Kështu bëri të ditur drejtori i Administratës Tatimore të Kosovës, Mentor Hyseni, gjatë prezantimit të raportit gjashtëmujor për vitin 2026, të premten në Prishtinë.

Sipas tij, rritja e të hyrave në këtë periudhë ka tejkaluar rezultatet e të njëjtës periudhë kohore edhe për vitet 2025 e 2024, ndërsa tatimi mbi vlerën e shtuar përbën mbi 37 për qind të të hyrave tatimore.

Në bazë të të dhënave të prezantuara nga Hyseni, numri i kontrolleve është rritur për 35.7 për qind, ndërsa evidentimi i evazionit fiskal është dyfishuar. Po ashtu, sipas tij, vizitat në terren janë rritur nga 11 mijë e 900 në rreth 16 mijë.

“Në 2026 në këtë gjashtë mujor kemi një rritje prej 14 për qind që tejkalon dy vitet paraprake. Nëse e shohim ka përbërja, në pjesën e TVSH-së e kemi mbi 37 për qind që është pjesa e të hyrave tatimore, nëse shohim historinë e saj për 2024-2025 kemi një rritje prej 16 për qind ndërsa 2025-26 kemi 11 për qind, parashihet një rënie e TVSH-së krahasim me vitet paraprake.. 10 punëtorë na kanë dalë në pension në këtë gjashtë mujorin e parë, por megjithatë me këtë mungesë të punëtorëve, ne kemi arritur ta rrisim numrin e kontrolleve për 37 për qind në krahasim me vitin paraprak, 35.7 për qind është rritur numri i kontrolleve. Rezultatet nuk tregojnë që ka pasur vetëm rritje efektive të numrit. Me rritjen prej 35.7 për qind të kontrolleve kemi rritur 100 për qind pjesën e evazionit fiskal që e kemi gjetur. Kjo nuk ka shënuar vetëm efikasitet në rritje të numrit të kontrolleve, por edhe efektivitet në mënyrën se si janë kontrolluar bizneset. E njëjta dinamikë tregohet tek rezultatet e vizitave. Numri tyre është prej 36.97 për qind krahasuar me vitin paraprak sa kanë qenë 11 mijë e 900 tash janë 16 mijë vizita në terren”, tha Hyseni.

Ndërkohë, masat ndëshkuese ndaj tatimpaguesve kanë shënuar rënie, nga 2 mijë e 700, në 2 mijë e 500.

Hyseni tha se menaxhimi dhe mbledhja e borxheve vazhdon të jetë një prej sfidave kryesore për ATK-në. Sipas tij, decentralizimi i mbledhjes së borxheve në dhjetë regjione ka ndikuar që numri i marrëveshjeve të trajtuara të rritet nga 1 mijë e 300, në 2 mijë e 300.

“Masat ndëshkuese ndaj tatimpaguesve kanë shënuar rënie, nëse e shohim me numër prej 2 mijë e 700 kanë ra në 2 mijë e 500.. Pjesa e borxheve ka qenë pjesa më sfiduese e ATK. Fondi monetar ndërkombëtarë ka bërë një strategji për koncentrim të mbledhjes së borxheve, mirëpo ne e kemi pa që nuk ka funksionuar. Të gjithë mbledhjen e borxheve i kemi decentralizuar dhe dërgu në 10 regjione. Nëse shohim numrin e marrëveshjes sa janë trajtuar, prej një mijë e 300 marrëveshje në 2 mijë e 300”, tha ai.

Hyseni foli edhe për bashkëpunimin ndërinstitucional të ATK-së me Doganën, Policinë dhe Prokurorinë, duke veçuar operacionin e javës së kaluar lidhur me sektorin e derivateve, ndërsa tha që në gjashtë muajt e parë të vitit 2026 është shtuar edhe numri i denoncimeve të bëra në platformën online të krijuar për këtë gjë

“Përveç aktiviteteve të ATK brenda kemi edhe aktivitete në institucione tjera si Dogana, Policia e Kosovës, Prokuroria. Aktivitetin e fundit që kemi pasur ka qenë operacioni për derivate, kanë qenë kryesisht të ndara në dy plane operative. 12 njësi në planin penal kanë qenë të organizuar, 48 zyrtarë të angazhuar, 26 inspektorë dhe 22 inspektorë të tjerë tatimorë prej regjioneve të ndryshme. 30 pika të shitjes së derivateve janë kontrolluar dhe janë mbledhur provat që do na shërbejnë neve. Tek pjesa e denoncimeve diku 48 përqind ka rritje. 1 mijë e 759 denoncime, 1 mijë e 300 aktivitete të organizuara, 219 denoncime në proces, 234 denoncime të refuzuara”, tha Hyseni.

