Sipas njoftimit, të mërkurën, zyrtarët e Sektorit të Hetimeve Rajonale në Mitrovicën e Veriut, në koordinim me hetuesit e Krimeve Ekonomike dhe Korrupsionit në Prizren, kanë siguruar informacione se një 29-vjeçar me inicialet A.A. me vendbanim në Leposaviq, posedonte armë ilegale.

Pas pranimit të informatave, njësitë policore kanë kryer kontrolle në dy lokacione në komunën e Leposaviqit dhe në një lokacion në komunën e Vushtrrisë.

Gjatë kontrollit janë sekuestruar një flamur me mbishkrimin “Kosovo je Serbia”, dy bomba tymuese, një pistoletë me gaz së bashku me një karikator, një armë e gjatë AK-47, si dhe një karikator i mbushur me 30 fishekë.

Lidhur me rastin është njoftuar Prokurori i Shtetit, i cili ka urdhëruar inicimin e rastit për veprën penale “Mbajtja në pronësi, kontroll ose posedim të paautorizuar të armëve”.

I dyshuari është intervistuar dhe, me vendim të prokurorit, është liruar në procedurë të rregullt.

“Policia e Kosovës mbetet e përkushtuar në identifikimin dhe largimin e armëve ilegale nga duart e qytetarëve dhe fton të gjithë qytetarët që çdo rast të dyshimtë ta raportojnë në numrin 192”, theksohet në fund të njoftimit./teve1.info/

The post Policia sekuestron armë dhe municion në Leposaviq, një person nën hetim appeared first on TËVË 1 - Lexoje të vërtetën!.

Sipas njoftimit të ministrisë, komisioni i parë do të jetë përgjegjës për certifikimin e ekspertëve dhe trajnerëve, si dhe për licencimin e kompanive dhe qendrave të trajnimit që veprojnë në këtë fushë.

Ndërkaq, komisioni i dytë do të mbikëqyrë dhe kontrollojë zbatimin e standardeve të sigurisë dhe shëndetit në punë, me qëllim të garantimit të respektimit të legjislacionit në fuqi.

Ministria ka theksuar se themelimi i këtyre komisioneve synon të forcojë zbatimin e ligjit, të rrisë cilësinë e shërbimeve dhe të kontribuojë në mbrojtjen më të mirë të punëtorëve në vend./teve1.info/

The post Ministria e Punës themelon dy komisione për sigurinë dhe shëndetin në punë appeared first on TËVË 1 - Lexoje të vërtetën!.

Përveç kësaj, përmes Kornizës Investuese për Ballkanin Perëndimor (WBIF) janë siguruar edhe tri grante shtesë në vlerë prej 25.9 milionë euro, duke e çuar mbështetjen totale në 206.4 milionë euro.

Kryenegociatori i Republikës së Kosovës me Bashkimin Evropian, Jeton Zulfaj, bëri të ditur se këto fonde do të investohen në sektorë me rëndësi strategjike për zhvillimin e vendit.

Sipas tij, fondet e IPA 2026–2027 do të mbështesin projekte në fushën e mjedisit dhe veprimit klimatik, energjisë, migrimit dhe menaxhimit të kufijve, përafrimit me Bashkimin Evropian dhe qeverisjes së mirë, konkurrueshmërisë, si dhe sundimit të ligjit.

Rreth gjysma e mjeteve financiare do të destinohen për investime infrastrukturore, ndërsa pjesa tjetër do të përdoret për grante për institucionet dhe asistencë teknike.

Ndërkaq, tri grantet e miratuara në kuadër të WBIF, me vlerë 25.9 milionë euro, do të financojnë ndërtimin e impiantit për trajtimin e ujërave të zeza në Podujevë, në bashkëpunim me BERZH-in, zhvillimin e hidrosistemit Ibër-Lepenc, si dhe segmentin e autostradës Qafë e Duhlës–Banullë.

Sipas Zulfajt, këto investime do të forcojnë kapacitetet institucionale të Kosovës, do të përshpejtojnë përafrimin me standardet e Bashkimit Evropian dhe do të sjellin përfitime të drejtpërdrejta për qytetarët dhe zhvillimin ekonomik të vendit.

The post Ku do të investohen 206.4 milionë eurot e BE-së? appeared first on TËVË 1 - Lexoje të vërtetën!.

