Olivier Giroud ka zbuluar dëshirën e tij për të rinovuar kontratën e tij me AC Milan, por gjithashtu ka lënë të kuptohet për një lëvizje të ardhshme në MLS .
Kontrata e sulmuesit francez në San Siro skadon në qershor me 36-vjeçarin që shënoi nëntë herë në 24 ndeshje për kuqezinjtë këtë sezon.
“Dua të rinovoj me Milanin, me fitoren e Scudettos hyra në zemrat e tifozëve. Po flas me klubin, nëse ka një shans për ta përfunduar karrierën time në një nivel të lartë në Milano, do ta bëj. Mund të zgjidhja një destinacion, gjithmonë më ka pëlqyer MLS”, tha Giroud.