The post ​ATK thotë se në janar-qershor 2026 mblodhi më tepër para se më 2025 e më 2024 appeared first on TËVË 1 - Lexoje të vërtetën!.

Sipas të dhënave zyrtare, popullsia e Shqipërisë ra me 1.16% gjatë vitit 2025, ku u regjistruan 22,541 lindje dhe 21,394 vdekje, çka solli një shtesë natyrore prej vetëm 1,147 personash.

Megjithatë, ky bilanc pozitiv është “gëlltitur” plotësisht nga emigracioni. Migracioni neto rezultoi negativ me 28,531 persona, që do të thotë se kaq më shumë njerëz u larguan nga Shqipëria sesa u kthyen apo u vendosën në vend. Praktikisht, për çdo shqiptar që i shtohet popullsisë nga lindjet, afro 25 të tjerë humben nga emigracioni.

Një analizë e të dhënave sipas grupmoshave tregon se rënia e popullsisë prek pothuajse të gjithë brezin e ri, duke nisur nga foshnjat deri tek grupmosha 30-34 vjec, duke pasqyrua ndikimin e emigracionit dhe lëvizjen e të rinjve drejt vendeve të tjera në kërkim të mundësive më të mira të jetesës dhe punësimit.

Ndryshe paraqitet panorama te grupmoshat e mëdha. Numri i personave 65-69 vjeç u rrit me 2.5%, ndërsa grupmosha 70-74 vjeç me 6%.

Ndërkohë, me këta tregues,  mosha mesatare e popullsisë është rritur nga 44.3 në 45 vjeç./euronews.al

The post Shqipëria humbi 28 mijë e 500 banorë në 2025, mosha mesatare arrin në 45 vjeç appeared first on TËVË 1 - Lexoje të vërtetën!.

Me këtë vendim, Agjencia për Zhvillimin e Bujqësisë (AZHB) obligohet të procedojë menjëherë me ekzekutimin e pagesave për të gjithë përfituesit e verifikuar të subvencioneve bujqësore sipas listave përfundimtare të miratuara në kuadër të Programit për Pagesa Direkte për vitin 2025.

Pagesat do të realizohen nga buxheti i miratuar i Republikës së Kosovës, në përputhje me alokimet buxhetore për sektorin e bujqësisë dhe procedurat e zbatueshme të Thesarit të Republikës së Kosovës.

Me hyrjen në fuqi të buxhetit dhe përmbushjen e kushteve të nevojshme financiare dhe procedurale, është krijuar mundësia për procedimin e pagesave të mbetura për përfituesit e programit.

Departamenti për Buxhet dhe Financa në AZHB, në bashkëpunim me Thesarin e Republikës së Kosovës, është obliguar të ndërmarrë të gjitha veprimet e nevojshme për realizimin e pagesave në përputhje me legjislacionin në fuqi për menaxhimin e financave publike.

Sipas vendimit, Agjencia për Zhvillimin e Bujqësisë duhet të raportojë tek Ministri brenda pesë (5) ditëve për progresin e realizimit të pagesave.

The post ​Autorizohet pagesa e subvencioneve të mbetura bujqësore për vitin 2025 appeared first on TËVË 1 - Lexoje të vërtetën!.

Haradinaj ka thënë se Dardani vjen në AAK me nje përvoj politike dhe aktivirer 25 vjeçar.

Postimi i plotë:

Ne ekipin tim e prita me kënaqësi Ekspertin e Sigurisë, juristin Dardan Krasniqi. Dardani na u bashkua me përvojën e tij dhe vullnetin për një Kosovë që ecën përpara. Dardani, si i ri, ishte luftëtar e i tri luftërave çlirimtare, UÇK-së, UÇPMB-së dhe i Ushtrisë Çlirimtare Kombëtare, ku ishte dalluar për guximin dhe aftësinë organizative.

Dardani vjen në AAK me një përvojë politike dhe aktivitet 25-vjeçar. Dardan Krasniqi ishte polici dhe drejtuesi i parë i Policisë në Malishevë.

