Një polic  është përfshirë në një incident me drejtorin e Përfaqësueses së Egjiptit, Ibrahim Hassan.

Rasti ka ndodhur në hotelin e përfaqësueses egjiptiane në Dallas.

Lojtarët po bënin fotografi me një tifoz të vogël. Më pas, polici amerikan është afruar dhe ka nisur konfrontimi.

Ky incident ka ndodhur para ndeshjes së Egjiptit me Australinë, që luhet sonte nga ora 20:00.

😳🇪🇬 LA DELEGACIÓN DE EGIPTO A LAS TROMPADAS CON LA POLICÍA EN DALLAS. pic.twitter.com/7W7T1MpDkx

— Fútbol Fichajes (@FutboolFichajes) July 3, 2026

The post Skandal në Botëror, polici amerikan përfshihet në një incident me Kombëtaren egjiptiane appeared first on TËVË 1 - Lexoje të vërtetën!.

Pak minuta më vonë, me postim kishte dalë edhe Ballkani i Suharekës, që kishte njoftuar se Tolaj ka vazhduar me klubin suharekas edhe për dy edicione.

Tolaj më herët kishte nënshkruar për Gjilanin kontratë dy-vjeçare.

Ai ka shpjeguar të premten gjatë ditës, se do të mbetet te kjo skuadër.

“Dua ta bëj të qartë se unë zyrtarisht jam lojtar i Gjilanit. Jam i lumtur për këtë hap në karrierën time dhe i përkushtuar maksimalisht për të dhënë gjithçka për fanellën e klubit”, ka shkruar Tolaj në faqen e tij në rrjetin social “Facebook”.

The post Futbollisti që u prezantua nga dy klube sqaron se ku do të aktivizohet në edicionin e ri appeared first on TËVË 1 - Lexoje të vërtetën!.

Federata Gjermane e Futbollit ka vendosur ta bëjë këtë, raportoi gazeta Bild, dhe Fabrizio Romano e konfirmoi.

Burimi i fundit njoftoi disa ditë më parë se Jurgen Klopp është gati të marrë përsipër detyrën e trajnerit të Gjermanisë, duke i dhënë fund një pauze dyvjeçare nga detyra e trajnerit.

Nagelsmann u punësua në verën e vitit 2023 për t’i dhënë fund serisë së dështimeve të Gjermanisë ose, në rastin më të mirë, dështimeve në turne të mëdha, por ai ia doli ta bënte këtë vetëm pjesërisht në Kampionatin Evropian dy vjet më parë. Më pas, ata u eliminuan në çerekfinale nga Spanja, kampionët e ardhshëm të Evropës.

Kupa aktuale e Botës supozohej të shënonte rikthimin e Gjermanisë në formën më të mirë, pasi “Elf” i mbyllën dy turnetë e fundit me eliminime nga faza e grupeve. Për një kampion bote të katërfishtë, kjo është për të ardhur keq, por në këtë Kupë Bote nën drejtimin e Nagelsmann, ata e përmirësuan vetëm pak atë rekord.

Gjermania mundi Kuraçaon (7-1) dhe Bregun e Fildishtë (2-1) në grup, përpara se të humbiste ndaj Ekuadorit (1-2). Në ndeshjen e parë të raundit eliminator kundër Paraguait, pas një barazimi 1-1, Gjermania u eliminua me penallti 4-5.

Kjo shkaktoi zemërim midis tifozëve dhe publikut, dhe pati thirrje që Nagelsmann të jepte dorëheqjen. Ai refuzoi, por tani është shkarkuar. Nagelsmann e ka udhëhequr Gjermaninë në 37 ndeshje. Ai ka 23 fitore, 6 barazime dhe 8 humbje, me një diferencë golash prej 90:43

The post Nagelsmann shkarkohet nga Gjermania, Klopp në vend të tij appeared first on TËVË 1 - Lexoje të vërtetën!.

18-vjeçari u zgjodh “Lojtari i Ndeshjes” pas fitores 3-0 të Spanjës ndaj Austrisë dhe pranoi se ka ende vend për përmirësim pavarësisht fushatës mbresëlënëse të kombëtares La Roja në turneun botëror.

