Krasniqi, i cili bën karrierë në Ukrainë, ishte startues te Kosova në duelet kundër Irlandës dhe Austrisë, duke u vlerësuar ndër më të mirët në fushë.

Në fakt, Krasniqi është lider pas dy ndeshjeve të para në Ligën e Kombeve, sa i përket disa statistikave të kësaj gare.

Ai i prinë listës së lojtarëve sa i përket ndërhyrjeve të sakta, duke e ndarë vendin e parë me austriakun Patrick Ëimmer.

Në dy ndeshjet luajtura në Ligën e Kombeve me fanellën e Kosovës, Krasniqi ka rikuperuar hiq më pak se nëntë ndërhyrje të sakta kurse veçohet edhe për topa të rikuperuar gjithashtu.

Sa i përket kësaj statistike, Krasniqi është i dyti me 22 topa të rikuperuar, dy më pak se Van Hecke i Holandës që i prinë listës.

Krasniqi ka 21 paraqitje deri më tani me “Dardanët” kurse në katër ndeshjet e fundit të Kosovës ka qenë i pazëvendësueshëm në mbrojtje, duke u shndërruar gradualisht në titullar të padiskutueshëm.

The post Krasniqi, lider në ndërhyrje e topa të rikuperuar appeared first on TËVË 1 - Lexoje të vërtetën!.

Profil i shkruar në gjuhën cirilike nën emrin “Goran Gogo Frkz”, i cili sipas të dhënave fillestare paraqitet si një profil rus apo me mbështetje ruse, ka lënë një mesazh kërcënues në pjesën e komenteve.

Në këtë reagim shkruhet tekstualisht: “Oooo teroristicki kozojebu , jebat cemo ti sve zensko u familiji brzih dana” (Përkthimi: “Ooo terrorist…, do t’ia q*jmë krejt femrat e familjes tënde brenda pak ditësh”).

The post Kërcënohet publikisht nga një profil rus Ramush Haradinaj appeared first on TËVË 1 - Lexoje të vërtetën!.

Përmes një njoftimi, kompania u ka bërë thirrje qytetarëve që kanë obligime të papaguara për shërbimin e grumbullimit të mbeturinave që t’i shlyejnë faturat me kohë, në mënyrë që të shmangin procedurat përmbarimore dhe kostot shtesë që mund të rrjedhin prej tyre.

“Kompania u bën thirrje të gjithë qytetarëve që kanë obligime të papaguara për shërbimin e grumbullimit të mbeturinave, që t’i shlyejnë ato me kohë, duke shmangur kështu procedurat përmbarimore dhe kostot shtesë që mund të rrjedhin prej tyre”, thuhet në njoftim.

Sipas KRM “Pastrimi”, pagesa e rregullt e faturave është e rëndësishme për funksionimin e qëndrueshëm të kompanisë dhe për vazhdimin e ofrimit të shërbimeve të grumbullimit të mbeturinave.

Kompania ka rikujtuar qytetarët se shërbimi i grumbullimit të mbeturinave vazhdon të ofrohet dhe u ka bërë thirrje që obligimet për këtë shërbim t’i kryejnë pranë KRM “Pastrimi” Sh.A./teve1.info/

The post KRM “Pastrimi” paralajmëron 20 mijë lëndë për përmbarim: Qytetarët të shlyejnë borxhet appeared first on TËVË 1 - Lexoje të vërtetën!.

“Kuvendi i Republikës së Kosovës duhet të nisë pa vonesë procedurat për plotësimin dhe ndryshimin e Ligjit për Dhomat e Specializuara. Qeveria e Kosovës nuk duhet të guxojë ta zvarrisë këtë proces. Ndërsa institucionet e Republikës duhet të garantojnë mbështetje të plotë institucionale dhe financiare për ekipet mbrojtëse”, tha ai.

Tahiri u ka bërë thirrje të gjitha partive politike për maturi politike, përgjegjësi dhe kontribut konkret, sepse UÇK është e të gjithëve.

“Ne, si përfaqësues të popullit, thjesht po e përcjellim kërkesën e qytetarëve. Ata burra që dhanë kontributin e tyre që ne të jetojmë të lirë, duhet të jenë sa më shpejt të lirë dhe të dëshmohet e vërteta për luftën tonë çlirimtare. Nuk do të ndalemi. Si Grup Parlamentar dhe si Parti, do të bëjmë më të mirën për të kontribuar në këtë proces”, shtoi ai, thuhet në komunikatën e PDK-së.

Ndërsa, deputeti Përparim Gruda tha se ndryshimet e propozuara në këtë ligj nuk prishin asnjë detyrim që Kosova ka marrë, me amandamentet kushtetuese dhe me marrëveshjen e ratifikuar me BE.
“Gjykata Speciale është themeluar me qëllimin për të hetuar trafikimin e organeve. Aktakuza ndaj Hashim Thaçit, Kadri Veselit dhe të tjerëve dhe aktgjykimi në shkallë të parë, ka vërtetuar që ata, të katërtit nuk kanë lidhje me trafikim organesh. Duke qenë se ata akuzohen përtej kësaj, ne mendojmë që është e mundur që në shkallë të tretë përmes këtij ligji të garantohet një gjykim në Kosovë, sepse nuk mund të kemi dy sisteme paralele juridike”, theksoi ai.

