I ftuar në emisionin “Info Nata” në Tëvë1, Arifi ka folur edhe për ofertën e bërë publike nga Alenca për bashkëpunim me Lëvizjen Vetëvendosje, me qëllim tejkalimin e ngërçit institucional dhe zgjedhjen e presidentit.

Sipas tij, Aleanca kishte shprehur gatishmëri për takim, nëse LVV-ja do të kishte nevojë për votat e saj.

“Në letrën që kemi bërë ne, kemi thënë se nëse ju nevojiten votat tona, mund të na ftoni në takim dhe të diskutojmë për ato gjashtë beneficione për qytetarët. Por ai nuk na ka thirrur, e ka injoruar të gjithë këtë dhe sot vazhdon të na injorojë dhe të na fyejë”, ka deklaruar Arifi.

Arifi tha se nuk beson në ndonjë partneritet politik me kryeministrin në detyrë, Albin Kurti, duke pretenduar se synimi i tij është krijimi i subjekteve të reja politike nga partitë opozitare.

“Unë nuk besoj në asnjë lloj partneriteti me Kurtin. Besoj se ai është i interesuar të krijojë një parti nga këto që janë opozitare, një parti si Guxo dhe si Alternativa. Aleanca kurrë nuk do të bëhet kështu, ky është qëllimi strategjik i tyre”, ka thënë Arifi.

Sipas tij, Kurti synon që subjekte të caktuara politike t’i shndërrojë në forma të ngjashme me Guxo-n dhe Alternativën.

“Ai është i interesuar për një subjekt politik, qoftë PDK apo LDK, për ta kthyer në Guxo ose Alternativë. Unë nuk besoj se ka brumë në ndonjërën nga këto parti politike që Aleanca ndonjëherë në histori t’ia mbajë zhagun Guxos dhe Alternativës, të cilat për mua janë dy parti inekzistente”, ka deklaruar ai.

Arifi ka shtuar se mënyra për zgjidhjen e problemeve politike është përmes marrëveshjeve dhe koalicioneve, siç ndodh edhe në vendet e tjera.

“Nëse duam t’i zgjedhim problemet, në të gjithë botën dihet se si krijohen koalicionet”, ka përfunduar Arifi.

The post Arifi: Nuk besoj në partneritet me Kurtin, synon t’i kthejë partitë në Guxo e Alternativë appeared first on TËVË 1 - Lexoje të vërtetën!.

Sipas Arifit, në asnjë vend demokratik opozita nuk shndërrohet në “servis” të partisë që ka fituar zgjedhjet, pasi është obligim ligjor dhe demokratik i partisë në pushtet të ndërtojë koalicione dhe partneritete për të siguruar shumicën parlamentare.

“Në asnjë vend demokratik nuk ka që opozita të kthehej servis te një parti që i ka fituar zgjedhjet, vetëm marrëveshjet politike i krijojnë institucionet, është obligim ligjor, demokratik i partisë në pushtet që me ndërtua koalicione me ndërtua partneritetin me partitë tjera me qëllim të arritjes së konsensusit me qëllim të arritjes së shumicës parlamentare qoftë për zgjedhjen e qeverisë dhe të presidentit”, ka deklaruar Arifi në emisionin “Ditari” në tëvë1.

Arifi tha se kryeministrit në detyrë, Albin Kurti, i takon t’i ftojë partitë politike në bisedime dhe të ofrojë garancitë e nevojshme për bashkëpunim.

Ai rikujtoi se AAK-ja ka ofruar mbështetje për sigurimin e kuorumit në Kuvend, duke qëndruar në sallë, ndërsa ka shprehur gatishmëri të mbështesë projektet që janë në interes të qytetarëve.

Megjithatë, Arifi ritheksoi se AAK-ja nuk është e gatshme të hyjë në koalicion qeverisës me Lëvizjen Vetëvendosje.

