Lajmin e ka konfirmuar zëdhënësi i Policisë së Kosovës për rajonin e Pejës, Driton Rugova, i cili tha se dy persona janë dërguar në Spitalin Rajonal të Pejës për trajtim mjekësor.

Ndërsa, policia ka bërë të ditur se të dyshuarit janë larguar nga vendi i ngjarjes dhe janë në kërkim nga Policia.

“Sot rreth orës 09:40, Policia është informuar për një rast të therjes me thikë në rrugën ‘Agim Çelaj’ në Pejë. Si pasojë e këtij rasti, dy persona janë dërguar në Spitalin Rajonal të Pejës për trajtim mjekësor. Të dyshuarit janë larguar nga vendi i ngjarjes dhe janë në kërkim nga Policia”, tha Rugova./teve1.info/

The post Therje me thikë në afërsi të Shkollës Ekonomike në Pejë, dy persona dërgohen në spital – të dyshuarit në kërkim appeared first on TËVË 1 - Lexoje të vërtetën!.

Deputetja e PDK-së, Besa Kabashi Ramaj, nga foltorja e sallës plenare, i bëri thirrje deputetit Albin Kurti dhe Lëvizjes Vetëvendosje, të cilët i kanë marrë peng institucionet, ta konstituojnë Kuvendin.

“Nuk po kërkojmë privilegj. Po kërkojmë diçka elementare: të funksionojë shteti.

Prandaj, Kurti, thirre seancën. Konstituoje Kuvendin. Respekto Kushtetutën dhe lëri institucionet të bëjnë punën e tyre. Sepse Kosova nuk është pronë e një lideri. Kosova u përket qytetarëve të saj. Dhe askush, absolutisht askush, nuk ka të drejtë ta mbajë peng të ardhmen e saj”, tha ajo.

Kabashi Ramaj theksoi se të gjithë deputetët e Kuvendit të Kosovës, janë zgjedhur nga qytetarët për të punuar dhe për t’i trajtuar problemet e tyre, jo për të mbetur peng i krizës së shkaktuar nga Albin Kurti.

“Asnjë fitore zgjedhore nuk i jep askujt të drejtën ta vendosë veten mbi Kushtetutën. Asnjë lider nuk është mbi shtetin. Asnjë parti nuk është mbi Kosovën. Ajo që po ndodhë këtu është një krizë shtetërore e shkaktuar nga partia së cilës qytetarët ia kanë dhënë përgjegjësinë për t’i konstituuar institucionet, por që në realitet ka vendosur ta mbajë krejt shtetin peng! E pasojat i ndien pacienti që pret trajtim dhe mjeku që punon në kushte të vështira. I ndien polici, ushtari dhe zjarrfikësi që mbrojnë vendin, por vazhdojnë pa sigurim të mirëfilltë shëndetësor dhe jetësor. I ndien mësuesi. Studenti që pyet a ka të ardhme këtu. Fermeri që pret mbështetjen. Biznesi që kërkon stabilitet. Ju, qytetarë, po e paguani çmimin e një shteti që nuk po lejohet të funksionojë”, shtoi ajo.

Ajo tha se Kurti po provon të simulojë normalitet në vend, por po e dërgon rendin shtetëror e institucional drejt autokracisë.

“Rreziku që po i kanoset Kosovës sonë dhe demokracisë që me aq shumë mund e sakrificë e kemi krijuar, është i madh! Demokracia nuk zhbëhet domosdoshmërisht brenda një nate. Ajo fillon të dobësohet kur një lider nuk i pranon më kufijtë që ia vendos Kushtetuta. Kur Kuvendi mbahet jofunksional. Kur pushteti përqendrohet gjithnjë e më shumë dhe institucionet që duhet ta kontrollojnë atë dobësohen. Këto janë shenja paralajmëruese të rrëshqitjes drejt autokracisë”, shtoi ajo.

The post PDK: Kurti po e çon vendin drejt autokracisë, të konstituohet Kuvendi appeared first on TËVË 1 - Lexoje të vërtetën!.

Sipas Prokurorisë i pandehuri dyshohet për veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.