Sipas Pozharit, një skenar i tillë është përmendur edhe nga ish-presidentja Vjosa Osmani dhe kryetari i Lidhjes Demokratike të Kosovës, Lumir Abdixhiku.

Ai ka thënë se, pavarësisht ofertave të mundshme nga Kurti për partitë opozitare, ato mund të mos i pranojnë ato për shkak të dallimeve në qasjet për qeverisje.

“Kam frikën se në opozitë mund të jetë duke u diskutuar një skemë për ta bllokuar qeverisjen e Kurtit dhe për ta shtyrë vendin drejt zgjedhjeve me një bllok opozitar, ndoshta edhe joformal. Kjo është lënë të kuptohet nga deklaratat e Vjosa Osmanit dhe Lumir Abdixhikut. Kam përshtypjen se, pavarësisht çfarëdo oferte që Kurti mund t’u bëjë partive opozitare, ato nuk do ta pranonin për shkak të dallimeve në qasjen e tyre për qeverisje. Mendoj se ky është një skenar që nuk është diskutuar sa duhet. Fillimisht u përmend nga Abdixhiku, kur tha se PDK-ja po kërkonte bashkëpunim, ndërsa më pas Osmani tha se jo vetëm PDK-ja, por kishte akterë nga të gjitha partitë që mendonin se Kurti nuk duhet të lejohet të qeverisë dhe se duhej parë mundësia e një bashkimi, edhe nëse kjo do ta çonte vendin në zgjedhje. Prandaj, edhe nëse Kurti tregohet më gjeneroz se herën e kaluar, nuk duhet përjashtuar mundësia që opozita të këmbëngulë në një rol bllokues me synimin për ta larguar atë nga pushteti”, ka deklaruar Pozhari në emisionin “Këndi i Debatit” në Tëvë1.

Ndërkohë, studiuesi i filozofisë politike, Latif Mustafa, ka vlerësuar se një bashkim i opozitës do të ishte i dëmshëm për vetë partitë opozitare.

Sipas tij, dallimet mes tyre dhe problemet e brendshme e bëjnë të vështirë një koalicion të tillë.

Ai ka shtuar se përfshirja e Listës Serbe në një ekuacion të tillë politik do të ndikonte në legjitimitetin e kryeministrit Kurti, duke e bërë këtë skenar edhe më të ndërlikuar.

“Opozita ka aq instinkt politik sa ta dijë se një bashkim i tillë do të ishte vetëshkatërrues dhe do të nënkuptonte fundin politik të saj. Veç në momentin kur në ekuacion futet Lista Serbe, kjo do të nënkuptonte legjitimimin e z. Kurti. Ata e dinë këtë dhe nuk besoj se do ta bëjnë. Partitë politike janë shumë heterogjene dhe nuk mund të bëhen bashkë. Për më tepër, ato kanë probleme edhe brenda vetë partive”, ka thënë Mustafa./teve1.info/

The post Pozhari përmend skenar bllokues ndaj Kurtit, Mustafa: Bashkimi i opozitës do të ishte vetëshkatërrues appeared first on TËVË 1 - Lexoje të vërtetën!.

Ai ka thënë se për këtë janë njoftuar të martën nga Bashkimi Evropian, se Komiteti i IPA-s ka miratuar projektet e propozuara nga Kosova në kuadër të programeve IPA 2026 dhe IPA 2027.

Kurti ka thënë se pas miratimit nga Komisioni Evropian dhe më pas nënshkrimit dhe ratifikimit të Marrëveshjes Financiare nga Kuvendi, projektet do të fillojnë zbatimin.

“Fondet do të mbështesin fushat prioritare të vendit: Mjedisi dhe klima – 44 milionë euro; Energjia – 34.5 milionë euro;Menaxhimi i kufijve dhe migrimi – 30.5 milionë euro; Konkurrueshmëria, arsimi dhe punësimi – 31.8 milionë euro;Qeverisja e mirë dhe përafrimi me BE – 24.7 milionë euro;Sundimi i ligjit – 15 milionë euro”, ka shkruar Kurti në Facebok.

Ai ka bërë të ditur se gjysma e fondeve do të shkojnë për investime infrastrukturore.

“Shumica e projekteve do të realizohen në kombinim me partnerë të tjerë zhvillimorë dhe me bashkëfinancim nga institucionet tona”, ka shkruar Kurti në Facebook.

Përveç projekteve të IPA 2026 e IPA 2027, siç ka bërë të ditur kryeministri në detyrë janë miratuar edhe 3 grante nga Korniza Investuese për Ballkanin Perëndimor (ËBIF), në vlerë totale prej 25.9 milionë euro.

