Deputetët u ftuan për vazhdimin e seancës për konstituimin e Kuvendit të Kosovës.

Por dy partitë opozitare Pdk e Aleanca nuk kanë treguar nëse do të marrin pjesë.

Nga Partia Demokratike e Kosovës nuk foli as kryetari i saj, Bedri Hamza.

Detaje nuk dhanë as nga deputetët.

As nga Aleanca nuk e bënë të ditur qëndrimin.

Të dy partitë, do të bëjnë qëndrimin e ditur pasi të mbajnë mbledhjet e kryesive.

E këto mbledhje pritet të mbahen në fillim të javës.

The post Të mërkurën vazhdon seanca për konstituimin e Kuvendit, a do të marrin pjesë PDK e Aleanca? appeared first on TËVË 1 - Lexoje të vërtetën!.

Por këtë të shtunë, Partia Demokratike e Kosovës dhe Aleanca po vijnë për herë të fundit me këtë lloj aksioni.

Kryetari i PDK-së, Bedri Hamza tha se tash e tutje, do të kalojnë në veprime tjera.

“Nga sot fillon një fazë tjetër. Një fazë në të cilën Partia Demokratike e Kosovës nuk do të mjaftohet vetëm duke kërkuar që ligjshmëria të respektohet. Do të veprojmë. Me përgjegjësi. Me vendosmëri. Me të gjitha mjetet demokratike dhe institucionale që na i jep rendi kushtetues i Republikës së Kosovës. Ne kemi kërkuar që ligjshmëria të respektohet. Nga sot, do të veprojmë që ligjshmëria të rikthehet”, theksoi Bedri Hamza.

Hamza pati kritika edhe për thirrjen e vazhdimit të seancës konstituive për datën 9 shtator.

“Tash, vazhdimi i seancës konstituive është thirrur për 9 shtator, pas afatit prej 30 ditëve që e ka përcaktuar vetë Vetëvendosje. Por Kuvendi i Kosovës nuk mund të presë derisa një parti t’i përfundojë kalkulimet e veta. Kuvendi është institucion i Republikës së Kosovës”, pohoi Hamza.

E deputeti i Aleancës, Burim Ramadani përveç Kurtit, kritika pati edhe për  kryesuesin e seancës konstituive, Avni Deharin.

“Ne e kemi të qartë që Dehari si kryesues gjatë kësaj kohe ka vepruar si vegël e drejtpërdrejtë e Albin Kurtit. Në vazhdimësi nga 7 gushti deputetët e Grupit Parlamentar të Vetëvendosjes janë në shkelje të betimit të deputetit për mbrojtje kushtetutshmërisë e ligjshmërisë në Kosovë. Kosova ka demokraci e duhet ta mbrojë demokracinë. Aleanca bashkë me PDK-në e gjithë qytetarët që e duan Kosovën dhe shtetin e Kosovës, do të veprojë në mbrojtje të demokracisë, kushtetutshmërisë e ligjshmërisë”, theksoi Burim Ramadani.

Seanca për vazhdimin e konstituimit të Kuvendit është thirrur për të mërkurën, më 9 shtator.

The post PDK dhe Aleanca në fazë të re, Hamza thotë se do të veprojnë që ligjshmëria të rikthehet appeared first on TËVË 1 - Lexoje të vërtetën!.

Por për emrin e presidentit konsensual, Lidhja Demokratike e Kosovës, në dispozicion i ka vetëm 12 vota.

Kjo meqë gjashtë deputetë nga kjo parti, dolën kundër propozimit nga kryetari i tyre.

E menaxhimi i jo i duhur nga ky i fundit, sipas profesorit universitar, Avdi Smajlaj, e krizën e re brenda LDK-së.

“Sikur të kishte një konsultim brenda partiak, brenda organeve të partisë besoj që do të menaxhohej më mirë dhe nuk do të vinte puna këtu ku ka ardhur që vendi të shkoj në zgjedhje, sepse ndoshta ka mungu ai dialogu i brendshëm i partisë dhe janë bë marrëveshje pa i konsultu të gjithë deputetët dhe ne e dimë që mandati i secilit deputet është i lirë për të votuar ashtu sic ai mendon ose ajo brenda Kuvendit dhe ky menaxhim tregon që lidershipi i LDK-së nuk ia ka dalë që të kryj punën e vet si duhet”, tha Smajlaj.

