Agjencia për Parandalimin e Korrupsionit, ka publikuar mbrëmë regjistrat e deklarimit të pasurisë së zyrtarëve të shtetit.

Përmes një njoftimi, APK-ja ka bërë me dije se subjektet deklaruese kanë afat 30 ditë që të bëjnë kërkesë në Agjenci për plotësimet apo korrigjimet e nevojshme të deklarimit të dorëzuar brenda afatit ligjor, nëse kanë bërë lëshime apo gabime pa dashje.

“Pas përfundimit të periudhës së deklarimit të rregullt të pasurisë për vitin 2022 i realizuar përmes platformës elektronike gjatë muajt mars të vitit 2023, Agjencia për Parandalimin e Korrupsionit i publikon regjistrat e deklarimit të pasurisë të subjekteve deklaruese”, thuhet në njoftim.

“Subjektet deklaruese, jo më vonë se tridhjetë (30) ditë pas publikimit të këtyre regjistrave, mund të bëjnë kërkesë në Agjenci për plotësimet apo korrigjimet e nevojshme të deklarimit të dorëzuar brenda afatit ligjor, nëse kanë bërë lëshime apo gabime pa dashje. Udhëzimet se si bëhet kërkesa do të ju  dërgohen individualisht secilit subjekt të deklarimit të deklarimit të pasurisë”, thuhet në njoftim.

Regjistrat e deklarimit të pasurisë të zyrtarëve publik mund t’i gjeni duke klikuar KËTU. /teve1.info/

https://teve1.info/lajmet/osmani-deklaron-pasurine-banese-shtepi-mercedes-dhe-rreth-300-euro-para-te-gatshme/

https://teve1.info/lajmet/12kurti-deklaron-pasurine-banesat-ne-vlere-650-mije-euro-ne-emer-te-gruas/

https://teve1.info/lajmet/konjufca-deklaron-tri-banesa-nje-shtepi-dhe-mbi-120-mije-euro-ne-banke/

https://teve1.info/lajmet/krasniqi-deklaron-banese-e-shtepi-ne-vlere-400-mije-euro-si-dhe-kriptovaluta-e-nft/

https://teve1.info/lajmet/abdixhiku-deklaron-pasurine-dy-shtepi-toke-veture-dhe-mbi-10-mije-euro-ne-banke/

https://teve1.info/lajmet/haradinaj-deklaron-pasurine-kater-shtepi-truall-e-vile/

The post Publikohen regjistrat e deklarimit të pasurisë të zyrtarëve të shtetit appeared first on TËVË 1 - Lexoje të vërtetën!.

Haradinaj, ka deklaruar një shtëpi me vlerë të 330 mijë eurove, një shtëpi tjetër në vlerë të 270 mijë euro në emër të përbashkët me bashkëshorten, një tokë me vlerë 75 mijë euro, një truall në vlerë të 27 mijë e 300 euro, një shtëpi me vlerë 202 mijë euro, një shtëpi me vlerë 340 mijë, një vilë ne vlerë 120 mijë euro të përbashkët.

Nga këto pasuri, Haradinaj, ka deklaruar se vetëm një e ka blerë me kredi.

Ai, gjithashtu ka deklaruar një veturë BMW, në vlerë prej 8 mijë eurove, dhe një Cadillac që kap shifrën e 19 mijë eurove.

Shuma e parave të gatshme që i ka deklaruar është 5 mijë e 790 euro, që i ka të ardhura nga qiraja dhe paga.

Haradinaj, në rolin e deputetit të Kuvendit të Kosovës, merr 18 mijë e 570 euro të ardhura vjetore, 2 mijë e 700 euro si invalid i luftës, 37 mijë 288 euro nga qiraja e shtëpisë.

Ndërkohë, 12 mijë euro i ka marrë huazim nga kompania “HCC sh.p.l”.

Sipas të dhënave të Agjencisë Kundër Korrupsionit, bashkëshortja e Haradinajt, ka deklaruar 48 mijë e 500 euro të ardhura vjetore. /teve1.info/

KËTU mund ta shihni pasurinë e Haradinajt

The post Haradinaj deklaron pasurinë: Katër shtëpi, truall e vilë appeared first on TËVË 1 - Lexoje të vërtetën!.

Osmani ka deklaruar më pak se 300 euro të gatshme në bankë, derisa të ardhurat vjetore i ka prezantuar rreth 40 mijë euro, ku 33 mijë janë paga neto nga Presidenca dhe mbi 7 mijë e 600 euro mëditje.

Ndërsa, pasuri të paluajtshme, Osmani ka deklaruar kapital në vlerë prej 970 mijë euro, kryesisht nën pronësi të bashkëshortit, ku këtu përfshihen një shtëpi, një banesë, një garazh dhe tokë.

Te pasuritë e luajtshme, presidentja ka deklaruar veturë të tipit Mercedes-Benz, në vlerë prej 12 mijë eurove, në pronësi të bashkëshortit.

294 euro është shuma e parave të gatshme të cilat presidentja i ka deklaruara.  /teve1.info/

Këtu mund ta shihni pasurinë e Osmanit.

The post Osmani deklaron pasurinë: Banesë, shtëpi, Mercedes dhe rreth 300 euro para të gatshme appeared first on TËVË 1 - Lexoje të vërtetën!.

Kurti, si pasuri të paluajtshme, ka deklaruar banesën me 67 metra katrorë në vlerë prej 400 mijë eurosh, në emër të bashkëshortes.

Kryeministri ka deklaruar se ka para të gatshme në bankë në vlerë prej 119.58 euro, derisa bashkëshortja e tij ka të kursyera 10 mijë euro.

Gjithashtu, ka deklaruar se bashkëshortja e tij ka detyrime prej 250 mijë euro në afat për 24 vite, e marrë në emër të blerjes së banesës.

Nga të hyrat vjetore, Kurti ka deklaruar se nga pozita e kryeministrit merr 16,647.69 euro, ndërsa ka thënë se të ardhurat personale nga Lëvizja Vetëvendosje i janë ndërprerë nga momenti që e ka filluar detyrën si kryeministër i Kosovës. /teve1.info/

Këtu mund ta shihni pasurinë e Kurtit.

The post Kurti deklaron pasurinë, banesat në vlerë 650 mijë euro në emër të gruas appeared first on TËVË 1 - Lexoje të vërtetën!.

“Agjencia kundër Korrupsionit ka përcjell kallëzim penal kundër Blerim Isufaj, vepra penale nga neni 430 paragrafi 2 i Kodit Penal të Kosovës, me datë 15.02.2022 në Zyrën e Kryeprokurorit të Shtetit”, thuhet në përgjigjen e Agjencisë Kundër Korrupsion.

I kontaktuar nga “Betimi për Drejtësi”, Kryeprokurori Blerim Isufaj nuk ka pranuar të komentoj kallëzimin penal të ngritur kundër tij.

“Le t’i kallzon krejt Agjencia, une s’kom nevojë me komentu”, ka qenë përgjigja e shkurtë e Isufajt, pas të cilës përgjigje e ka mbyllur telefonin.

Këshilli Prokurorial i Kosovës më 15 shkurt 2022, ka miratuar listën e kandidatëve për pozitën e Kryeprokurorit të Shtetit, në të cilën është edhe Blerim Isufaj, aktualisht Kryeprokuror i Prokurorisë Speciale dhe ish-kryesues i Këshillit Prokurorial të Kosovës./tëvë1.info/

The post AKK ngrit kallëzim penal ndaj kryeprokurorit të Speciales për raportim të rremë të pasurisë appeared first on TËVË 1 - Lexoje të vërtetën!.