Gruda duke kërkuar nga Qeveria që sa më shpejtë të japë ta dërgojë Ligjin në Kuvend për miratim në një rrethanë kur Kuvendi mund të shpërndahet më 6 tetor, tha se vullneti politik i një populli nuk i nënshtrohet diktatit të askujt.

“Ligji është hartuar me një ekspertizë të lartë të njerëzve që kanë punuar në PDK, jashtë PDK-së. Kjo nuk do të thotë që nuk jemi të hapur të dëgjojmë opinione tjera për ta përmirësuar cilësinë e ligjit. Asnjë zyrë administrative e qeverisë dhe asnjë zyrë tjetër kudo qoftë brenda institucioneve të Kosovës, nuk ka të drejtë të mbajë peng vullnetin e popullit të Kosovës dhe të deputetëve të Kuvendit të Kosovës, për të miratuar një ligj që mbron historinë e Kosovës. Ky nuk është ligj i PDK-së”, theksoi ai.

The post PDK: Qeveria ta sjellë sa më parë për votim në Kuvend Projektligjin për ndryshimin e Ligjit për Dhomat e Specializuara appeared first on TËVË 1 - Lexoje të vërtetën!.

Paul Wanner dhe Nikolas Veratschnig, janë liruar nga grumbullimi dhe do t’i mungojnë Austrisë për dy ndeshjet e ardhshme në Ligën e Kombeve.

Të dy futbollistët, kanë pësuar lëndime në ndeshjen kundër Kosovës në Vjenë, të cilën e fitoi Austria me rezultatin 3:1, të dielën e shkuar.

Largimin e tyre nga grumbullimi dhe kthimin nëpër klubet e tyre për trajtim të mëtejshëm, e ka konfirmuar federata austriake, të martën.

Kështu që, Austria do të jetë pa këta dy futbollistë për ndeshjen ndaj Irlandës, fillimisht dhe pastaj kundër Kosovës.

Austria të enjten përballet në udhëtim me Irlandën, ndërsa të dielën luan kundër Kosovës në Prishtinë, ndeshje këto që i takojnë Grupit B3, të cilit i prinë me 6 pikë.

The post Austria me mungesa ndaj Irlandës e Kosovës appeared first on TËVË 1 - Lexoje të vërtetën!.

Ai në një konferencë për media ka thënë se projektligji për specialen nuk duhet të lidhet me çështjen e zgjedhjes së presidentit.

Tahiri ka thënë se duhet të ndalen inskenimet për zgjedhje të reja duke shtuar se kjo parti është kundër zgjedhjeve të reja.

“Çështja e presidentit është çështje e konsensusit politik. PDK ka qenë e angazhuar me i shmang zgjedhjet, nuk duhet me bë situata e inskenime që me prodhuar zgjedhje pas zgjedhjeve, jem duke e dëmtuar shtetin, lodh qytetarët e Kosovës. Duhet mu ndal dramat dhe me ju qas me përgjegjësi këtij procesi, por për Partinë Demokratike të Kosovës, kryefjalë është ligji për Specialen”, është shprehur ai.

Sipas aktgjykimi të Gjykatës Kushtetuese 6 tetori është data e fundit për zgjedhjen e presidentit.

Kryetari i PDK-së, Bedri Hamza ka thënë se është i gatshëm për bisedime për çështjen e presidentit nëse votohet ligji për ndryshimin e Dhomave të Specializuara./teve1.info/

The post Tahiri: Për presidentit duhet konsensus, ligji për Specialen kryefjala për PDK-në në këto momente appeared first on TËVË 1 - Lexoje të vërtetën!.

Përmes një telegrami ngushëllimi, Abdixhiku e ka përshkruar Rexhajn si një aktivist dhe veprimtar të hershëm e të përkushtuar të LDK-së, duke vlerësuar kontributin e tij në jetën publike dhe institucionet komunale të Pejës.

“Me pikëllim mora lajmin për ndarjen nga jeta të veprimtarit të madh, Musa Rexhaj”, ka shkruar Abdixhiku.

Ai ka theksuar se Rexhaj do të kujtohet si një njeri i urtë, besnik dhe i palëkundur në bindjet e tij, i cili, sipas tij, i shërbeu me përkushtim çështjes kombëtare, demokracisë, lirisë dhe idealit të presidentit historik, Ibrahim Rugova.

“Kontributi i tij në jetën publike të Pejës, dhe shërbimi i tij i përkushtuar në institucionet komunale, mbetet pjesë e një rrugëtimi të ndershëm në shërbim të qytetarëve dhe të Republikës”, thuhet në telegram.

Abdixhiku ka vlerësuar gjithashtu trashëgiminë që, sipas tij, lënë pas njerëzit që kanë kontribuar gjatë gjithë jetës së tyre në shërbim të vlerave dhe idealeve të tyre.

