Në emisionin “Ditari” në Tëvë1, Nimani ka thënë se këtë vlerësim e bazon në faktin se Aleanca jo vetëm që ka ruajtur rezultatin e saj zgjedhor, por ka arritur edhe ta rrisë përqindjen e votave krahasuar me zgjedhjet e 28 dhjetorit.

Sipas tij, Aleanca konsiderohet fituese edhe për shkak se kryetari i saj i ri, Ardian Gjini, ishte për herë të parë kandidat për kryeministër dhe bartës i listës zgjedhore.

“Në të vërtetë, fituesi i vetëm real i këtyre zgjedhjeve është Aleanca, për faktin se Gjini ishte për herë të parë në garë si bartës liste dhe kandidat për kryeministër, duke arritur jo vetëm ta ruajë numrin e votave, por edhe ta rrisë përqindjen e rezultatit zgjedhor”, ka deklaruar Nimani.

Ai ka vlerësuar gjithashtu se zgjedhjet e 7 qershorit dhanë një sinjal pozitiv, duke treguar se mbi 135 mijë qytetarë të Kosovës i thanë jo politikave mashtruese të qeverisë aktuale.

Sipas tij, një numër prej rreth 35 deri në 40 mijë votuesish i dërguan mesazh edhe Partisë Demokratike të Kosovës (PDK) se duhet të jetë më e kujdesshme në menaxhimin e partisë dhe në diskutimet për koalicionet me strukturat e saj lokale.

Ndërkaq, sipas Nimanit, Lidhja Demokratike e Kosovës (LDK) arriti të konsolidojë votën e saj duke përfituar nga ndikimi i ish-presidentes Vjosa Osmanit.

Në fund, Nimani ka theksuar se rezultatet preliminare të Komisionit Qendror të Zgjedhjeve (KQZ) tregojnë qartë se qytetarët nuk janë më të interesuar për lojëra apo retorikë politike, por kërkojnë dialog dhe bashkëpunim ndërpartiak.

Duke përshëndetur sjelljen e qytetarëve gjatë procesit zgjedhor, ai ka shprehur shpresën se KQZ-ja do ta ruajë integritetin e procesit dhe nuk do të lejojë manipulime si ato që, sipas tij, kanë ndodhur në zgjedhjet e kaluara.

“Në plan të parë duhet të përshëndeten qytetarët për një proces zgjedhor shumë të qetë, demokratik dhe pa incidente. Shpresoj që KQZ-ja ta ruajë këtë standard të zgjedhjeve duke mos lejuar manipulime si në zgjedhjet e kaluara. Ky rezultat preliminar ka bërë të qartë se qytetarët nuk janë të interesuar për lojëra politike, por që partitë të ulen, të diskutojnë bashkërisht dhe të ndërtojnë institucionet”, ka përfunduar Nimani.

Ndryshe, sipas rezultateve preliminare, Lëvizja Vetëvendosje e kryeministrit në detyrë, Albin Kurti, fitoi zgjedhjet e 7 qershorit me 42.91 për qind të votave.

Pas saj renditen Partia Demokratike e Kosovës me 21.08 për qind, Lidhja Demokratike e Kosovës me 17.60 për qind, Aleanca me 7.17 për qind dhe Lista Serbe me 6.17 për qind./teve1.info/

The post Nimani: Aleanca është fituesja reale e zgjedhjeve të 7 qershorit appeared first on TËVË 1 - Lexoje të vërtetën!.

Sipas tij, edhe pse kanë mbetur rreth 11 ditë deri në përfundimin e afatit kushtetues, mungon vullneti i partive politike për të gjetur një zgjidhje.

“Nuk pres që të ketë marrëveshje për zgjidhje, por pres që të kemi marrëveshje për zgjedhje. S’po shihet që ka përpjekje për presidentin, nuk e di se çfarë do të mund të diskutojnë brenda këtyre ditëve të fundit që kanë mbetur”, tha ai në emisionin “Info Nata” në Tëvë1.

Ai ka shtuar se në ditët e fundit mund të ketë intensifikim të takimeve dhe bisedimeve ndërmjet partive politike, por pa ndonjë rezultat konkret.