“Hidrosistemi Ibër-Lepenc – asistencë teknike për përgatitjen e investimit infrastrukturor;- Autostrada Qafë e Duhlës–Banullë – asistencë teknike për përgatitjen e segmentit të autostradës;- Impianti i trajtimit të ujërave të zeza në Podujevë – grant investues prej 24.3 milionë euro, në bashkëpunim me BERZH”, ka njoftuar Kurti.

The post Kurti: Kosova përfiton 206.4 milionë euro nga fondet e BE-së appeared first on TËVË 1 - Lexoje të vërtetën!.

Ai ka thënë se këto parti kanë një problem, pasi siç, ka vlerësuar ai kanë frikë se ndonjë qëndrim i caktuar do të kushtojë me rënie të fuqisë së tyre.

“Problematika kryesore e ish-subjekteve politike opozitare që dua të shpresoj se do të shkarkohen në një moment është frika se mos një qëndrim caktuar mund të sjellë rënie ose të ngjashme në Kuvendin e Kosovës. Pres që subjektet 2,3,4 të jenë të sqarushme në qëndrimet e tyre, nëse nuk duan, në rregull. E kanë të qartë pozicionin e z.Kurtit dhe qëndrimin, posaçërisht sa i përket PDK që ka thënë se përderisa janë pesë instance të vendosjes, unë nuk kam interes dhe interesi është te LDK që të ketë partner bashkëpunimi”, ka thënë Maloku në emisionin “Këndi i Debatit” në Tëvë1.

Sa i përket qëndrimit të LDK-së ai ka thënë se kjo parti nuk e ka pasur një pozicionim të qartë për të ditur se çfarë duan.

Ndërsa, për PDK-në I është referuar deklaratës së kryetarit të kësaj partie, Bedri Hamza I cili ka thënë se nuk kanë vija të kuqe për diskutime dhe bashkëpunim.

Maloku ka thënë se Lëvizja Vetëvendosje duhet sa më shpejtë të nis diskutimet me partitë për formimin e institucioneve.

Ai ka thënë se një marrëveshje politike duhet të bëhet para konstituimit të Kuvendit që më pas zgjedhja e presidentit mos të vihet në dyshim.

The post Maloku: Ish-partitë opozitare të jenë të qarta në qëndrime, LVV të nisë sa më shpejtë diskutimet appeared first on TËVË 1 - Lexoje të vërtetën!.

Investimi synon përmirësimin e kapaciteteve shëndetësore, rritjen e cilësisë së trajtimit dhe ofrimin e shërbimeve më efikase për pacientët.

Për të parë nga afër rezultatet e këtij investimi, të mërkurën QKUK-në e vizitoi zëvendësministri i Punëve të Jashtme dhe Bashkëpunimit Ndërkombëtar i Italisë, Edmondo Cirielli, i shoqëruar nga ministri në detyrë i Shëndetësisë, Arben Vitia.

Gjatë vizitës, Cirielli vlerësoi bashkëpunimin ndërmjet Italisë dhe Kosovës në fushën e shëndetësisë, duke theksuar rëndësinë e këtyre investimeve në forcimin e sistemit shëndetësor dhe ngritjen e kapaciteteve për trajtimin e pacientëve.

Pajisjet e reja pritet të ndikojnë në modernizimin e shërbimeve në Klinikën e Kirurgjisë Kardiake dhe Laboratorin e Mikrobiologjisë, duke krijuar kushte më të mira për stafin mjekësor dhe pacientët.

The post Italia mbështet QKUK-në me pajisje moderne për avancimin e shërbimeve shëndetësore appeared first on TËVË 1 - Lexoje të vërtetën!.

Ajo ka thënë se është disktuar edhe bashkëpunim në projektin termocentralin në Vlorë, për furnizim me gaz nga ShBA, ku Kosova e Shqipëria do të ndajnë kapacitetet e energjisë elektrike në përputhje me nevojat e të dy vendeve.

