“Nëse Hashim Thaçi do të kthehej nga Haga, gjysma e Lëvizjes Vetëvendosje do të votonin për PDK-në. Kjo do të ndodhte nga frika, do t’i kaplonte euforia”, ka thënë Nexhmedin Spahiu.

Ai thotë se Thaçi është lider tjetër për dallim nga kryetari aktual i PDK-së, Bedri Hamza.

“Hashimi është “lojtar”, nuk është Bedri. Ai do të vinte me kapital dhe si fitimtar. Zgjedhjet në Kosovë do t’i fitonte pa problem”, vlerësoi Spahiu.

Specialja javë më parë dënoi me 81 vjet burgim Hashim Thaçin, Jakup Krasniqin, Kadri Veselin e Rexhep Selimin.

Ata u dënuan për krime lufte.

Thaçi u dënua me 25 vjet burg.

The post Spahiu: Nëse Thaçi do të kthehej nga Haga, gjysma e VV-së do të votonin për PDK-në appeared first on TËVË 1 - Lexoje të vërtetën!.

“Me miratimin e projektligjit për Dhomat e Specializuara, Kurti mund të akuzohet për pengim të drejtësisë. Edhe Kurtin mund ta dërgojnë në Hagë”, ka deklaruar Nexhmedin Spahiu.

Më 28 shtator, Kuvendi i Kosovës me 99 vota e ka miratuar Deklaratën për aktgjykimin e Dhomave të Specializuara në Hagë ndaj Hashim Thaçit, Kadri Veselit, Jakup Krasniqit dhe Rexhep Selimit.

Deklarata mes tjerash e konsideron të papranueshëm konstatimi për ekzistencën e një qëllimi të përbashkët kriminal nga të katër të dënuarit nga shkalla e parë. Teksti gjithashtu kërkon që Gjykata Speciale të mos dalë nga mandati i saj dhe konstaton që ka ekzistuar Ndërmarrje e Përbashkët Kriminale për dëbimin e shqiptarëve nga Kosova, e zbatuar përmes aparatit shtetëror, ushtarak dhe policorë jugosllav e serb.

Deklaratën shtatëpikëshe, ku është përfshirë edhe një kërkesë për institucionet shtetërore e lexoi para deputetëve, kryetarja e Kuvendit, Albulena Haxhiu.

The post Spahiu: Me miratimin e projektligjit për Specialen, edhe Kurtin mund ta dërgojnë në Hagë appeared first on TËVË 1 - Lexoje të vërtetën!.

Me këtë rast, ministri Maqedonci ishte folës në panelin “Siguria evropiane në mjedisin e ri gjeopolitik”.

Në margjinat e konferencës, Maqedonci dhe Anushiq riafirmuan përkushtimin e tyre për thellimin e bashkëpunimit dypalësh në fushën e mbrojtjes.

“Gjatë takimit, ata diskutuan edhe për thellimin dhe zgjerimin e bashkëpunimit trepalësh Kosovë–Shqipëri–Kroaci, me synimin që ky bashkëpunim të jetë i hapur edhe për vendet e tjera të rajonit që ndajnë vlerat dhe interesat e përbashkëta.

Të dy ministrat u dakorduan për avancimin e bashkëpunimit në industrinë e mbrojtjes, trajnimet, shkëmbimin e informacionit, si dhe koordinimin për përballjen me kërcënimet hibride.

Gjatë panelit, ministri Maqedonci theksoi kërcënimet që burojnë nga qasja hegjemoniste e Serbisë ndaj fqinjëve të saj, si dhe hapat që po ndërmerr Kosova për ndërtimin e një sistemi mbrojtës gjithëpërfshirës, me angazhimin e institucioneve dhe qytetarëve.Po ashtu, ai vuri në pah rëndësinë e bashkëpunimit rajonal dhe zhvillimit të industrisë së mbrojtjes.

Forcimi i bashkëpunimit ndërmjet Kosovës, Shqipërisë dhe Kroacisë kontribuon në avancimin e sigurisë dhe të kapaciteteve mbrojtëse në rajon”, thuhet në njoftim.

The post Ministri Maqedonci dhe homologu kroat dakordohen për bashkëpunim në mbrojtje, trajnime dhe shkëmbim të informacionit appeared first on TËVË 1 - Lexoje të vërtetën!.

“Nëse do të shkonim sërish në zgjedhje, kjo do të ishte një katastrofë e madhe. Nuk e di se çfarë garancie kemi nëse nuk mbetemi sërish në situatë të tillë edhe pas zgjedhjeve të reja eventuale. Partitë në Kosovë nuk kanë besim në njëra-tjetrën”, ka thënë Ilir Deda të premten.

Ai dyshon se Lëvizja Vetëvendosje dhe Partia Demokratike e Kosovës do ta arrijnë një marrëveshje deri më 6 tetor, kur është afati i fundit për zgjedhjen e presidentit.