“Duhet të vazhdojmë të përmirësohemi, si në lojën tonë ashtu edhe në intensitetin tonë, por e dimë cilësinë që kemi dhe nuk kemi frikë nga asnjë skuadër – ne jemi Spanja. Duhet ta vërtetojmë në fushë, por ne besojmë në vetvete”, ka thënë fillimisht Yamal.

Anësori i Barcelonës gjithashtu parashikoi një betejë të mundshme me Cristiano Ronaldon pasi Portugalia siguroi vendin e saj në raundet eliminatore.

“Do të ishte një nder të luaja kundër Cristianos, sigurisht, por unë jam i përqendruar në fitoren e ndeshjes dhe nuk më intereson se cili prej nesh avancon”, shtoi Yamal.

Lamine gjithashtu falënderoi tifozët për mbështetjen e tyre gjatë gjithë turneut, duke thënë se atmosfera në çdo stadium i ka dhënë atij motivim shtesë për të performuar.

Spanja tani do të përballet me Portugalinë në një nga ndeshjet më të spikatura të fazës së 1/8-tës, me Yamalin që shpreson ta udhëheqë skuadrën e tij një hap më afër lavdisë së Kupës së Botës.

The post Yamal paralajmëron Portugalinë appeared first on TËVË 1 - Lexoje të vërtetën!.

Joshko Gvardiol shënoi në minutën e 103-të të ndeshjes dhe rezultati u bë 2:2. Festa e kroatëve ishte e madhe, ndërsa fituesi pritej të vendosej në kohën shtesë. Megjithatë goli i mbrojtësit kroat u anulua për pozitë jashtë loje, pas rishikimit të VAR-it.

Pamjet televizive tregonin se Igor Matanoviq nuk e preku topin ndërsa tentonte ta bënte këtë. Dhe kjo do të thoshte se kur topi u kthye nga Renato Veiga i Portugalisë, Mario Pashaliq ishte në pozitë të rregullt para se të bënte asistimin.

Megjithatë, kur arbitri shkoi te monitori VAR, iu prezantua e dhëna që Matanoviq megjithatë kishte prekur topin.

Kjo u bë e mundur për shkak të teknologjisë, përkatësisht çipit “snicko” të vendosur në topin e Adidasit, “Trionda”, e që po përdoret në Botëror. Kjo teknologji mundësoi të dëshmohet që Matanoviq megjithatë e preku topin, ndërsa ishte në pozitë jashtë loje. Goli u anulua, Portugalia fitoi 2:1 në orët e mëngjesit të së premtes, dhe avancoi në një të tetën e finales. Ndërsa Luka Modriq dhe kroatët e tjerë bëhen gati për kthim në shtëpi. Cristiano Ronaldo vazhdon ëndrrën për ta fituar Botërorin.

“Snicko” e ka qëllimin të tregojë nëse topi është prekur nga lojtari. Një teknologji e tillë është përdorur në kriket. Sipas “The Sun”, shikuesit u habitën që përdoret edhe në futboll.

“Prit, mirë. Kjo është çmendur. Është e drejtë”, shkroi një shikues.

“Për njerëzit që turpërojnë veten duke folur për konspiracion, videoja tregon qartë prekjen e topit.

The post Cila teknologji shpëtoi Portugalinë ndaj Kroacisë appeared first on TËVË 1 - Lexoje të vërtetën!.

Ndeshja me fund dramatik ishte edhe përballje e lojtarëve në të 40-tat, Ronaldos së Portugalisë dhe Luka Modriqit të Kroacisë. Ronaldo po luan në Botërorin e gjashtë, ndërsa Modriqi e përfundoi Botërorin e pestë dhe me gjasë të fundit.

Goli nga pika e bardhë ishte i pari i Ronaldos në fazën nokaut të Kampionateve Botërore. Ai u zëvendësua në minutën e 81-të.