Prokuroria ka kërkuar që të pandehurin ta shpall fjator dhe t’i jepet dënimi meritor sipas ligjit.

The post Ngritet aktakuzë për vrasje të rëndë nga Prokuroria themelore në Mitrovicë appeared first on TËVË 1 - Lexoje të vërtetën!.

Një ditë më parë, PDK-ja i ka dërguar kërkesë kryesuesit të Kuvendit, Avni Deharit nga Lëvizja Vetëvendosje, për vazhdimin e seancës konstituive.

Në kërkesën e saj, PDK-ja ka theksuar se Dehari e ushtron detyrën e kryesuesit me qëllim të mundësimit të zhvillimit të seancës dhe konstituimit të Kuvendit. Sipas kësaj partie, atij nuk i takon të marrë vendime politike lidhur me atë se kur duhet të vazhdojë seanca.

“Roli i tij është procedural, i përkohshëm dhe i kufizuar nga Kushtetuta, aktgjykimet e Gjykatës Kushtetuese dhe Rregullorja e Kuvendit”, thuhet në kërkesën e PDK-së./teve1.info/

The post Mblidhen në Kuvend deputetët e PDK-së dhe Aleancës, kërkojnë vazhdimin e seancës konstituive appeared first on TËVË 1 - Lexoje të vërtetën!.

Pas takimit me liderët e subjekteve politike, Haxhiu tha se pret që në takimet e ardhshme mes LVV-së dhe LDK-së të diskutohen edhe emrat e kandidatëve të mundshëm për president.

“Partitë politike të tjera të flasin për një emër konsensual për president. Uroj që takimet e radhës që do të jenë mes LVV-së dhe LDK-së të dalin emrat e kandidatëve konsensual”, ka deklaruar Haxhiu.

Takimi i sotëm u zhvillua me qëllim të gjetjes së një zgjidhjeje për krizën institucionale dhe shmangies së zgjedhjeve të parakohshme./teve1.info/

The post Haxhiu: Uroj që takimi i radhës LVV-LDK të sjellë emra konsensualë për presidentin appeared first on TËVË 1 - Lexoje të vërtetën!.

Kështu bëhet e ditur në raportin 24-orësh të Prokurorit të Shtetit.

“Prokurori i Shtetit ju njofton se gjatë 24 orëve të fundit, janë ngritur gjashtëdhjetë e katër (64) aktakuza, kundër tetëdhjetë e dy (82) personave, për kryerjen e veprave të ndryshme penale”, thuhet në raport.

Në raport theksohet se gjatë 24 orëve të fundit, me urdhër të prokurorit, janë ndaluar 18 persona.

““Po ashtu, me urdhër të Prokurorit të Shtetit, janë ndaluar tetëmbëdhjetë (18) persona, janë parashtruar tri (3) kërkesa për caktimin e masës së paraburgimit, kundër tre (3) personave, si dhe është parashtruar një (1) kërkesë për caktimin e masës së arrestit shtëpiak, kundër një (1) personi”, thuhet më tej në raport.

The post 64 aktakuza të ngritura për vepra të ndryshme penale brenda 24 orëve appeared first on TËVË 1 - Lexoje të vërtetën!.

Haxhiu tha se qëllimi i takimit ishte që partitë të gjejnë një rrugë të përbashkët përpara, duke paralajmëruar se konstituimi i Kuvendit pa një marrëveshje për presidentin mund të çojë në përsëritjen e krizave të mëparshme.

“Sapo përfundova takimin me liderët e subjekteve politike të cilët iu përgjigjen pozitivisht ftesës sime për takim, ishin 11 liderë të partive politike të cilët përfaqësohen edhe në Kuvendin e Kosovës, qëllimi i këtij takimi ishte që në rrethanat në të cilat jemi të shohim që a kemi ndonjë rrugë që të ecim bashkë përpara në mënyrë që të shmangim ngërçin institucional, në qoftëse hymë në konstituimin e Kuvendit pa një marrëveshje për presidentin mund të përsëritet kriza e vitit të kaluar dhe po ashtu e këtij viti. E dimë ku na dërgon mungesa e dialogut apo refuzimi i takimeve”, deklaroi Haxhiu në konferencë për media.