E njohësi i çështjeve politike ne vend, Fitim Musolli, thotë se Abdixhiku i premtoi votat e LDK-së, pa u konsultuar me këta deputetë.

Për këtë, thëllimi i krizës në LDK, thotë se mund t’i kushtojë parties, sipas analistit Fitim Musolli.

“Një vendim nga zotëri Abdixhiku që ti përjashtoj nga lista apo të vë në fund të listës mund të jetë fatal për të gjithë LDK-në duke e ditur se kjo 6she është kryesisht e pozicionuar në zonën e Dukagjinit ku i kanë edhe shumicën e votave dhe do të ishte jashtëzakonisht e dëmshme për Lidhjen Demorkatike të Kosovës si rezultat zgjedhor, po ashtu nuk përjashtohet mundësia që kjo 6she edhe të shkëputet tërësisht dhe të krijoj ndonjë listë të vecantë në zgjedhjet e ardhshme”, tha Musolli.

Ndryshe. gjashtë deputetët që dolën kundër vendimit të kryesisë që Bekim Sejdiu të jetë president janë Avdullah Hoti, Hykmete Bajrami, Arben Gashi, Armend Zemaj, Janina Ymeri dhe Kujtim Shala.

The post Ndarja e LDK-së, Musolli: Largimi i gjashtë deputetëve nga lista, fatal për partinë appeared first on TËVË 1 - Lexoje të vërtetën!.

Këtu, kryetari i Lidhjes Demokratike të Kosovës, i përmendi me emër e mbiemër, disa bashkëpartiakë të tij.

“Hykmete Bajrami, Avdullah Hoti, Kujtim Shala, Arben Gashi, Armend Zemaj dhe Janina Ymeri”, deklaroj Abdixhiku.

Këta 6 deputetë, sipas Abdixhikut, nuk kanë votë për të propozuarin e tij për president të Kosovës.

Disa prej këtyre deputetëve, arsyet pse nuk po e mbështesin Bekim Sejdiun për president, i bën të ditura për Tëvë1 të martën.

“Vota ime do të jetë kundër, e kam deklaruar dje. Nuk ka ndryshim. Unë nuk do të qëndroj as në sallë për ta bërë kuorumin. E kam bërë të qartë dje, besoj është e qartë për secilin”, ka thënë deputei i LDK-së, Avdullah Hoti.

“Gjithmonë kundër bashkëpunimit me Albin Kurtin, është gjë e njohur unë për atë votohem”, u shpreh Shala.

“Qëndrimi im është mbrojtja e LDK’së dhe asnjëherë me ra në kurthin e Albin Kurtit”, tha  Zemaj për media.

E një ditë më pas, i pari i LDK-së, kishte pyetje për gjashtë deputetët e partisë që e drejton.

“Dje nuk u refuzua asnjë marrëveshje qeverisëse me VV-në, sepse një marrëveshje e tillë nuk ekzistonte. LDK-ja kishte vendosur të qëndronte në OPOZITË. Të gjithë deputetët tanë ishin pajtuar me këte pozicion.  Prandaj, për çfarë po rrahin gjoks? Çfarë paskan shpëtuar? Por siç ju kam thënë në vitin 2020, kur u verbuat dhe sollët LDK-në në 12%; po ju them dhe tani, ky veprim është dëm vetëm ndaj LDK-së. Se si nuk e shihni këtë, se si nuk ndjeni këtë fat, se si ndiheni të përmbushur nga lëvdatat e atyre që gjithë jetën janë anti-LDK, këtë nuk e kuptoj!”, ka shkruar kryetari i LDK-së, Lumir Abdixhiku.

Por, pavarësisht situatës së krijuar brenda LDK-së, të mërkurën kryeministri në detyrë,  Albin Kurti tha se marrëveshja politike me këtë parti, mbetet valide.