“Do të kemi përshpejtim të këtyre bisedime mes partive politike, por nuk pres që do të ketë mirëkuptim mes forcave politike në vend”, deklaroi ai.

Sipas Nimanit, situata aktuale politike nuk po prodhon zgjidhje për institucionin e presidentit, duke lënë të hapur mundësinë që vendi të shkojë drejt një procesi tjetër zgjedhor. /teve1.info/

The post Nimani: S’ka përpjekje për presidentin – ka marrëveshje për zgjedhje, jo zgjidhje appeared first on TËVË 1 - Lexoje të vërtetën!.

Në emisionin “Info Nata” në Tëvë1, Nimani tha se afati për zgjedhjen e presidentit është i afërt, ndërsa spekulimet për një kandidat të mundshëm nga familja Jashari janë shtuar, sidomos pas vizitës së Kurtit në Prekaz dhe takimit të tij me familjen Jashari.

“Unë mendoj që z. Kurti, në fund të fundit, prapë nuk do të nominojë kandidat për president nga familja Jashari, përveç nëse ka ndonjë presion shumë të madh. Përndryshe, ai do ta mbajë situatën zvarrë, sepse kur e sheh opozitën kaq të pakoordinuar, dhe po luan lojë poltike ai është në pozitë komode”, u shpreh Nimani.

Sipas tij, Kurti aktualisht ka komoditet politik dhe nuk është i detyruar të nxitojë me një zgjidhje.

“Ai e ka qeverinë, e ka mandatin, presidenten në detyrë, dhe kushtetuta e përcakton ushtruesin e detyrës së presidentit. Mund të shkojë sërish në zgjedhje, sepse partitë e tjera janë në një çakordim total. Kurti është më së rehati dhe nuk ka çfarë të kërkojë më shumë se 51 për qind”, deklaroi Nimani.

Në fund, ai theksoi se nuk e sheh kryeministrin të interesuar për zgjedhjen e menjëhershme të presidentit.

“Unë nuk e shoh që zoti Kurti është i interesuar për ta zgjedhur presidentin tani, por më shumë për të shkuar drejt zgjedhjeve kushtetuese”, përfundoi Nimani.

The post Nimani: Kurti nuk do të nominojë kandidat nga familja Jashari për president, po e sheh opozitën të pakoordinuar dhe po luan lojë politike appeared first on TËVË 1 - Lexoje të vërtetën!.

Ai tha se, sipas ligjit, pas certifikimit të rezultateve zgjedhore, presidentja është e obliguar që brenda 30 ditëve të thërrasë seancën konstituive të Kuvendit, por theksoi se edhe në këtë fazë ekziston mundësia e zvarritjeve.

“Në bazë të ligjit, menjëherë pas certifikimit të rezultateve zgjedhore, brenda 30 ditëve presidentja e thërret fazën konstituive. Edhe aty ekziston mundësia e zvarritjes, por problemi kryesor mbetet tjetërkund”, tha Nimani.

Sipas tij, shqetësuese janë deklaratat e përfaqësuesve të Lëvizjes Vetëvendosje, përfshirë edhe deputetin Dimal Basha, të cilët, siç u shpreh ai, kanë diskutuar edhe vendime të Gjykatës Kushtetuese.

“Kemi dëgjuar eksponentë të VV-së, përfshirë edhe Dimal Bashën, të cilët diskutojnë edhe vendimet e Gjykatës Kushtetuese, ndërkohë që këto vendime nuk duhet të diskutohen. Për pasojë, prapë do të mbetet ‘sharra në gozhd’”, u shpreh Nimani.

Ai shtoi se qëndrimet publike të kryeministrit Albin Kurti dhe të subjekteve të tjera politike, sipas të cilave nuk do të votohet asnjë kandidat nga Lista Serbe, mund ta thellojnë bllokadën institucionale.

“Ne i dimë qëndrimet publike të kryeministrit Kurti dhe të subjekteve të tjera politike, që nuk do ta votojnë asnjë kandidat nga Lista Serbe. Për këtë arsye, më shumë po mundohem të besoj se do të kemi zgjedhje të reja sesa zgjidhje”, përfundoi Nimani.