“Kurtit i takon me i thirr subjektet politike me bisedua me i ofrua garancione e veta, ne jemi e vetmja parti në Kosovën e pasluftës që i kemi bërë ofertë Kurtit me ia bo kuorumin me ato vota mjaftojnë apo mjaftojnë me i nejt në sallë, po projektet që janë për të mirën e qytetarëve me i implementuar. Alenaca nuk po beson në drejtimin që është duke ia dhënë vendit Kurti Kosovës, nuk duam me qeverisë me Kurtin dhe nuk besojmë në drejtimin që ia jep Kurti këtij vendi, deri tani ka dëshmuar që drejtimet që i ka dhënë Kurti ka gabuar”, tha ai.

The post Arifi: Nuk besojmë në qeverisjen e Kurtit, s’hyjmë në koalicion me të appeared first on TËVË 1 - Lexoje të vërtetën!.

Në emisionin “Këndi i Debatit” në Tëvë1, Arifi tha se partia nuk kishte mundur të parashikonte saktësisht nivelin e rritjes që do të arrinte në zgjedhje.

“Ne nuk kemi mundur ta kuantifikojmë se sa do të ishte ajo rritje për shumë arsye. Vetëm gjashtë muaj më parë i kishim pasur zgjedhjet dhe pritjet e njerëzve se do të ndodhte ndonjë revolucion kanë qenë të mirëseardhura. Meqenëse kjo nuk ka ndodhur, edhe pse unë them se ka ndodhur një lëvizje, sepse LVV-ja tash nuk i ka 51 për qind, por 46 për qind. Janë ende shumë, por kemi të bëjmë me një lëvizje populiste dhe lëvizjet populiste nuk bien aq lehtë”, ka thënë Arifi.

Ai foli edhe për ndryshimet në Aleancë pas largimit të Ramush Haradinaj nga drejtimi i partisë, duke thënë se kishte pasur shqetësime se kjo mund të ndikonte negativisht te elektorati.

“Kemi pasur frikë, është normale, posaçërisht në vendet e Ballkanit, kur ndërrohet lideri. Shumë parti politike kanë pësuar rënie në raste të tilla, sepse elektorati është kryesisht i lidhur me liderin. Aleanca ka qenë një parti lideriste dhe ka ekzistuar një drojë se me largimin e Ramushit, një pjesë militante e Aleancës nuk do të angazhohej më”, deklaroi ai.

Sipas Arifit, angazhimi i vazhdueshëm i Haradinajt dhe ndryshimi i qasjes nga kryetari i ri i partisë kanë ndikuar pozitivisht te votuesit.

“Falë angazhimit të Ramushit dhe strukturave të partisë, votuesi i Aleancës e ka parë se është e njëjta parti dhe se nuk ka ndryshuar. Ndërkohë, ndryshimi i qasjes nga Ardian Gjini ka dhënë një frymë të re në komunikimin e Aleancës me qytetarët”, u shpreh ai.

Arifi tha se rezultatet në Prishtinë janë veçanërisht inkurajuese për AAK-në, duke theksuar se partia ka shënuar rritje të konsiderueshme të votave në kryeqytet.

“Kemi pasur rritje inkurajuese. Në Prishtinë kemi pasur rritje krahasuar me zgjedhjet e kaluara, ku kishim rreth 2 mijë e 900 vota, ndërsa tani kemi rritur rezultatin për rreth 1 mijë vota. Kjo është shumë për Aleancën dhe ajo që më bën të besoj është se kemi një strukturë të re dhe mjaft të suksesshme. Prishtina mund të jetë një prej vendeve ku Aleanca mund të rritet shumë në të ardhmen”, përfundoi Arifi.

The post Arifi: Aleanca ka shënuar rritje, largimi i Haradinajt nuk e dëmtoi partinë appeared first on TËVË 1 - Lexoje të vërtetën!.

Arifi tha se Aleanca, pas koalicioneve të mëhershme, ka nisur të forcojë dhe risistemojë strukturat e saj të brendshme.

“Aleanca e ka përfunduar trendin e rënies. Aleanca është në një situatë ku unë s’e them me dëshirë, as nuk e them se kam qejf, por dihet sigurt që Aleanca do të ketë ngritje. Aleanca pas koalicionit me Nismën, jo pse ishte e keqe, por filloi ta marrë vetën në kuptim të forcimit dhe risistemimit të strukturave të veta. Në bindjen e shumë njerëzve, jo vetëm të lidershipit të Aleancës, njerëzit donin të luftonin për Aleancë, jo vetëm për Nismën, dhe paraprakisht zgjedhjet e mëparshme ne merrnim koalicionit dhe ia humbnim shanset njerëzve të mirë që i kishim nëpër degë”, deklaroi ai në emisionin “Këndi i Debatit” në Tëvë1.

