12 qershor 1999, në Kosovë zbarkuan trupat e para të këmbësorisë së NATO-s dhe nisi largimi i forcave serbe.

The post Ambasada e SHBA-së: 12 qershori i ’99-ës pikë kthese që solli shpresë dhe siguri për popullin e Kosovës appeared first on TËVË 1 - Lexoje të vërtetën!.

Gërvalla ka thënë se përmes rezistencës civile dhe krijimit të institucioneve të pavarura, Rugova ka ndërtuar themelet e shtetësisë së Kosovës, si dhe ka krijuar lidhje të forta me Shtetet e Bashkuara të Amerikës dhe demokracitë perëndimore.

“Në Ditën e Lirisë, kujtojmë dhe nderojmë me pietet Presidentin Ibrahim Rugova, ideatorin dhe arkitektin politik të shtetit të pavarur të Kosovës. Ai ndërtoi themelet e shtetësisë së Kosovës përmes rezistencës civile dhe krijimit të institucioneve të pavarura, afirmoi të drejtën e popullit shqiptar të Kosovës për vetëvendosje me vizionin e tij perëndimor, si dhe krijoi lidhje të forta me Shtetet e Bashkuara të Amerikës dhe demokracitë perëndimore, duke e shndërruar çështjen e Kosovës në një temë të pakapërcyeshme të agjendës ndërkombëtare”, ka shkruar ajo në Facebook.

Tutje, ajo ka shtuar se kërkesa e vazhdueshme e Rugovës përgjatë një dekade ishte ndalja e gjenocidit dhe shtypjes serbe në Kosovë përmes ndërhyrjes së NATO-s.

“Pas krimeve të tmerrshme serbe në Kosovë, sidomos atyre të viteve 1998-1999, aleanca më e fuqishme ushtarake ndërhyri edhe ushtarakisht për ta ndalur njëherë e përgjithmonë Serbinë gjenocidale. Kapitullimi i Serbisë para forcave të NATO-s shënon Ditën e Çlirimit dhe hapjen e rrugës drejt krijimit të shtetit të lirë, të pavarur dhe demokratik të Kosovës. Figura e ish-presidentit Rugova mbetet simbol i urtësisë, qytetarisë dhe i intelektualit të përkushtuar e të palëkundur për lirinë dhe pavarësinë e Kosovës. Liri, Pavarësi, Demokraci. Dy të parat i fituam. Me sakrificë të pashoq. Të tretën, demokracinë, duhet ta zhvillojmë e forcojmë çdo ditë”, ka thënë në fund të postimit të saj Gërvalla.

Në Kosovë sot po shënohet 26-vjetori i përfundimit të fushatës 78-ditëshe të bombardimeve të NATO-s mbi ish-Jugosllavinë, që shënoi edhe fundin e luftës së Kosovës.

The post Në Ditën e Çlirimit, Gërvalla kujton Ibrahim Rugovën: Arkitekti i shtetit të pavarur të Kosovës appeared first on TËVË 1 - Lexoje të vërtetën!.