Ajo theksoi se nuk pret që partitë politike të pajtohen për gjithçka, por kërkoi që të jenë të gatshme të diskutojnë për funksionimin e shtetit.

Haxhiu propozoi që diskutimet të nisin konkretisht edhe për emrat e mundshëm për president, duke kërkuar një kandidat konsensual dhe që nuk i përket një partie politike.

Sipas Haxhiut, gjatë takimit është përmendur edhe qëndrimi i LVV-së se presidenti duhet të jetë nga kjo parti.

Ajo paralajmëroi se zgjedhjet e reja nuk garantojnë domosdoshmërish zgjidhjen e krizës politike.

“Duhet të kontribuojmë maksimalisht për çështjen e marrëveshjes për president dhe patjetër duhet të shmangen zgjedhjet e parakohshme, unë nuk pres që partitë politike të pajtohen për gjithçka, pres që të jenë të gatshme të flasin për funksionimin e shtetit. Nëse nuk mund të merremi vesh sot, nuk kemi asnjë garanci që një palë e zgjedhjeve të reja do të na bëjnë që të merremi vesh nesër. Le të fillojmë të flasim me emra të përveçshëm për një kandidat konsensual, për një kandidat që nuk është në njërën parti politike. Kryetari i VV-së e përmendi që duan që presidenti të jetë nga partia e VV-së”, u shpreh ajo./teve1.info/

The post Haxhiu pas takimit me 11 liderët: Duhet marrëveshje për presidentin, të shmangen zgjedhjet e reja appeared first on TËVË 1 - Lexoje të vërtetën!.

Sipas Policisë, arrestimi është kryer në kuadër të veprimeve për kapjen e personave të dyshuar dhe të dënuar për vepra penale.

Personi i identifikuar me inicialet V. Rr., mashkull, ishte në kërkim për veprën penale “Posedim i paautorizuar i narkotikëve, substancave psikotrope ose analoge”.

Pas arrestimit, në përputhje me urdhëresën e gjykatës, i njëjti është dërguar për vuajtje të dënimit.

The post Arrestohet në Podujevë një person i kërkuar nga gjykata appeared first on TËVË 1 - Lexoje të vërtetën!.

Çitaku ka kritikuar partinë në pushtet, duke e akuzuar për “papërgjegjshmëri” dhe për mbajtjen peng të institucioneve të vendit.

“Fotografia e një partie politike të papërgjegjshme, nën dirigjimin e një individi, që i ka kapur institucionet, po e mban shtetin peng dhe po e përdor pushtetin për interesa politike, në dëm të drejtpërdrejtë të qytetarëve të Kosovës”, ka shkruar Çitaku.

Ajo ka thënë se vendi i deputetëve është në Kuvend, ku, sipas saj, duhet të materializohet vullneti i qytetarëve dhe të konstituohet institucioni.

“Ju presim sot, në orën 11:00, në Kuvend!”, ka përfunduar Çitaku./teve1.info/

The post Çitaku komenton takimin e Haxhiut: Fotografi e një partie të papërgjegjshme appeared first on TËVË 1 - Lexoje të vërtetën!.

Në takim po marrin pjesë lideri i LVV-së dhe kryeministri në detyrë, Albin Kurti, kryetarja e Guxo-s, Donika Gërvalla, kryetarja e Alternativës, Mimoza Kusari-Lila, si dhe përfaqësues të partive të komuniteteve jo-serbe.

Takimi po zhvillohet pa pjesëmarrjen e PDK-së, LDK-së dhe Aleancës, të cilat kanë refuzuar ftesën për konsultime.

Haxhiu kishte ftuar liderët ose përfaqësuesit e subjekteve politike për të diskutuar rreth zgjedhjes së presidentit dhe tejkalimit të situatës së krijuar politike. Partitë e ish-opozitës kanë mbajtur qëndrime të ndryshme lidhur me mënyrën e tejkalimit të bllokadës dhe formimit të institucioneve të reja./teve1.info/

The post Kurti dhe partnerët e koalicionit në takim me Haxhiun – LDK, PDK e AAK s’marrin pjesë appeared first on TËVË 1 - Lexoje të vërtetën!.