Ai shtoi se në bazë të perceptimit të brendshëm në parti, mbështetësit janë më të fokusuar te Aleanca si subjekt politik.

“Pa marrë parasysh rezultatin e jo aq të lakmueshëm herën e kaluar është krijuar një frymë e brendshme shumë më e fuqishme, shumë më unifikuese e solidare”, tregoi ai.

Sipas Arifit, kjo frymë e re brenda partisë pritet të reflektohet edhe në rezultatet e ardhshme zgjedhore. /teve1.info/

The post Arifi: Aleanca e ka përfunduar trendin e rënies, do të ketë ngritje më 7 qershor appeared first on TËVË 1 - Lexoje të vërtetën!.

Lidhur me këtë vendim ka deklaruar kandidati i AAK-së për deputet, Avni Arifi, i cili tha se një veprim i tillë ka qenë i pritshëm. Sipas tij, kjo është hera e katërt që kryeministri në detyrë, Albin Kurti, ndan mbështetje financiare për qytetarët para zgjedhjeve.

Arifi vlerësoi se këto shtesa përbëjnë tendencë të pastër për blerje votash.

“Ky vendim ka qenë i pritshëm, i dijshëm është hera e katërt para zgjedhjeve që ai iu dha këto ndihma, është ditë që edhe për këto zgjedhje do të bënte këtë praktikë, kjo është tendencë e pastër për me ble vota, Kurti përpiqet që të bëjë një pako që i mundëson atij që të korruptoj qytetarin me votë, për para se me ardhur Vetëvendosje në pushtet, nuk e ka ngrit para për zgjedhe dhe nuk ka pasur tendencë për me ble vota as nga Ramush Haradinaj si kryeministër, as nga Isa Mustafa dhe as nga Avdullah Hoti”, ka deklaruar ai në emisionin “Ditari” në Tëvë1.

Ai shtoi se pensionistët, punëtorët e arsimit dhe të shëndetësisë kanë nevojë për stabilitet financiar dhe rritje të qëndrueshme të pagave, e jo për ndihma të përkohshme.

“Pensionistët kanë nevojë për stabilitet me ua rrit pensionet, punëtorët e arsimit, shëndetësor kanë nevojë me ua ngrit pagat, deri më tani nuk e kemi parë fushatën e VV-së për zhvillimin e Kosovës, qytetarët e Kosovës kanë me i paguar shtrenjtë këto pare që po i merr nga buxheti i Kosovës, pa kriter me qëllim të blerjes së votave. Qytetarët këto pare po i keqkuptojnë këto pare s’janë të Kurtit po të shtetit, të drejtën si kryeministër po e keqpërdor, arsyeja e vetme që i ka ndarë këto para është se janë zgjedhjet, po i nevojitet vota dhe beson që një pjesë e popullatës kanë me shpërblye atë për këto shtesa”, theksoi ai./teve1.info/

The post Arifi: Qeveria po i përdor shtesat si mjet për blerje votash appeared first on TËVË 1 - Lexoje të vërtetën!.

Sipas tij, nëse vendi shkon në zgjedhje të reja, Kuvendi shpërbëhet dhe krijohet një situatë e re politike.

“Kur të shpallen zgjedhjet, shpërbëhet Kuvendi dhe bëhet ashtu siç ka dëshiruar Kurti – vetëm ai në pushtet i do 80%. Presidenti dhe Gjykata Kushtetuese nuk u skadon mandati. Po flas për spekulimet që po qarkullojnë; nuk e di çfarë ka dashur apo jo, por punët po shkojnë në atë drejtim”, tha Arifi.

Duke folur për mundësinë që Vjosa Osmani të rikandidohet, Arifi theksoi se për zgjedhjen e presidentit kërkohet prania e të paktën 80 deputetëve në sallë.