“Por, natyrisht, siç kam thënë mbrëmë, do të zhvillojmë edhe takime dhe mbledhje. Për neve marrëveshja politike është valide”, ka deklaruar kryeministri në detyrë Albin Kurti.

Ndryshe, të hënën, përfaqësuesit e LVV-së dhe LDK-së mbajtën një konferencë të përbashkët për media, ku njoftuan për arritjen e një marrëveshje politike për çështjen e presidentit.

Këtu, për herë të parë u prezantua edhe kandidati konsensual për president, Bekim Sejdiu.

The post 6 deputetë të LDK-së nuk e votojnë Sejdiun, Kurti: Marrëveshja mbetet valide appeared first on TËVË 1 - Lexoje të vërtetën!.

E në takim po hyn me shpresën që kësaj radhe diçka do të ndryshojë.

“E kemi vullnetin e mirë, i kemi mundësitë reale”, ka thënë Kurti.

Kryeministri në detyrë, Albin Kurti e lideri i LDK-së, edhe këtë të hënë vazhduan bisedimet për presidentin.

E pas diskutimit një orësh, në holl dolën bashkë.

Në shoqëri me ta qe edhe Bekim Sejdiu.

Ky i fundit, nga marrëveshja e arritur, u prezantua si emër për president konsensual.

Abdixhiku tha se bisedimet nuk ishin të lehta.

Por sipas tij, vullneti ishte i dyanshëm.

“Nga të gjithë emrat që janë propozuar e shqyrtuar, në mesin e të cilëve të gjithë ishin individë të dalluar, gjatë diskutimeve të përbashkëta jemi dakorduar për një emër dhe ai është Profesor Doktor Bekim Sejdiu. Karriera e Profesor Doktor Sejdiut është e shquar dhe e pasur, me përvojë të ndryshme e pozita të rëndësishme”, u shpreh Kryetari i LDK-së Abdixhiku.

Pas tij, fjalën e mori kandidati për president, Bekim Sejdiu.

Ai para medieve dha edhe arsyet se pse e pranoi këtë ofertë.

“Besimi që më kanë dhënë përfaqësuesit e dy partive është nder i madh. Unë e kam pranuar këtë propozim, ndonëse ambicia ime ka qenë në fushat akademike dhe profesionale. Por, sidoqoftë, duke qenë plotësisht i vetëdijshëm edhe për barrën dhe përgjegjësinë që sjell posti i presidentit, jam vënë në shërbim të Republikës së Kosovës dhe të qytetarëve të Kosovës, që të shërbej me devotshmëri”, ka thënë kandidati për president nga LVV dhe LDK, Bekim Sejdiu.

Abdixhiku dhe Sejdiu nuk pranuan të marrin pyetje nga gazetarët.

Ndërkaq, për këtë marrëveshje rreth presidentit, një prononcim nuk pati nga  kryeministri në detyrë, Albin Kurti.

The post Arrihet marrëveshja VV– LDK – Bekim Sejdiu, kandidat konsensual i propozuar për President appeared first on TËVË 1 - Lexoje të vërtetën!.

Aty, kryeministri në detyrë, Albin Kurti mbajti takim me shefat e zyrave komunale për komunitete dhe kthim.

Madje ekzekutivi në detyrë kërkoi forcimin e bashkëpunimit me komunat për mbrojtjen e të drejtave të pakicave.

Kurti tha se sfidat ndryshojnë nga një komunitet te tjetri dhe nga një komunë të tjetra.

“Kjo posaçërisht është e rëndësishme sepse një pjesë e madhe e çështjeve që lidhen me komunitetet shfaqet pikërisht në nivelin lokal. Arsimi, punësimi, qasja në shërbimet publike, të drejtat gjuhësore, shëndetësia, mbrojtja sociale, banimi, infrastruktura, dhe pjesëmarrja në vendimmarrje janë fusha ku nevojitet koordinim i vazhdueshëm ndërmjet institucioneve dhe komuniteteve”, u shpreh kryeministri në detyrë Albin Kurti.