1. Krasniqi vjen nga një familje patriotike, me nënën mësuese e babain kolonel të TMK-së dhe themelues të celulave të para të UÇK-së.

Në aktivitetin e tij si çlirimtar, pastaj në polici, e më vonë në Vetëvendosje si aktivist e anëtar i Këshillit të Përgjithshëm, Dardani gjithmonë kishte dy qëllime: çështjen kombëtare dhe politikën e sigurisë si një element të rëndësishëm në përpjekjen për shtet e shoqëri të fortë!

Angazhimi i tij është motiv që shumë patriotë, ekspertë e qytetarë të mirë të këtij vendi po e gjejnë rrugën e AAK-së, që është edhe rruga e Kosovës për të ecur përpara!

The post Dardan Krasniqi aderon në AAK, e prezanton Ramush Haradinaj appeared first on TËVË 1 - Lexoje të vërtetën!.

“Jam jashtëzakonisht mirënjohës për këtë pritje të ngrohtë e kaq entuziaste. Ky besim është përgjegjësi e madhe për mua që ta çoj përpara punën për Prizrenin tonë” – tha Kryetari Totaj para qytetarëve të mbledhur.

Ai theksoi se investimet e deritanishme dhe projektet e ardhshme do të sjellin ndryshime të mëdha edhe për këto fshatra. “Lubizhda, Gërnçari e Skorobishta do të jenë pjesë e zhvillimit të madh që kemi nisur për të gjithë Komunën e Prizrenit” – shtoi ai.

Tubimi përfundoi me duartrokitje të fuqishme, duke reflektuar besimin dhe përkrahjen e qytetarëve për një të ardhme edhe më të mirë nën udhëheqjen e Kryetarit Totaj.

The post Shaqir Totaj takon komunitetin boshnjak në Lubizhdë: Ky besim është përgjegjësi e madhe për mua appeared first on TËVË 1 - Lexoje të vërtetën!.

Ai është takuar me disa nga gratë e Istogut, ku ftha se gratë gjithmonë janë mbështetje për njëra tjetrën.

“Gratë gjithmonë janë mbështetje për njëra-tjetrën, gjë që u dëshmua edhe me pjesëmarrjen e tyre në këtë takim, ku u diskutua për forcën dhe mirëqenien e gruas në institucione dhe më gjerë. Lubozhdë e Liridonë, faleminderit për mikpritjen dhe mbështetjen e vazhdueshme.  #RrugëtimiYnëVazhdon  #LDK113 I juaji, Iliri”, ka thënë Ferati.

The post “Gratë gjithmonë janë mbështetje për njëra-tjetrën”, Ilir Ferati premton mbështetje të vazhdueshme për gratë e Istogut appeared first on TËVË 1 - Lexoje të vërtetën!.

Në këtë takim, përveç kryesuesit të KQZ-së, Kreshnik Radoniqi, morën pjesë Koordinatorja Nacionale për Zgjedhje në Prokurorinë e Shtetit, Laura Pula, Drejtori i Përgjithshëm i Policisë së Kosovës, Gazmend Hoxha, anëtari i Këshillit Gjyqësor të Kosovës, Artan Abazi dhe Koordinatorja nga ky institucion, Fatime Dërmaku dhe kryesuesi i Panelit Zgjedhor për Ankesa dhe Parashtresa, Zenel Leku.

“Në këtë takim, kryesuesi i KQZ-së, Radoniqi tha se bashkëpunimi ndër institucional është thelbësor në krijimin e kushteve që procesi zgjedhor të zhvillohet sipas Kushtetutës dhe ligjeve në fuqi të Republikës së Kosovës”, ka njoftuar KQZ në komunikatën për media.

The post KQZ mban mbledhje me institucionet për përgatitjet e zgjedhjeve appeared first on TËVË 1 - Lexoje të vërtetën!.

Për 48 orët e para të vitit 2025, ndodhën 144 aksidente.

Sipas Policisw sw Kosovw mw  1 janar  ndodhen 46 aksidente trafiku, 26 prej tyre aksidente me të lënduar, kurse 40 aksidente me dëme material, kurse mw 2 janar 98 aksidente, 31 prej tyre aksidente  me të lënduar, kurse 67 aksidente  me dëme materiale.

Njëri prej faktorëve të këtyre aksidenteve, konsiderohet mjegulla e dendur, dhe mospërshtatja me të.