“Për Vjosa Osmanin, nëse do të bëhet presidente apo jo, duhet të votohet dhe duhet të jenë 80 deputetë në sallë. Ata që janë pjesë e projektit të përbashkët i kanë 66 vota. Por, 48 orë para zgjedhjes kanë dhënë sinjale të qarta se ajo nuk është e preferuara e tyre”, u shpreh ai.

Arifi shtoi se mund të ketë befasi në momentet e fundit.

“Për ta mbrojtur veten dhe për të thënë se nuk e kanë dëmtuar Vjosën, ata mund të befasojnë edhe në 24 orët e fundit, duke ardhur me emrin e saj vetëm për ta mashtruar elektoratin, duke thënë ‘ne e propozuam, por nuk u votua’. Por, realisht, ka pasur lobim kundër Osmanit që ajo të mos jetë presidente. Kjo është shprehur hapur dhe qartë”, deklaroi Arifi.

Procesi i zgjedhjes së presidentit mbetet i hapur, ndërsa ditët në vijim pritet të jenë vendimtare për epilogun e ngërçit politik.

The post Arifi: Ka pasur lobim kundër Osmanit, Kurti mund të shkojë drejt zgjedhjeve i do 80% appeared first on TËVË 1 - Lexoje të vërtetën!.

Sipas Arifit, partitë opozitare kanë qenë të bindura se kryeministri Albin Kurti do ta propozonte sërish Osmanin për presidente, por zhvillimet e fundit i kanë befasuar ato.

“Për Vjosa Osmanin, partitë opozitare kanë qenë të bindura se Kurti do ta propozojë për kandidate për presidente. Doren në zemër, Kurti të gjitha kërkesat ia ka plotësuar Vjosa – si ato legale, ashtu edhe ato etike. Opozita ka qenë e bindur muajin e kaluar se nuk do ta bënte kuorumin për të, dhe këtë e kanë thënë edhe deputetë të VV-së, PDK-së, LDK-së e AAK-së. Por ajo që pamë ishte një zhvillim i çuditshëm: edhe partitë opozitare u befasuan kur u pa qartë se Kurti nuk do ta kandidonte Osmanin”, tha Arifi.

Ai shtoi se disa deputetë të opozitës kanë lënë të kuptohet se do të mund ta votonin Osmanin ose ta pranonin si kompromis, por një iniciativë e tillë nuk ka ardhur nga Kurti.

“Lumir Abdixhiku e tha publikisht, dhe edhe disa deputetë të LDK-së kanë sinjalizuar se do ta votonin ose do ta pranonin si kompromis Vjosën, mirëpo një gjë e tillë nuk ka ardhur nga Kurti”, u shpreh ai.

Arifi theksoi se brenda elektoratit të Lëvizja Vetëvendosje ekziston një frymë e fuqishme pro Osmanit.

“Ekziston një frymë e fuqishme tek votuesit e VV-së që janë pro Vjosës. Nuk do të befasohesha fare që, nëse është e sigurt që Vjosa nuk kalon, një ditë para votimit Kurti të vijë me emrin e saj si kandidate, duke qenë i vetëdijshëm se nuk zgjidhet, por për të mos marrë fajin që nuk po i jepet edhe një mandat”, deklaroi Arifi.

Zhvillimet rreth kandidaturës për president mbeten të hapura, ndërsa partitë politike ende nuk kanë dalë me një emër zyrtar.

The post Arifi: Kurti e propozon Osmanin vetëm nëse e di që dështon appeared first on TËVË 1 - Lexoje të vërtetën!.

Sipas Arifit, asnjë nga partitë opozitare nuk do të hyjë në koalicion me Kurtin.

Ai theksoi se PDK, LDK dhe AAK e kanë bërë të ditur se nuk do të bashkëqeverisin me Vetëvendosjen, ndërsa votat e Nismës nuk do të mjaftonin për shumicën e nevojshme.