The post Nimani: Më shumë gjasa për zgjedhje të reja sesa për zgjidhje institucionale appeared first on TËVË 1 - Lexoje të vërtetën!.

Ai tha se problemin nuk duhet ta bartë vetëm Prizreni, pasi që sipas tij as rajonet tjera të Kosovës nuk duhet të amnistohen.

Ai shton se personat e arrestuar, megjithëse të deleguar nga partitë politike, kanë kontrata me KQZ-në dhe janë trajnuar si nëpunës të saj, dhe nuk përfaqësojnë vetëm petkun partiak.

Sipas tij, ky sistem duket si një formë e qëllimshme për devijimin e rezultatit të zgjedhjeve në favor të individëve, qoftë me apo pa vetëdije të tyre.

“Personat e arrestuar kanë qenë zyrtarë të partive, por që kanë kontratë me KQZ-në që janë trajnuar aty dhe janë nëpunës të saj. Pra, nuk përfaqësojnë petkun partiak, ndonëse janë të deleguar nga partitë. Këtu nuk po duket diçka në rregull, si një formë që qëllimisht me deviju rezultatin e zgjedhjeve në favor të individëve. Me ose pa vetëdijeve e tyre, me ose pa dëshirën e tyre”, deklaroi ai në emisionin “Ditari” në Tëvë1. /teve1.info/

The post Nimani për manipulimin e votave: Skemë e organizuar për të devijuar rezultatin e zgjedhjeve appeared first on TËVË 1 - Lexoje të vërtetën!.

Në emisionin “Info Nata” në Tëvë1, Nimani tha se sistemi elektoral në Kosovë, me pragun prej 5 për qind, këtë herë ka qenë i pakalueshëm për Nismën.

“Pragu prej 5 për qind ka qenë i pakalueshëm kësaj radhe. Ky është rezultati, sovrani ka vendosur që Nisma të mos jetë në Parlament. Mendoj se Parlamentit të Kosovës do t’i mungojë zëri i Nismës, në veçanti zëri i z. Fatmir Limaj, por ky është verdikti i popullit dhe nuk kemi çfarë të themi”, ka deklaruar Nimani.

Ai ka shtuar se pavarësisht përpjekjeve për organizim, rezultati mbetet një sfidë e madhe për një parti të vogël.

“Jemi munduar të organizohemi sa më mirë që kemi mundur. Për mua personalisht kjo është një sfidë shtesë, sepse një parti e vogël, pa infrastrukturë dhe pa financa, sidomos duke pasur parasysh zgjedhjet e para në vitin 2025, është një sfidë e jashtëzakonshme, jo vetëm për ne, por edhe për partitë e mëdha, e lë më për strukturën tonë, e cila megjithatë është solide”, ka thënë Nimani.

Ai ka pranuar se rezultati ka qenë i papritur edhe për vetë Nismën.

“Edhe për ne ka qenë shumë shokuese rezultati”, ka përfunduar Nimani.

The post Nimani: Pragu zgjedhor prej 5 për qind ishte i pakalueshëm për Nismën, Parlamentit do t’i mungojë zëri i Limajt appeared first on TËVË 1 - Lexoje të vërtetën!.

Ai ka thënë se pavarësisht sfidave dhe nivelit më të vogël të organizimit krahasuar me forcat tjera politike, puna e deritanishme ka qenë për rezultate befasuese.

Ai tha se Nisma pret të ketë gjashtë deputet në Kuvendin e Kosovës, në mënyrë që pastaj të bëhet bashkimi me deputetët e PDK-së.

“Jemi të vetëdijshëm për sfidat që ndodhen para nesh. Niveli i organizimit është më i vogël krahasuar me forcat tjera politike, por jemi duke bërë punë të jashtëzakonshme dhe besoj që rezultatet do të jenë befasuese për të mirë. Jam i bindur që Nisma do të ketë plus gjashtë deputetë në Kuvendin e Kosovës, që pastaj të bëjmë hapin e madh drejt bashkimit të forcave demokratike në Parlamentin e Kosovës. Jam optimist që jemi në rrugën e duhur dhe kemi masovim të njerëzve”, ka thënë Nimani në emisionin “Info Nata” në Tëvë1.