Ai përmendi edhe bashkëpunimin në mes komunave dhe institucioneve qendrore.

“Çështjet që identifikohen në nivel lokal shpesh kërkojnë angazhimin e më shumë se një institucioni. Për këtë arsye, është e rëndësishme që informacioni të mos ndalet në një nivel institucional, por të ekzistojë një rrjedhë e vazhdueshme ndërmjet komunave, institucioneve qendrore, dhe mekanizmave të tjerë përgjegjës”, tha Kurti tutje.

Për problemet e komuniteteve dhe adresimin e tyre foli edhe zëvendëskryeministri në detyrë për çështje të Pakicave dhe Bashkëpunim, Fikrim Damka.

“Duhet të nënvizoj: në parim që konsideroj veçanërisht të rëndësishme realizimin e të drejtave dhe qasjen në shërbimet publike nuk duhet të varen nga komuna në të cilën jeton qytetari.. Për këtë, duhet të zvogëlojmë dallimet në kapacitete ndërmjet komunave, të ndajmë praktika të mira dhe të bëjmë punën e zyrave komunitare më funksionale, dhe të orientuar drejt rezultateve. Por ky nuk është përgjegjësi vetëm e komunave”, theksoj edhe zëvendëskryeministri në detyrë për çështje të Pakicave dhe Bashkëpunim, Fikrim Damka.

Pjesa tjetër e diskutimit të Qeverisë në detyrë me përfaqësuesit e komuniteteve u bë me dyer të mbyllura për gazetarët.

The post Sfidat e qytetarëve nga komunitetet – Kërkohet më shumë bashkëpunim për të drejtat e tyre appeared first on TËVË 1 - Lexoje të vërtetën!.

Aty, përfaqësues të Lëvizjes Vetëvendosje dolën për të reaguar kundër kryetarit të Prishtinës, Përparim Rama.

Ky i fundit i akuzoi VV-në një ditë më parë si fajtore për borxhin e Ndërmarrjes Publike Banesore.

Deputeti i VV-së, Egzon Azemi tha se këto janë gënjeshtra të pacipa pasi vazhdimisht kanë kundërshtuar këtë proces.

“Dihet qartë që LVV-ja e ka kundërshtuar këtë proces që nga dita e parë. Që nga viti 2018 kemi paralajmëruar se drejtorët e Shpend Ahmetit po falsifikojnë dokumente dhe NPB-ja është në rrezik. Është e vetmja LVV-ja që ka alarmuar për rrezikun që po i kanosej NPB-së”, tha Azemi.

Sipas tij, vazhdimisht janë bllokuar në Kuvendin Komunal nga PDK-ja, LDK-ja dhe Aleanca, sa kanë qenë në qeverisje të Prishtinës, me LVV-në.

“Për më shumë se katër vjet PDK-ja ka pasur rol vendimtar në NPB. Kronologjia është e qartë, LVV-ja e kundërshtoi këtë marrëveshje të dyshimtë. Edhe një herë po dëshmohet se kur bëhet fjalë për interesa të ngushta, këta bëhen bashkë sepse në realitet janë bashkë”, u shpreh Azemi.

Në vitin 2021, NPB-ja hyri në një marrëveshje bashkinvestimi me tri kompani private për zhvillimin e një projekti banesor dhe afarist në parcelat e NPB-së në Lakrishtë. Projekti parashihte ndërtimin e pesë objekteve, por nuk u realizua dhe mosmarrëveshja mes palëve përfundoi në gjykatë.

E kjo ndërmarrje nga gjykata komerciale është e obliguar që tri kompanive t’u paguajë 32 milionë euro, në emër të fitimit të humbur.

The post Vetëvendosje i kundërpërgjigjet Ramës për NPB-në: Nga viti 2018 kemi paralajmëruar se është në rrezik appeared first on TËVË 1 - Lexoje të vërtetën!.

Kështu shkruan në pankartën që po e mbajnë në duar.

E të tjera si kjo, u panë gjatë së dielës me rastin e Ditës Ndërkombëtare të Personave të Zhdukur me dhunë.