“Kurti nuk i ka votat, nuk ka si t’i merr votat, vetëm një shpresë e ka mos po arrin të blejë ndonjë deputet sepse dihet që PDK nuk shkon në koalicion, LDK nuk shkon, AAK nuk shkon, Nisma mundet të shkojë por nuk i mjaftojnë votat e Nismës, pra i ka mbetë edhe një apo dy deputet ka mungesë, të vetmin opsion e ka me ble ndryshe nuk mundet sepse me vet faktin që e ka caktu seancën po shpreson se ndoshta e marrin ndonjë deputet  sepse tjetër aryse nuk e di pse e ka shpallë seancën për veqse po shpreson se janë si afër me e ble ndonjë deputet. Me PDK nuk ka fol sepse nuk është i interesuar me dëgjua prej tyre, por edhe VV ka thënë që nuk kemi ofertë për PDK-në dhe AAK-në, AAK-ja e ka bërë të ditur se në asnjë formë nuk qeveris me Kurtin. Kjo seancë ka kuptim nëse ka negociata me ndonjë deputet me ble se ndryshe nuk e di pse e kanë caktuar seancën”, deklaroi Arifi në emisionin “Ditari” në Tëvë1.

Ndryshe, më 26 tetor ditën e diele do të mbahet seanca e jashtëzakonshme plenare ku pritet të votohet zgjedhja e Qeverisë së Republikës së Kosovës./teve1.info/

The post Arifi: Kurti nuk i ka votat, e vetmja shpresë i mbetet blerja e ndonjë deputeti appeared first on TËVË 1 - Lexoje të vërtetën!.

Arifi tha se është e natyrshme që subjektet politike apo individët të mos pajtohen me vendime që nuk u përshtaten, por vendimet e Gjykatës Kushtetuese mbeten të detyrueshme.

“Çdo argument që ka thënë VV-ja ka qenë i paqëndrueshëm. Ne mund ta komentojmë dhe ta analizojmë nëse vendimi ka qenë i duhur apo jo, por nëse LVV mendon se ky vendim nuk ka qenë i drejtë, atëherë le të bëjë shumicën parlamentare, le të sigurojë 80 deputetë dhe le të ndryshojë Kushtetutën,” deklaroi Arifi.

Ai shtoi se Gjykata Kushtetuese ka theksuar qartë se të gjithë deputetët duhet të jenë të pranishëm në seancën për zgjedhjen e kryetarit të Kuvendit dhe të votojnë “për”, “kundër” ose të abstenojnë.

“Në 54 seanca, nëse nuk ka pasur vota të mjaftueshme, dihej që nuk do të ndryshonte asgjë dhe nuk do të shkohej në votim të fshehtë,” theksoi Arifi.

Vendimi i Gjykatës Kushtetuese ka shkaktuar debat politik në vend, me LVV-në që ka shprehur pakënaqësi ndaj interpretimit të Kushtetutës për funksionimin e Kuvendit.

The post Arifi: Deputetët duhet të votojnë, jo të shmangin seancat appeared first on TËVË 1 - Lexoje të vërtetën!.

Arifi thotë se kryeministri Albin Kurti dhe kryenegociatori Besnik Bisilimi e kanë parë se çfarë marrëveshje e dëmshme është pasi që e kanë pranuar.

“Kurti me Bislimin e kanë pranuar marrëveshjen e Ohrit, në të cilën me pikën e 5-të thuhet që me fillua me themelimin e Asociacionit… Kur kanë dalë përjashta e kanë pa se çfarë kanë bë me atë marrëveshje. Marrëveshja e Ohrit është njëra ndër marrëveshjet më të këqija që ka pranuar Kosova zyrtarisht”, tha ai në emisionin “Info Nata” në Tëvë1.

Njohësi i çështjeve politike tregon dy arsyet që sipas tij kjo marrëveshje është e dëmshme për Kosovën.

“Nuk kemi pas dokument më të keq prej luftës. Për faktin se kërkon menjëherë implementimin e Asocionit e ndan nga obligimi palën tjetër me implementu çfarëdo pike. D.m.th. me kurgjo ti nuk mundesh me thënë unë s’po e bëj Asociacionin se ata s’po e bëjnë pikën tjetër. Secila pikë është e pavarur nga njëra-tjetra…Qeveria po thotë që nuk e bëjmë, andaj kemi sanksione”, deklaroi ai./teve1.info/

The post Arifi: Marrëveshja e Ohrit më e keqja për Kosovën që nga paslufta appeared first on TËVË 1 - Lexoje të vërtetën!.