Në fund, kreu i LDK-së u ka shprehur ngushëllime familjarëve, miqve, bashkëpunëtorëve dhe të gjithë atyre që e kanë njohur dhe çmuar Musa Rexhajn.

“U prehtë në paqe!”, ka përfunduar Abdixhiku./teve1.info/

The post Abdixhiku ngushëllon familjen Rexhaj për vdekjen e veprimtarit të LDK-së, Musa Rexhaj appeared first on TËVË 1 - Lexoje të vërtetën!.

Në raportin e Policisë thuhet se rasti është raportuar në Polic nga babai i vajzës.

“Ankuesi m/k ka raportuar se vajza e tij f/k, është larguar nga shtëpia dhe ende nuk është kthyer. Rasti është duke u hetuar”, thuhet në raportin policor./teve1.info/

The post Zhduket një vajzë në Pejë appeared first on TËVË 1 - Lexoje të vërtetën!.

E kjo ditë, Ardita Ilazit, i përkon me dy përvjetorë.

Dy vite me parë, ndërroi jetë babai i saj, Imri Ilazi.

E pikërisht nën urdhrat e tij, me 28 shtator të vitit 1998, në Jezerc të Ferizajt, ushtarët e UCK-së, i detyruan forcat të mëdha ushtarake e policore serbe, të tërhiqeshin prapa.

Kjo rezistencë e cila e shpëtoi popullsinë civile, tani njihet edhe si “Epopeja e Jezercit”

Por, angazhimi i Komandant Ferrit për lirinë e vendit, kishte nisur shumë vite më parë.

“Ka shumë histori realisht se prindërit tonë, qysh si studentë në vitet ’81, ka qenë pjesëmarrës i demonstratave në atë kohë, edhe i plagosur. Kështu që ka pasur shumë raste ku ka mundur me humb jetën, edhe në luftë më vonë, ku janë vrarë shokët e tij. Ka qenë edhe ky i plagosur, edhe normal këto rrëfime na kanë mbetur në kujtesen tonë”, shprehet vajza e tij, Ardita Ilazi.

Kujtimet kur babai u nis nga Gjermania në Kosovë, Ardita thotë se i mban mend.

Por si fëmijë, shton se nuk e kishin kuptuar peshën e atij vendimi të babait.

“Realisht ne kemi qenë të vegjël, nuk di çka të rrëfej shumë për kohën e luftës, sepse ne kemi qenë në Gjermani. Ai ka ardhur në vitin 1998, në mars të ’98-ës, nga Gjermania në Kosovë, iu është bashkëngjitur Ushtrisë Çlirimtare të Kosovës si fëmijë nuk e kam ditur peshën e asaj kohe edhe qysh më vonë jemi, kemi marrë vesh se çka ka ndodhur vërtetë. Pas luftës jemi kthyer dhe jemi bashkuar me babain tonë, gjeneralin Imri Ilazi, që e pati fatin me shpëtuar edhe me shiju lirinë”, tregon ajo.

E ata që luftuan nën urdhrat e “Ferrit” i kanë fjalët më të mëdha për komandantin e tyre.

“Unë si një luftëtar i drejtpërdrejtë i Epopesë së Jezercit sot kujtojmë me krenari, me lavdi dëshmorët e rënë në këtë betejë, nëntë dëshmorët e rënë. Por sot jemi me zemër të thyer për atë që na ka ndodhur këtë të fundit, vendimit të Hagës… Sot gjithashtu kemi dy vjetorin e gjeneralit Imri Ilazi, të cilin e kujtojmë me pietet jetën dhe veprën e tij. Gjithmonë do ta kujtojmë për sakrificën e tij, për shembull tyre në luftë”, shprehet Luan Jahiri  -nwnkryetar i OVL-UÇK-së në Ferizaj.

Por ky përvjetor, këtë vit po përjetohet ndryshe në Ferizaj.

Shkak për këtë, është aktgjykimi dënues për çlirimtarët nga Gjykata Speciale.

“Është kjo ditë e veçantë dhe sigurisht se përtej një dite është dhe bëme e veçantë edhe për faktin se ne edhe këtë ditë po e shënojmë pa praninë, respektivisht me mungesën e krerëve të Ushtrisë Çlirimtare të Kosovës që padrejtësisht po mbahen në Hagë. Dhe sot përtej homazhit, kishte edhe dhimbje, kishte edhe mërzi, që ne nuk i kishim ata, për t’i nderuar bashkë, bashkëluftëtarët e tyre. Dhe prandaj sot me ndërimin, ishte pra kjo edhe respekti që kishim po mbi të gjitha, ishte edhe si një lloj kërkese e gjithë atyre dhjetëra mijëra vetëve që jo në emrin tim”, tha kryetari i komunws Agim Aliu.

Ndryshe, në “Epopenë e Jezerzcit” gjatë përballjes me forcat serbe, heroikisht ranë nëntë ushtarë të UCK-së.

The post Rezistenca e “ferrit” i shpëtoi civilët nga krimet serbe – 28 vjet nga Epopeja e Jezercit appeared first on TËVË 1 - Lexoje të vërtetën!.