“Nuk kam ndier asnjëherë frikë për gjuajtjen e penalltisë. Po, nervoz. Por si gjithmonë, duhet të jesh shumë pozitiv që gjërat të shkojnë mirë”, ka thënë Ronaldo.

Ishte më pas zëvendësuesi Ramos që shënoi golin e fitores 2:1.

“Në pjesën e parë dominuam. Në pjesën e dytë, pas golit të Kroacisë, ishim pak në panik, por ky është futbolli. Pas penalltisë mendoj se ishte pak më mirë për ne. Krijuam disa raste dhe mendoj se në fund e meritonim të fitonim ndeshjen”, ka shtuar Ronaldo.

Para ndeshjes, motra e Ronaldos tha se ky ishte “vallëzimi i fundit” për superyllin, duke paralajmëruar tërheqjen e tij nga përfaqësuesja.

“E ardhmja ime tani nuk është e rëndësishme. Do të bisedojmë. Ka kohë. Fituam apo humbëm, do të bisedoj me familjen dhe do të marr vendimin më të mirë. Më nuk i marr vendimet në emocionet e momentit. Tani çdo gjë bëj në qetësi. Tani është e rëndësishme të shijojmë momentin”, ka theksuar Ronaldo.

Ai i ka 232 ndeshje për Portugalinë, ndërsa ka realizuar 146 gola e 46 asistime.

Ronaldo u shpall më i miri i ndeshjes me Kroacinë. Ai nuk foli për gazetarët, por vetëm për televizionet me të drejtë transmetimi.

“Është dashur të jemi gati që të vuajmë. Për të fituar garë të këtij niveli, kjo është e pashmangshme. Ndeshja ishte shumë e mirë për shikuesit. Momenti vendimtar ishte kur realizuam penalltinë. Më pas ndeshja ishte më e lehtë. Edhe më pas ka pasur sfida, por kështu është në këto ngarje dhe duhet të ecim para”, ka thënë superylli portugez.

“Kam luajtur me Lukën për shumë vjet. Jemi në moshë të përafërt. Mendoj se është legjendë e futbollit”.

Dy ikonat u përqafuan para ndeshjes gjatë hedhjes së shortit. Janë përqafuar dhe kanë shkëmbyer disa fjalë edhe pasi përfundoi ndeshja.

“Ai ende luan shumë mirë dhe me kualitet të lartë. I kam thënë shumë herë përgëzime për çdo gjë, se dëshiroj ta shoh përsëri. I kam dëshiruar çdo të mirë në vitet e ardhshme të karrierës”, ka treguar Cristiano Ronaldo.

The post Cristiano flet për penalltinë dhe Modriqin appeared first on TËVË 1 - Lexoje të vërtetën!.

Ishte ndeshja e katërt pa gol të pësuar për Spanjën dhe Simonin në këtë Botëror.

Simon nuk është portieri më i famshëm në Botëror. Madje nuk është as më i famshmi te Spanja. Por paraqitjet e tij kanë bërë që tani të jetë rekordmen.

Në fakt Simon i ka bërë vetëm katër pritje deri më tani. Ndaj Austrisë nuk kishte nevojë të bënte asnjë.

Të gjitha pesë tentimet e austriakëve ishin të pasakta.

“Jam krenar për të”, ka thënë selektori i Spanjës, Luis de la Fuente. “Ndiej se ai është anëtar i familjes sime. Jam shumë i lumtur për të”.

Simon është zgjedhja e parë për portën e Spanjës në gjysmën e dekadës së fundit, ndonëse përballet me konkurrencë nga David Raya dhe Joan Garcia, që janë kampionë në dy prej ligave më të mëdha evropiane.

29-vjeçari Simon e ka kaluar thuajse gjithë karrierën tek Athletic Bilbao. Tashmë i ka 62 paraqitje për Spanjën.

The post Rekordi i veçantë i portierit të Spanjës appeared first on TËVË 1 - Lexoje të vërtetën!.

Xhaka e udhëhoqi si kapiten Zvicrën në fitoren 2:0 ndaj Algjerisë në 1/16 e finales së Botërorit. Zvicra ka kaluar fazën e parë nokaut, ku ishte ndalur disa herë rresht.