Familjarët erdhën për homazhe te Memoriali i Personave të Zhdukur.

E përveç tyre, për homazhe erdhën edhe ushtruesja e detyrës së presidentes, Albulena Haxhiu dhe kryeministri në detyrë, Albin Kurti.

Shefja e shtetit në detyrë tha se për mbi 1500 personat e zhdukur kërkimet po vazhdojnë.

“Janë edhe mbi 1,500 persona të zhdukur me dhunë gjatë luftës, të cilët ende nuk janë gjetur. Për familjet pritja vazhdon, ndërsa për Republikën e Kosovës ende vazhdon të jetë një kapitull i hapur i cili nuk do të mbyllët deri sa të gjendet edhe personi i fundit. Kërkimet nuk janë ndalur dhe janë gjetur mbetje mortore. Vetëm në muajin e fundit në Kalludër dhe Jabukë të Zubin Potokut janë gjetur mbetje mortore të së paku 23 personave”, tha Haxhiu.

Ndërsa kryeministri në detyrë, Kurti rikujtoi zotimin e Serbisë për bashkëpunim në hapjen e arkivave.

“Mos harrojmë edhe deklaratën e 2 majit të vitit 2023, me të cilën Serbia zotohet që do të bashkëpunojë për hapjen e arkivave në mënyrë që të zbardhet e vërteta. Më duhet ta ritheksoj që një ndër dosjet më të rëndësishme që të deklasifikohet është ajo e brigadës së motorizuar ushtarake të Ushtrisë Jugosllave 37, e cila ka kryer shumë masakra në Kosovë e posaçërisht në Drenicë”, u shpreh Kurti.

Ai tha se Kosova nuk mund të presë deri në vitin 2044 për hapjen e tyre.

“Nuk mund të presim deri në vitin 2044 që të hapen këto arkiva. Ato do të duhej që të hapeshin që dje, që pardje. Ndërkohë që janë klasifikuar pikërisht në vitin 2014, atëherë kur presidenti aktual i Serbisë, Vuçiç, ishte ministër i Mbrojtjes dhe ishte gjithashtu dhe koordinatori i shërbimeve sekrete informative. Tash merreni me mend, ky që është presidenti i Serbisë sot, në vitin 2014 kur janë klasifikuar dosjet e Ushtrisë Jugosllave që kanë kryer krime në Kosovë, e në veçanti e brigadës së motorizuar 37, ka qenë ministri i Mbrojtjes dhe koordinatori i shërbimeve informative dhe sekrete të Serbisë”, tha Kurti

Për homazhe te ky memorial ishin edhe përfaqësues nga Ambasada Amerikane.

The post Haxhiu e Kurti kërkojnë hapjen e arkivave nga Serbia appeared first on TËVË 1 - Lexoje të vërtetën!.

Kësaj radhe, liderët e Vetëvendosjes dhe Lidhjes Demokratike të Kosovës, diskutuan për propozimet konkrete për President konsensual.

Takimi mbi tre orësh, i bëri optimist për zgjidhje të dy liderët, të cilët megjithatë vendosën që emrat e diskutuar të mos i bëjnë publik.

“Tash negocimi është shumë i vështirë sepse duhet të diskutohet hollësisht dhe gjerësisht, shumësia e emrave që trajtohen shtohet atëherë kur njërit prej bashkëbiseduesve në radhën kur ka fjalën sjell emër të ri dhe argumenton për filan personin e pastaj duhet të dëgjojë të tjerët çfarë mendojnë për atë person. Por lista zvogëlohet kur është e qartë se nuk mund të ketë dakordim për emër të përveçëm”, u shpreh Kurti

Të gjitha propozimet, sipas kryetari të LDK-së, Lumir Abdixhiku, janë në një vij me parkimet e darkorduara.

“Në tërësinë e emrave të prezantuar mund të them se të gjithë emrat, dikush më shumë e dikush më pak, janë në vijë me parimet e dakorduara deri më tani dhe, në këtë drejtim, lë të them se ky është një hap përpara”, tha kryetari i LDK-së.