“Mjegulla e dendur paraqet edhe probleme të tilla, derisa këto aksidentet e komunikacionit rrugor paraqet edhe një rrezikshmëri shumë të lartë, duke pasur parasysh që dukshmëria është shumë e rëndësishme tek qarkullimi i automjeteve. Dhe është pikërisht njëri prej elementeve/ faktorëve të cilët munden me ndodh aksidentet.”, thotw Nol Dedaj, profesor i komunikacionit.

Me apel për shoferët ka dalë edhe Policia e Kosovës, duke kërkuar kujdes në kushte të mjegullës, përdorimin e dritave të mjegullës, mbajtjen nën kontroll të shpejtësisë, si dhe ndjekjen e krahut të djathtë të rrugës.

Si e rëndësishme, në këto kushte atmosferike vlerësohet edhe mbajtja e distancës nga mjeti në mjet.

“Të mbajnë distancën e sigurisë ndaj mjeteve tjera, si dhe ta përshtatin shpejtësinë edhe kushteve atmosferike dhe kushteve të rrugës, pra në rastin tonë edhe të mjegullës”, shprehet Dedaj.

Për 1 dhe 2 janar, janë arrestuar 27 persona, kurse 22 tjerë janë dërguar në mbajtje.

The post Për dy ditë 144 aksidente, shoferëve u bëhet thirrje për kujdes appeared first on TËVË 1 - Lexoje të vërtetën!.

59 deputetë votuan për, 0 kundër dhe 2 abstenime.

Opozita ka kritikuar këtë buxhet dhe nuk e ka votuar./teve1.info/

The post Kuvendi miraton në lexim të parë buxhetin për vitin 2025 appeared first on TËVË 1 - Lexoje të vërtetën!.

Gjatë kësaj periudhe 120 ditore (29 gusht – 26 dhjetor 2024), të gjithë shtetasit e Kosovës që jetojnë jashtë vendit mund të aplikojnë për t’u regjistruar si votues jashtë Kosovës.

Aplikimin e tyre mund ta bëjnë përmes platformës elektronike diaspora.kqz-ks.org ose përmes postës në kutinë postare të KQZ-së.

Po ashtu, gjatë kësaj periudhe, në momentin e regjistrimit votuesit mund të përcaktohen individualisht për mënyrën e votimit:

• të votojë fizikisht në njërën nga përfaqësitë diplomatike të Republikës së Kosovës;
• duke dërguar fletëvotimin përmes postës në kutinë postare të KQZ në Kosovë;
• duke dërguar fletëvotimin përmes postës në një nga kutitë postare të hapura nga KQZ jashtë Kosovës.

Në rast të plotësimit të numrit maksimal të votuesve në përfaqësi diplomatike, sipas parimit të kohës së aplikimit, aplikuesi do të udhëzohet për regjistrim për mënyrat e tjera të votimit përmes postës.

Informacionet më të detajuara janë publikuar në ueb faqen e KQZ-së: Shërbimet e KQZ-së > Shërbimet për Votuesit > Votimi jashtë Kosovës, ose në vegzën direkte: https://kqz-ks.org/sherbimet-per-votuesit/votimi-me-poste/

Lista e përfaqësive diplomatike të cilat do të shërbejnë si Qendra Votimi më 8 shkurt 2025 dhe në të cilat do të mund të votojnë shtetasit që arrijnë të regjistrohen suksesshëm për votimin në përfaqësi diplomatike është publikuar në ueb faqen e KQZ-së: Njoftime > Lajme, ose në vegzën direkte: https://kqz-ks.org/lista-e-qendrave-te-votimit-per-cdo-perfaqesi-diplomatike-dhe-numri-maksimal-i-votuesve-ne-secilen-prej-tyre

“Komisioni Qendror i Zgjedhjeve inkurajon të gjithë shtetasit e Kosovës që jetojnë jashtë vendit që të shfrytëzojnë të drejtën e tyre kushtetuese për t’u bërë pjesë e procesit zgjedhor në Republikën e Kosovës, fillimisht duke u regjistruar si votues jashtë Kosovës dhe më vonë duke votuar”, thuhet në njoftim. /teve1.info/

The post Fillon periudha 120 ditore për regjistrimin e votuesve jashtë Kosovës appeared first on TËVË 1 - Lexoje të vërtetën!.