“Ne kemi një qëndrim politik që do të jemi bashkë me PDK-në në Kuvendin e Kosovës dhe deputetët nga radhët e Nismës që do të kalojnë në Parlament do të jenë pjesë përbërëse e një fillimi të bashkimit të përgjithshëm që pritet të ndodh pas përfundimit të procesit të bashkëluftëtarëve tanë në Hagë”, ka deklaruar Nimani.

The post Nimani: Synojmë gjashtë deputetë në Kuvend, pastaj bashkimin e forcave me PDK-në appeared first on TËVË 1 - Lexoje të vërtetën!.

Nimani konfirmoi se Nisma ka kohë që ka lobuar për krijimin e blloqeve opozitare, me qëllim maksimizimin e votës së qytetarëve dhe përfshirjen e të gjitha subjekteve politike që kanë garuar në zgjedhje.

Pasi presidentja shpalli zgjedhjet e parakohshme, Nimani propozoi ndërtimin e dy apo tre blloqeve të mëdha – një të udhëhequr nga PDK-ja dhe një nga LDK-ja, kurse siç tha ai LVV të jetë në anën tjetër.

“Presidentja Osmani është në të njëjtën vijë me Lëvizjen Vetëvendosje dhe thjesht ka pasur një mundësi t’ia bëjë një argat të fundit Kurtit, nuk është e pa pritshme. Unë kam lobuar shumë kohëve të fundit që të krijohen blloqet opozitare, të krijohen dy eventualisht tri, VV në anën tjetër dhe dy blloqet e mëdha të partive opozitare një bllok që udhëhiqet nga PDK-ja dhe një nga LDK-ja me qëllim që të maksimizohet vota e çdo qytetari dhe të mos lihet anash asnjë grupacion politik apo listë qytetare e cila ka garuar në zgjedhje dhe të merren të gjitha bashkërisht dhe të masivizohet vota e përgjithshme”, tha ai.

Derisa, ai njoftoi se takimet dhe bisedimet me partitë e tjera janë në zhvillim e sipër, duke thënë se Nisma pritet të dalë së shpejti me qëndrimin zyrtar, për koalicionet e mundshme.

Në fund, ai theksoi se partia e tij është serioze dhe e hapur për oferta konkrete, duke potencuar se Nisma pozicionohet mirë në raport me LDK-në.

Kemi takime, bisedime, mendoj që shpejt Nisma do të del me qëndrimin e saj zyrtar dhe do të jetë një prej partive serioze, jemi të hapur për oferta konkrete, jemi shumë mirë në pozicion aktual me LDK-në të pranueshëm dhe të kërkuar nga forcat politike. Aty ku do jetë Nisma do të jetë edhe kryeministri”, deklaroi Nimani në emisionin “Ditari” në Tëvë1./teve1.info/

The post Nimani: Presidentja në një linjë me VV-në, Nisma e gatshme për krijimin e blloqeve opozitare appeared first on TËVË 1 - Lexoje të vërtetën!.

Ai ka theksuar se sipas vendimit të Gjykatës Supreme, qeveria aktuale është e paligjshme, por pavarësisht kësaj, vazhdon të qëndrojë në zyrë pa e ditur nëse po vepron drejt apo gabim në hapat e saj politikë.

Duke komentuar rolin e presidentes, Vjosa Osmani, Nimani u shpreh se ajo nuk po vepron në përputhje me Kushtetutën, por po shfaqet më shumë si “fallxhore që lexon filxhanin” sesa si presidente që mbron Kushtetutën e vendit.

Në fund, ai konfirmoi se Nisma nuk do ta votojë Glauk Konjufcën për kryeministër.

