Dardania e Baselit, klubi shqiptar më me traditë në futbollin amator në Zvicër, kishte ftuar edhe një herë diasporën për një ngjarje që është më shumë se futboll – është një festë e identitetit, miqësisë dhe krenarisë kombëtare. E këtë herë, për jubileun e 30-të, gjithçka kishte përmasat e një festivali.

Në fushat ku kalimi nga Zvicra në Francë bëhej me një sprint, 24 ekipe nga Zvicra, Gjermania, Franca, Kosova dhe Shqipëria garonin në temperatura përvëluese. Nga ora në orë, gara bëhej më e nxehtë – jo vetëm nga dielli, por nga rivaliteti i shëndetshëm që futbolli i vogël di ta sjellë.

Një shpërblim prej 2000 eurosh ishte në lojë, por më shumë se paratë, skuadrat e dinin se nderi për të ngritur Kupën e Dardanisë vlen më shumë. Mes pjesëmarrësve, vëmendje të veçantë tërhoqi ekipi Noor GMBH nga Gjilani, i udhëhequr nga ish-futbollisti dhe analisti Genc Sermaxhaj. Madje, edhe legjenda shqiptare e Kombëtares së Zvicrës, Milaim Rama, u pa duke ndjekur emocionet nga tribuna.

Pas një dite intensive, dy ekipe mbërritën në finalen e madhe: Kalçeto Roni nga Tirana dhe Genc Peja nga Zvicra. Himni kombëtar u luajt me dorë në zemër, ndërsa Artani sërish me zërin e tij elektrizoi atmosferën. Fillimi ishte premtues për shqiptarët e Tiranës që shënuan të parët, por loja është lojë – dhe Genc Peja, me një lojë të mençur dhe zemër të madhe, përmbysi gjithçka dhe fitoi turneun.

Medaljet u shpërndanë, kupa u ngrit lart, por më shumë se çdo trofe, triumfoi mikpritja, organizimi dhe uniteti. Dardania edhe një herë tregoi se nuk është thjesht një klub futbolli, por një urë që lidh shqiptarët përtej kufijve.

Një ditë më pas, emocionet vazhduan me Kupën e Unionit, në bashkëpunim me Federatën e Futbollit të Kosovës dhe Unionin e Klubeve Shqiptare në Zvicër. Fitues doli ekipi Kosova nga Gjeneva, ndërsa figura të rëndësishme si Ragip Xhaka, Bekim Zogaj, Agim Ademi dhe Muharrem Sahiti i dhanë peshë edhe më të madhe këtij aktiviteti.

Të gjithë u nderuan me mirënjohje – një gjest që nuk matet me para, por me respekt dhe kujtesë për kontributin e dhënë në ndërtimin e kësaj platforme unike të bashkimit përmes futbollit.

Baseli këtë fundjavë nuk ishte thjesht qyteti i rrugëve të pastra dhe trenave të saktë. U shndërrua në një qytet shqiptar, ku në vend të pasaportave, fjalën e fundit e kishte topi. Një fundjavë që për shumë pjesëmarrës nuk do të harrohet – jo për rezultatin, por për ndjesinë e përkatësisë që vetëm sporti mund ta japë.

https://www.facebook.com/share/v/19EbX99BYZ/?mibextid=wwXIfr

The post Futbolli që bashkon zemrat: Dardania ngre siparin e turneut jubilar në Basel appeared first on TËVË 1 - Lexoje të vërtetën!.

Të premten, Xhaka që javë më parë u përshëndet nga Baseli, u prezantua nga drejtuesit e klubit shqiptar që bën gara në kategorinë e katërt të futbollit zviceran.

Njoftimi i plotë Dardania Basel⤵️

Të nderuar dhe të dashur antarë dhe antarësi, Sportdashës përkrahës të klubit FC Dardania

Mirë se vjen, Legjendë!

Me krenari dhe respekt të madh, e mirëpresim në mesin tonë një nga figurat më të mëdha të futbollit shqiptar – Taulant Xhaka dhe ndihmës Trainerin Argjend Turkaj.

Një profesionist shembullor, një luftëtar në fushë dhe një frymëzim për brezat e rinj.

Prania jote nuk është vetëm një forcim për skuadrën, por edhe një nder për gjithë komunitetin tonë.

Jemi Një – dhe sot jemi më të fortë me ty!

Me Respekt

FC Dardania Basel

The post Taulant Xhaka vazhdon karrierën te Dardania Basel si trajner dhe lojtar appeared first on TËVË 1 - Lexoje të vërtetën!.