“Bashkëpunimin në projektin e termocentralit të Vlorës (me furnizim me gaz të lëngëzuar natyror nga ShBA), sipas marrëveshjes së vitit 2022, me qëllim që Kosova dhe Shqipëria të ndajnë kapacitetet e energjisë elektrike në përputhje me nevojat e të dy vendeve;Zhvillimin dhe rritjen e bursës tonë të përbashkët të energjisë elektrike, Bursës Shqiptare (🇦🇱🇽🇰ALPEX), në të cilën vëllimi i tregtisë po rritet vit pas viti;Linjën e re të transmetimit 400 kV Prizren – Fierzë.U dakorduam të vazhdojmë koordinimin e ngushtë institucional dhe teknik”, ka shkruar ajo në Facebook.

The post Rizvanolli e Karakaç diskutojnë projektin e termocentralit të Vlorës me gaz të lëngëzuar nga ShBA appeared first on TËVË 1 - Lexoje të vërtetën!.

Në këtë punëtori morën pjesë përfaqësues të Zyrës Kombëtare të Auditimit, prokurorë nga rajonet e Ferizajt dhe Gjilanit, si dhe përfaqësues të Programit të Kombeve të Bashkuara për Zhvillim (UNDP).

Prokurori i Shtetit, njëherësh koordinator për rastet që lidhen me auditimin, Bahri Hyseni, vlerësoi se organizimi i këtyre punëtorive është rezultat i bashkëpunimit të mirë ndërinstitucional ndërmjet Prokurorisë së Shtetit dhe Zyrës Kombëtare të Auditimit.

Ai theksoi se punëtori të tilla do të vazhdojnë të organizohen edhe në rajonet e tjera të Kosovës, me qëllim të forcimit të koordinimit ndërinstitucional, shkëmbimit të përvojave profesionale dhe rritjes së efektivitetit në trajtimin e rasteve të referuara.

Sipas prokurorit Hyseni, bashkëpunimi i vazhdueshëm ndërmjet Prokurorisë së Shtetit dhe Zyrës Kombëtare të Auditimit mundëson identifikimin dhe trajtimin më efikas të rasteve në të cilat, gjatë procesit të auditimit, evidentohen dyshime për kryerjen e veprave penale.

The post Zyra e kryeprokurorit dhe auditimit forcojnë bashkëpunimin appeared first on TËVË 1 - Lexoje të vërtetën!.

Në raportin e Fondit Monetar Ndërkombëtar, para Kosovës ndodhet vetëm Malta, me një diferencë të vogël.

Në këtë rritje ekonomike, sipas raportit do të ndikojnë disa faktorë.

“Faktorët nxitës të rritjes janë të veçantë. Paratë e dërguara në vendlindje nga një diasporë e madhe, kryesisht në Gjermani dhe Zvicër, financojnë si konsumin ashtu edhe investimet në biznes, ndërsa shpenzimet publike për infrastrukturën dhe një sektor bankar në thellim janë faktorë shtesë. Rritja pritet të shkoj rreth 4%”, thuhet nga FMN.

Në raport, si dobësi në rritjen ekonomike theksohet vlera e lartë e importeve, dhe fakti që Kosova nuk ka ndërtuar akoma një bazë konkurruese eksporti.

Megjithatë, ekonomistët në Kosovë vlerësojnë se krahasimi i Kosovës me vende të zhvilluara nuk është i qëndrueshëm.

“Pagat ende janë te ulëta nuk ka zhvillim ekonomik të duhur ka inflacion jashtëzakonisht të lartë pra Kosova varet prej importit pra nuk është krhasushmeria me vendet e zhvilluare me Kosovën, Kosova qendron me mire se është ekonomi e re e dalë pas lufte”, vlerëson ekonomisti Lulzim Beqiri.

E varësia nga importet, sipas ekonomistit Arton Muhaxheri, është një nga pikat më të rëndësishme të raportit.

“Është tregues I qartë I nje deshtimi strukturor I ekonomisë të vendit tonë kjo sepse parametrat kryesorë të ekonomisë tregojnë Kosova vazhdon të mbetët një shtet thellësisht I varur nga importi me prodhime vendore të dobët dhe me mungese serioze të politikava zhvillore”, thotë Arton Muhaxheri – ekonomist.

Gjatë vitit 2025, ekonomia e Kosovës ka shënuar rritje prej 3.6% gjatë vitit 2025.

E sipas raportit të Bankës Qendrore të Kosovës, të publikuar në fillim të këtij muaji, në vitin 2026 nuk pritet të arrihet i njëjti nivel i rritjes.

The post Kosova ndër shtetet me rritjen më të shpejtë ekonomike, sfidë vlerësohet varësia nga importi appeared first on TËVË 1 - Lexoje të vërtetën!.