Megjithatë, analisti politik Latif Mustafa, është pesimist për arritjen e një marrëveshjeje.

Ky është takimi i dytë i Kurtit dhe Abdixhikut për emrin e presidentit konsensual.

Përveç tyre, në të dyja takimit morën pjesë edhe përfaqësues të tjerë të partive.

Me Kurtin ishin Hekuran Murati dhe Arbërie Nagavci, ndërsa me Abdixhikun, Vjosa Osmani e Lutfi Haziri.

The post Përpjekjet për president konsensual, Mustafa pesimist për marrëveshje appeared first on TËVË 1 - Lexoje të vërtetën!.

Nën dyshimin për mbetje mortore, kërkime u zhvilluan edhe në Jabukë.

Në të dy këto lokacione, si dhe në një të tretë po në Kalludër, u gjetën mbetje që dyshohet se u përkasin së paku 23 personave.

Me të përfunduar gërmimet, të gjitha këto të gjetura u prezantuan këtë të hënë.

Në publikimin e raportit përmbledhës, i pranishëm qe edhe kryeministri në detyrë Albin Kurti.

Ai tha se numri 23 përkon me atë që njihet si “Grupi i Intelektualëve”.

“Numri 23 përkon me atë që njihet si Grupi i Intelektualëve, të cilët më 19 prill të vitit 1999 u ndaluan, u rrëmbyen dhe u pushkatuan nga forcat armike të Serbisë, që u përpoqën të fshehin dhe të zhdukin gjurmët e këtij krimi gjenocidal. Por procesi i identifikimit në tërësi mund të marrë edhe disa muaj kohë”, deklaroi Kurti.

Kurti pati një kërkesë edhe për bashkësinë ndërkombëtare.

“Më shumë se sa në çdo moment tjetër, në momente si ky, faktorët ndërkombëtarë duhet ta shtojnë trysninë ndaj fqinjit tonë verior që të zbatojë Deklaratën për Personat e Zhdukur me Dhunë, të dakorduar në Bruksel më 2 maj 2023, duke hapur dhe vënë në dispozicion arkivat shtetërore që mund të çojnë në zbardhjen e fatit të të pagjeturve. Dhe domosdo më duhet ta përsëris thirrjen për hapjen e arkivit të Brigadës së Motorizuar 37 të Ushtrisë së Jugosllavisë, e cila ka kryer masakra posaçërisht në Drenicë, por edhe gjithandej Kosovës, e dosja e së cilës para 12 vjetësh është klasifikuar për 30 vjet. Pra, ajo mbetet e klasifikuar edhe 18 vjet të tjera”, u shpreh ai.

E nga Komisioni Qeveritar për Persona të Zhdukur treguan distancën në mes të tri lokacioneve.

“Lokacioni i dytë në Jabukë dhe lokacioni i tretë po ashtu në Kalludër, në një distancë ajrore në këtë rast mes lokacionit të parë dhe lokacionit të tretë janë më pak se 300 metra. Ndërsa lokacioni i parë në raport me lokacionin e dytë, po ashtu në raport lokacioni i tretë me lokacionin e dytë, po flasim diku për rreth 1 kilometër vijë ajrore, edhe pse për shkak të specifikave të terrenit, pjesa e rrugës në këtë rast merr shumë më shumë kohë në raport me pjesën e distancës”, bëri të ditur Kushtrim Gara nga Komisioni Qeveritar për Persona të Zhdukur.

Në vendet ku janë kryer gërmimet, javën e kaluar autoritetet kanë prezantuar edhe një sasi të madhe armatimi të gjetur në afërsi të lokacioneve.

Sipas Kurtit, armët janë dërguar për ekzaminim dhe analizë për të përcaktuar nëse mund të kenë lidhje me krimet dhe masakrat e kryera në këto zona.

The post Raporti për gërmimet në Zubin Potok, Kurti: Numri 23 përkon me “Grupin e Intelektualëve” appeared first on TËVË 1 - Lexoje të vërtetën!.