“Nëse do të gjendej një marrëveshje për katër ditë do të ishte një mrekulli. Do të ishte “fanta-shkencë” që VV dhe PDK të merren vesh për kaq pak ditë, Duhet të bëhet trysni publike që mos të shkojmë në zgjedhje”, shtoi Ilir Deda.

The post Deda: Do të ishte “fanta-shkencë” nëse VV dhe PDK të merren vesh për kaq pak ditë për presidentin appeared first on TËVË 1 - Lexoje të vërtetën!.

Por, këtë radhë, në klinikën e Onkologjisë po rikthehen për të treguar një tjetër histori.

Betejën me kancerin e gjirit e kanë kaluar me sukses.

Mirëpo, rrugëtimi me këtë sëmundje nuk ka qenë i lehtë për Lumnije Çitakun.

“Me të vertet i vështirë. Janë bërë gati tetë vite që marr terapi edhe tash marr terapi çdo tri javë të cilat ndihmojn shumë. Pak para se me marr terapin veç më lëshon forca në një far mënyre si e marr terapin jam krejt më ndryshe… Frika është e tepërt. Unë kisha thënë që gjitha gratë janë shumë trimnesha mirëpo nuk e din. Duke u nisur prej vetës që nuk e kam mendu që jam kaq e fort, të gjitha grat janë shumë të forta”, tha Lumnije Çitaku.

Përkundër vështirësive, Çitaku thotë se sëmundjen e kaloi me motiv të lartë.

“Jam në gjendje të mirë sepse gjithmon bazohem në atë fjalen ‘Hyzmetin ja boj po veshin nuk ja vnoj’”, tha Çitaku.

Me kancerin e gjirit, për 15 vite është përballur edhe Xhevahire Krasniqi. Madje asaj sëmundja iu rikthye për të dytën herë.

“Hera e parë ka qenë një lajm boll i vështirë se atëher i kisha fëmijët shumë të vegjël. Mirëpo rasti i dytë tu e mendu mas shtatë viteve që e kom tejkalu më ra edhe një bombë mbi kokë…Një mesazh që ju kisha dhon të gjitha grave është mirë të bëjnë kontrolla mos të frikohen nga ajo që çka munden me pas. Mirëpo çdo fillim i çdo sëmundje është edhe më leht me e tejkalu si për nga ana e shërimit si dhe për shëndetin e vet pik së pari”, theksoi Krasniqi.

E Afërdita Kastrati, rrëfen se ia doli që sëmundjen ta mposhtë brenda një viti pas diagnostifikimit.

“Ka qenë mjaft e vështirë se më ka ra ashtu menjëherë, po jam munduar me u bo e fort për shkak të familjes, për shkak timin, për shkak të rrethit që i kam shqetësu të gjithë, po besoj që ka me shku mirë gjithçka”, deklaroi Kastrati.

Tetori në mbarë botën njihet si “Tetori Rozë”, muaji ndërkombëtar i ndërgjegjësimit për kancerin e gjirit.

The post Rrëfimi i grave që mposhtën kancerin e gjirit – diagnostifikimi i hershëm, mbijetesë appeared first on TËVË 1 - Lexoje të vërtetën!.

KFOR-i pohon se ky takim, i fundit para përfundimit të mandatit të dytë të gjeneralmajorit Ulutaş, ishte pjesë e komunikimeve dhe ndërveprimeve të rregullta mes KFOR-it dhe Forcave të Armatosura të Serbisë, të cilat janë thelbësore për nxitjen e mirëkuptimit dhe bashkëpunimit të ndërsjellë në mbështetje të stabilitetit rajonal, në të mirë të të gjitha komuniteteve.

“Gjeneralmajori Ulutaş dhe gjenerali Mojsiloviq shkëmbyen pikëpamje mbi një sërë çështjesh me interes dhe shqetësim të përbashkët. Duke shfrytëzuar këtë rast, gjeneralmajori Ulutaş e falënderoi gjeneralin Mojsilović për bashkëpunimin e tij konstruktiv gjatë mandatit të tij” njofton KFOR-i.

KFOR-i thotë se vazhdon të zbatojë mandatin e tij, të bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në një mjedis të sigurt për të gjithë njerëzit që jetojnë në Kosovë.

The post Komandanti i KFOR-it shkon në Beograd, takohet me gjeneralin e forcave serbe appeared first on TËVË 1 - Lexoje të vërtetën!.

Këshilli Prokurorial i Kosovës vendosi të premten ta shkarkoj atë nga pozita e Kryeprokurorit të kësaj prokurorie.

Gjashtë anëtarë të KPK-së votuan pro shkarkimit, kurse një votoi kundër.

Vendimi u mor në një mbledhje të jashtëzakonshme të Këshillit, të mbajtur pasdite.

Mbledhja ishte e mbyllur për media, ndërkaq KPK njoftoi për shkarkimin përmes një komunikate.