“Nuk ka përpjekje serioze për zhbllokimin e këtij ngërçit, sepse s’ka pasur takime me partitë që t’i realizoj interesat, mendoj që nuk është në pyetje këtu emri i përveçëm i Kurtit, por është në pyetje logjika politike e LVV-së. Ne kemi një qeveri që rrinë në zyre që sipas Gjykatës Supreme është e paligjshme, mirëpo megjithatë e ka një qëndrim që realisht nuk e din a po bënë mirë, a po bënë keq në rast se bënë veprime të tilla. Nuk shoh as një mundësi të tejkalimit dhe të votimit të proceseve që janë kaq të rëndësishme për Kosovën. LVV më shumë po përpiqet që të paraqitet si viktimë para qytetarëve dhe të del në zgjedhje se unë po bëjë kompromis. Gjithë kemi pritur që presidentja të jetë president, jo të arsyetoi thënien e katër viteve me radhë që është një notere e Kurtit, mendoi që edhe vet ajo ka rënë në një situatë të palakmueshme në raport me kërkesat e qytetarëve, presidentja më shumë më është dukur si një fallxhore që po lexon filxhan, sa Kushtetutën e Kosovës, sepse nuk mund ta thotë ajo besoj që ka gjasa, nuk duhet të shkojë me gjasa, nuk mandatohet dikush me gjasa, por me fakte dhe dëshmi që kemi mundësi që ta zgjedhim Qeverinë… Nuk do të ketë votë Nisma për Konjufcën për kryeministër”, ka deklaruar Nimani në emisionin “Ditari” në Tëvë1./teve1.info/

The post Nimani për Osmanin: S’mandatohet për kryeministër dikush me gjasa appeared first on TËVË 1 - Lexoje të vërtetën!.

Kurti gjatë një tubimi me diasporën në Londër ka thënë se Nismës ia kishte ofruar postin e nënkryetarit të Kuvendit, një ministri dhe dy zëvendësministra.

Lidhur me këtë Nimani në emisionin “Mesditë” në Tëvë1 deklaroi se Nisma nuk ka kërkuar ofertë dhe kjo e Kurtit as që është diskutuar.

Ai tha se Nisma ka deklaruar dhe ka respektuar marrëveshjen për postin e kryetarit të Kuvendit, por jo për këtë pozicionim të Kurtit që e deklaroi vetë ai.

“Është vërtetë interesant që ne nuk kemi diskutuar fare për ofertë dhe nuk kemi kërkuar oferta nga Kurti. Kjo tregon më së miri atë shpirtngushtësinë e njeriut që nuk është i interesuar që t’i formojë institucionet, sepse nëse ka pasur oferta të tilla… nuk janë për opinionin publik – janë oferta të diskutimit në tryeza. Ne kemi qenë shumë të qartë, kemi kërkuar që të respektohet marrëveshja, të cilën LVV-ja e ka pasur me Nismën, e cila ka pasur të bëj me postin e kryeparlamentarit. Në asnjë rrethanë, në asnjë rast, në asnjë bisedim apo në asnjë forum tonin nuk është diskutuar për pjesëmarrjen e Nismës në ekzekutiv. Ne me Nismën nuk e kemi diskuar në asnjë moment këtë pozicionim të Kurtit”, tha Nimani në Tëvë1.

Ndërkaq, ofertën e Kurtit e ngjasoi me atë si të një fëmije të lazdruar.

“Kjo ofertë më shumë të ngjanë me atë kur një fëmijë është i lazdruar që dalin dhe kur s’i realizohet një dëshirë, duan ta akuzojnë secilin që ‘ja se bëra këtë, se bëra atë’. Prandaj, është mirë që të jemi më serioz në raport me krijimin e institucioneve”, tha Nimani.

Sipas tij, LVV-ja nuk është e interesuar për krijimin e institucioneve, por për të shfaqur veten si viktimë në procesin zgjedhor.

“LVV-ja nuk është e interesuar për krijimin e institucioneve, më tepër është e interesuar që ta paraqes vetën si viktimë në raport me procesin. Ka marrë mbi 400 mijë vota dhe prapë paraqitet si viktimë e procesit zgjedhor. Tendenca për t’i fajësuar të tjerët për dështimet e veta, mua më duket jo shumë serioze dhe jo e pranueshme edhe për opinionin”, deklaroi ai.

Ai tha se Kurti e ka humbur shansin njëherë e përgjithmonë që të jetë kryeministër i Kosovës nga mosrespektimi i marrëveshjes me Nismën. /teve1.info/

The post “Fëmijë i lazdruar” – Nimani demanton Kurtin: S’kemi diskutuar për asnjë ofertë appeared first on TËVË 1 - Lexoje të vërtetën!.