“Është privilegj ta vesh këtë fanellë për herë të 150-të. Ky vend, ku jam i lindur dhe i rritur, i ka dhënë familjes sime aq shumë. Shpresoj se kjo nuk do të jetë ndeshja ime e fundit”, ka thënë mesfushori 33-vjeçar.

Ai ka thënë se ka dashur që dita të jetë sa më e veçantë dhe ekipi e ka bërë pikërisht këtë.

Zvicra në fakt ka fituar ndeshje të fazës nokaut në Kupën e Botës për herë të parë që nga viti 1938.

“Të them të drejtën as që e kam ditur këtë. Nuk jam tifoz i statistikave. Ndeshjet i marrim një pas një. E dimë potencialin që kemi dhe po ashtu se ku duhet të përmirësohemi. Duhet të jemi gati pas pesë ditësh”, ka thënë Xhaka.

Ai ka theksuar se pjesa e parë e ndeshjes ndaj Algjerisë ishte e mirë, ndërsa e dytë shumë e mirë.

“Por në fazën nokaut nuk ka rëndësi se si luan. Ka të bëjë me avancimin. Dhe ia dolëm të bëjmë këtë sot. Jemi shumë të lumtur për këtë”, ka theksuar Granit Xhaka.

Ai është i kënaqur me punën e ekipit në mbrojtje dhe faktin që nuk pësuan gol. Xhaka e ka vlerësuar edhe Johan Manzambin, që po bëhet yll i ri i Zvicrës.

Në Zvicër, tifozët u mblodhën për të parë ndeshjen në vende publike në orët e hershme të së premtes.

Xhaka ka thënë se kanë dashur të shpërblejnë shikuesit.

“Jemi falënderues për këtë përkrahje dhe kjo atmosferë po ndihet në ekip. E kemi diskutuar tashmë. Duam të bëjmë çdo gjë për të mbajtur shikuesit të lumtur”.

Zvicra për herë të tretë do të luajë në Vancouver të Kanadasë. Lideri i helvetikëve, Xhaka, është pyetur nëse ky është avantazh.

“Nuk e di nëse është avantazh. Ajo që mund të bëjmë është të fokusohemi në paraqitjen tonë. Por na pëlqen këtu. Hoteli është i mahnitshëm. Edhe atmosfera në stadium ishte shumë e mirë”, ka thënë ai.

The post Xhaka krenar me 150 paraqitjet dhe kualifikimin e Zvicrës appeared first on TËVË 1 - Lexoje të vërtetën!.

Të premten në mëngjes, Zvicra ka mposhtur Algjerinë, e cila i ka dhënë fund aventurës në këtë ngjarje.

Zvicra triumfoi 2:0 për të avancuar në 1/8 e finales, ku e pret fituesi i ndeshjes ndërmjet Kolumbisë dhe Ganës.

Breel Embolo (10′) dhe Dan Ndoye (46′), shënuan për fitoren e Zvicrës.

Xhaka si kapiten luajti gjatë tërë ndeshjes kurse Ardon Jashari ishte në stol.

The post Xhaka e Zvicra eliminojnë Algjerinë appeared first on TËVË 1 - Lexoje të vërtetën!.

Në duelin e 1/16 së finales, Portugalia triumfoi 2:1 me përmbysje të rezultatit për ta eliminuar Kroacinë.

Në 1/8 e finales, Portugalia do të përballet me Spanjën për një vend në çerekfinale.

Ndeshja ishte dramatike, pasi u anuluan tre gola, dy të Kroacisë dhe një i Portugalisë për pozitë jashtë loje pas intervenimit të VAR-it.

Kroacia kaloi në epërsi me anë të Ivan Perishiqit, përpara se Portugalia të reagojë me Cristiano Ronaldon që shënoi nga penalltia dhe rezervistin Gonçalo Ramos wë realizoi me kokë.

The post Portugalia fiton ndaj Kroacisë, vazhdon në 1/8 e finales appeared first on TËVË 1 - Lexoje të vërtetën!.