KPK vlerëson se në ushtrimin e funksionit të Kryeprokurorit të Prokurorisë  Speciale, janë evidentuar dhe konstatuar, ndër të tjera, këto rrethana:

– keqmenaxhimi i Prokurorisë Speciale të Republikës së Kosovës;

– jokompetenca në ushtrimin e funksionit të Kryeprokurorit;

– dështimi në përmbushjen e detyrave dhe përgjegjësive të përcaktuara me ligj për pozitën e Kryeprokurorit;

– mospërmbushja e standardeve të kërkuara të performancës, e konstatuar përmes vlerësimit të performancës të realizuar në pajtim me dispozitat ligjore dhe aktet përkatëse nënligjore.

Në njoftim theksohet se nga tash detyrën e Isufajt do ta ushtroj prokurori special, Dren Paca.

KPK gjithashtu ka theksuar se garanton se do të marrë të gjitha veprimet e nevojshme, sipas tyre, për rikhtimin e efikasitetit dhe forcimit të kapaciteteve profesionale për përmirësimin e rezultateve të Prokurorisë Speciale.

Pas përfundimit të mbledhjes, anëtarët e KPK-së janë parë duke dal nga objekti, mirëpo asnjëri nga ta nuk ka folur për mediat.

Blerim Isufaj në vitin 2023 ishte emëruar për të dytin mandat në krye të Prokurorisë Speciale.

Isufaj gjithashtu ishte propozuar nga përbërja e kaluar e KPK-së, si kryeprokuror i shtetit. Megjithatë, ai nuk u dekretua nga Presidentja e atëhershme, Vjosa Osmani.

E një muaj më parë, Isufaj pati një përplasje verbale me kryesuesin e KPK-së, si dhe me disa anëtarë të tjerë, kur raportoi në lidhje me sistemin për menaxhimin e lëndëve.

The post KPK vendos në një mbledhje të jashtëzakonshme, shkarkohet Blerim Isufaj appeared first on TËVË 1 - Lexoje të vërtetën!.

Pamjet e siguruara nga Tëvë1 tregojnë flakët e zjarrit në një qendër tregtare të destinuar për fëmijë.

Mësohet së është djegur msarketi, depo, restoranti dhe një hapësirë e lojërave për fëmijë.

Policia e Kosovës ka njoftuar se nuk ka persona të lënduar dhe se ende nuk dihen shkaqet e shpërthimit të zjarrit.

The post “Pamje apokaliptike” nga Fushë Kosova – Digjet marketi, depo, restoranti dhe një hapësirë e lojërave për fëmijë appeared first on TËVË 1 - Lexoje të vërtetën!.

Në kuadër të punës dhe kontrolleve të Doganës së Kosovës në bashkëpunim të ngushtë me Policinë e Kosovës parandaluan kontrabandë në pikën kufitare në Merdar.

“Gjatë kontrollit të përdorimit të pajisjeve dhe mjeteve të specializuara, është ndaluar për kontroll mjeti transportues (furgon), i cili ishte i ngarkuar në karrotrec dhe mbante targa të huaja ku gjatë kontrollit të detajuar të këtij mjeti, saktësisht në pjesën e sipërme të fërgonit midis tapicerisë dhe tavanit (mbi tavanin e furgonit), autoritetet kanë zbuluar dhe sekuestruar sipas ligjeve në fuqi: Llojin e mallit : Vape (cigare/produkte duhani) me kanabis / ose substanca të ngjashme narkotike. Sasia e sekuestruar: 204 copë”, thuhet në njoftimin e Doganës së Kosovës.

Rasti është duke u trajtuar nga njësitet kompetente hetimore të Doganës dhe Policisë së Kosovës për veprime të mëtejshme ligjore përfshirë edhe mjetin transportues.

The post Dogana dhe Policia e Kosovës parandaluan një rast kontrabande në Merdar appeared first on TËVË 1 - Lexoje të vërtetën!.

Aty, organizatori i ‘’Jo në emrin tim’’, Çlirim Haziri, i ka kërkuar ministres Donika Gërvalla që ta procedojë ligjin për Specialen, duke theksuar se ata nuk do të ‘’ndalen asnjë natë’’.

‘’Kërkesën tonë prej qeverisë e sollëm te dyert e kësaj ministrisë, te ministrja Donikë, i kërkojmë sot këtu, ta procedojë atë ligj të UÇK’së, ta procedojë se në tavolinën e saj e ka dinjitetin e kombit tonë, e ka identitetin tonë kombëtar. E ne nuk do të ndalemi derisa asnjë natë derisa kjo ministri ta procedojë ligjin…’’, ka thënë mes tjerash Haziri.

Marshimi po zhvillohet si pjesë e protestës kundër vendimit të Speciales në Hagë ndaj ish-krerëve të Ushtrisë Çlirimtare të Kosovës.

Pjesëmarrësit po mbajnë pankarta dhe po bëjnë thirrje në mbështetje të ish-krerëve të UÇK-së.

Protestuesit kanë hedhur mjete piroteknike para Ministrisë duke brohoritur “Liri çlirimtarëve, vdekje tradhtarëve”.

The post Policia rrethon Ministrinë e Drejtësisë, protestuesit hedhin mjete piroteknike appeared first on TËVË 1 - Lexoje të vërtetën!.